مجلة ثقافية أدبية فنية
الأحد، 31 أكتوبر 2021
الخميس، 28 أكتوبر 2021
يا ناس قولولو .... بقلم وتصميم الخال الفنان / عصمت البيلي
شوفوا رقة الستات
(ياناس قلولوا)
حدفني بحصوه
جت فيي كتفي
بس حدفه حلوه
منه!! ياله تشفي
قلبي أاااااااااوه
وغنى حرفيي
وف قلبي جوه
عرفت هدفيي
يانااااس قولولوا
هوه إللبي طلبي
دااا ألليل بطوله
شاااااغلي قلبي
وعايزه أطووله
معرفشي أخبي
*
وعشااان بحبه
ها افضل وفيه
وسااااكنه قلبه
وعايزه الحنيه
وبابه يوااااربه
وأخدمه بعنيه
وعمري ماعاتبه
لو الغلطه فيه
الخال عصمت البيلي
الأحد، 24 أكتوبر 2021
بين البينين ... للشاعر / محمود وحيد
بين البينين
..................
ما بين وبين
والعمر كيف القطر
عجلاته دقاتى
واقف لوحدى
ع الرصيف
مستنى اشوف الفرح
بيشاور عليا
مستنى
شعاع الفجر
يبدر .....
ف عينى الأمنيات
واقف......
بمصمص ف الآهات
امسح دموع الخيبة
من خد الهموم
والعقل شارد
جوة بير الذكريات
حبة صور
علي كام حكاية
من حكايات الوجع
ولأنى عايش من زمان
ف حاجات كتير
عمال تقع
وناسات تبان من غير
وشوش
اوقات بشوفهم
طيبين
وأوقات يبانوا
كالوحوش
واقف بلملم ف الحاجات
اللي لسة ما انتهتش
واللي ما زالت
فوق رفوف الوقت
بتعد الساعات
وتنخرب
في دهاليز الوجع
وتصحى
جوايا اللي مات
واقف
ومستنى الفجر
يبعتلى
تأشيرة مرور
لأجل السواقي تنتشى
وتعود تدور
تفتح شبابيك الأمل
جوة عيون الانكسار
وتخضر الأرض اللي بارت
من سنين
قلبي الحزين
محتاج لحبة ابتسام
محتاج لأيقونة سلام
تبل ريق مهجتى
يمكن اعود
يمكن يلاقي سكته
ويفك اغلال القيود
ما بين وبين
والقلب لساه مستكين
مستنى بكرة يحضنه
ويمشى كفه
فوق جبين الأه
انا لسة جوايا الحياة
ومنايا القي خطوتى
أو القي حبة حلم تاه
انا كل أملى ما انهزمش
أو انى اتوه
واغرق ف بحر الاغتراب
العمر شاب
ولا عادش باقي ف الكتاب
غير حبتين
نفسي أعيشهم ع الصراط
مش بين وبين
السبت، 23 أكتوبر 2021
أنا الدنيا ...... للشاعرة / منى عبدالرحمن
أنا الدنيا
وبتشاور عليكِ الدنيا بعيونها
وبتشِدِك لها ف ثانية
وتنسي الماضي والحاضر
طريق مطعون ف كل خطوة بخناجر
طريق مسطول وبيكابر
وترمي زهرها ليكِ
وتلعب بيكِ ع الوشين
ف ثانية تبقي محبوسة
ف خانة الَّليَكْ
وترمي الزهر من تاني
تنادي عنيكِ وحشاني
وتضحك عينِك الحلوة بضحكاية
ماليها الشَّك
ويمكن تيجي ف الشيش بيش
لاتلقي حُب ولابقشيش
وتِحْدِف نظرة ف الوِنجين
وقلبك هتلاقيه ف الجُون
تشوطهولك ٢٠٠مرة
ويطلع حزن م الجَرَّة
يِصَقَّف ع اللي راح مِنِّك
ويلبس توبِك الفضفاض
وتبكي عيونِك اكْمِنِّك
دموع روحِك ف نيلها فاض
وتجري الدنيا وتسيبِك
لسانها يبص براها ويلعب
بالهوا ف إيدك
وتِنْدار ليكِ وتغني
بأمر الحب والأشواق بعيد عني
أخدتي م الهوا ومني
كفاية عليكِ واتاخري
ده انا آخري
راح اغدر بيكِ وف ثانية
أنا الدنيا
الألبوم ... للشاعر / معوض حلمي
قصـــــــــــيدة زجـلـــــــــــــية
ــــــــــ الألبـــــــــــوم ــــــــــ
طلـعـت الصـــوره م الألــبوم
وقلـــت اتخــــيل المـنـــــظر
أميــنه وراضـيه بالمــقــسوم
وســي الســـــيد بيتمنـــــظر
وسـت أميـنه الوقـتي سمـينة
واكله وشاربه ودهـنها رايـق
أمـا الســـــيد إبـن لــــذيــنه
شايل همه جبال مش فايق
كنت زمان معدول ياسي سيد
كنـــت بتـأمر زي الديــــــك
كات بتـنادي علـيك وتسـيد
كات بتبوس راسك وإيديك
كات بتموت لو سمعت صوتك
تجـري وترمـح زي حصـــان
تمسـح بالمنـديل طـربوشـك
وانـت بتـقـلـع ف القـفــطـان
مالـوا زمـانك شكـله اتقندل
عند الحرمه بقيت مسكينها
نايـم مــن غـلـبـك متشـندل
سنت ليك ياحزين سكاكينها
لمـا تقــــــولك روح بـتـروح
وانت تقول حاضـر ياأمـينه
مابتسـألش تـروح مطـــروح
والا تـروح ديـروط وادفـينا
حافظ جـدولها وبتـهــــــاتي
صاحي الصبح تجيب طعميه
وهيه بكيفها بتصحى يوماتي
تقــــــعد تاكـــــل ع الطبلـيه
بعــد الأكــل وتنـفش ريــش
بالمكــــنسه واقــــف زنـهــار
هــيه هاتمـسح بـس الشيش
وانت هاتكـنس إوض الــدار
إنت علــــيك أنابيـب الغـــاز
بعــد الشــــغـل بكـل بســاله
هيـه بتطــــبخ ع الـبوتوجـاز
وانـت بتغـــــسل ع الغـسـاله
رجـعـــت الصـــوره للألبــوم
وقـفــــت شـــــويه أتحــــسر
سـي السيد راضي بالمقسوم
ومـاشـــيه أميــــنه تتغــــندر
ــــــــــــــــــــــــــــــــــــــــــــــ
بقلــــــمي الفـــــلاح الفصـــيح
معوض حلمي .. منشأة بطاش
تمــي الامـــــديد .. دقهلــــية
الخميس، 21 أكتوبر 2021
سجال حروفك ... للشاعر / محمود وحيد و الشاعر / سمير محمود
الشاعر محمود وحيد
الله الله الله
حروفك متينة وفيها احترام
بساطة ولذاذة وعفة وسلام
جمالها بيوصل ويترك علامة
ويبدر ف قلب اللى قارى الوئام
عجبنى اعتزازك بكونك جسور
وعاشق تكمل طريقك فى نور
لا ليك ف الملاوعة وشغل التعالب
وواضح في قولك ما تعرف تدور
يا شاعر وشعرك يهز القلوب
وراضى بطبعك مزايا وعيوب
فصاحة لسانك بتشهد لحرفك
وانك يا شاعر أمير الدروب
الشاعر سمير محمود
يا شاعر مميز مثالك فريد
في روعة حروفك ما زلت الوحيد
بتبدر كلامك في حجر السطور
فتطرح قصيدة تهز الحديد
يا شاعر مُحنك ف شعرك خبير
مميز تملي وليك خط سير
وظابط ميزانك وبره الكسور
لأنه جنابك شاعرنا الكبير
الشاعر محمود وحيد
حبيبي تدوملى وتشكر كتير
يا شاعر وواعر ونقبك سمير
جمال المعانى ف شعرك غناوى
وحرفك لصدق المشاعر سفير
يدوم اللي بينا ويفضل يا غالي
وتفضل حروفك نجوم الليالى
وتوصل لغايتك وربك يزيدك
واشوفك يا طيب ف اعلي العلالى
الشاعر سمير محمود
اشوفك ياصاحبي وزير للثقافة
واشوفك مميز ورمز العفافة
واشوفك وديعة ف بنك القلوب
فتملا المشاعر طهارة ونضافة
واشوفك تدافع ف حق الفقير
واشوفك مشرّف ف صفحة سمير
واشوفك مراية بتعكس امل
واشوفك سعادة وراحة ضمير
واشوفك ياباشا مدينة رخاء
واشوفك روشتة تعالج وباء
ونسمة جميلة ف وقت الغروب
واشوفك مجاهد يلبي النداء
وش السعد ... للشاعر / عادل دبل
برغم السن ما اتقدم
ووشك نوره بيقدم
عطاء البسمه ومهندم
عليكى الخير ومشلبن
وملدن رغيف العيش
يا وش الخير يا ام السعد ما بنجم
يا معدن حر من الغالى وصوت
جوانا بيجلجل وبيأذن
في عز الليل يصحى
الفجر ويقدم طعات تانيه
عباده وذكر واستغفار منفهمهوش
ماكنا صغار ننام نلعب و نجرى
وراكى بالمشوار و قلبك دار
لا والله دا كان دوار
يا ست الحسن والأسرار
بحسك بحر مالوا قرار
بشوفك شجره جوا الدار
بلاقي ف وشك الأعمار
وتواريخ الزمن ما دار
حقيقي إنتى قمر طالع
وليلة قدر محراب ستر
وبركه وكل شئ نادر
مدد ممدود من القادر
يصورلي في تجاعيد الزمن
فيكى بأنك عمله ذهبيه
وجايه من علوم الله
تغيب الشمس بعض أوقات
ونورك عمره عنا ما غاب ولا ثانيه
تحياتي إليكي وربنا يشفيكى
الثلاثاء، 19 أكتوبر 2021
يوم ميلادك يا حبيبنا ..... للشاعر / محمد أبو إسلام
يوم ميلادك يا حبيبنا
له ُ جماله ُ و له ُ سروره ُ
يا مُحمد يا رسولنا
نفسي أكتب شيئ واقوله ُ
و اللي يكتب ليك يا سِيدنا
شيئ مُشرف نفسي انوله ُ
بس هطرح السؤال
اللي هوه مالوش جواب
مين هيكتب إرتجال ؟؟ !!
فيك يا طه يكون صواب !!
وانت وصفك شيئ مُحال
بعد وصفك في الكتاب
زَينولي الشعر كله ُ
واكتبولي من بحوره ُ
اختارولي الحلو منه ُ
واوصفولي ازاي هقوله ُ
نفسي أمدح بيه مُحمد
لو هنفضل عام بطوله ُ
رتبولي في الحروف
قسمولي في القوافي
والمعاني تكون صفوف
اللي ظاهر واللي خافي
إكتبولي في السطور
إن إسمه ُ لوحده ُ كافي
إسمه ُ يملى الكون دا نور
ولقلوبنا بيبقي شافي
يوم ميلاده ُ نور تَجلَّى َ
لما جالنا بالهداية
أي مسلم مهما صلّى َ
طول حياته ُ وللنهاية
مهما زكَّى ولا صام
ولا سِهر الليل و قام
ولا يُشكر ع الدوام
فضل طه على الأنام
مهما نشكر مش كفاية
الشمس ضِحكت للقمر
و بتبتسم فرحانه بيه
مبهوره إنه ُ في يوم قِدر
من مُعجزة انشق ليه
والجِزع مبسوط و افتكر
الدمع كان جوه عِينيه
ونبينا شافه ُ وراح جَبر
مَد الإيدين طبطب عليه
وملايكه واقفه كلَّها
الأمر جالها إنَّها
ربك لوحده ُ قالَّها
سِيدنا النبي صلوا عليه
الاثنين، 18 أكتوبر 2021
ازاي ... للشاعر / سمير محمود
ازاي يموت فينا الشغف
واللهفة منا تتخطف؟!
وازاي نبدد ف الوعود
مع ان في كلمة شرف؟!!!
وازاي نبوس ايد الفراق
وازاي هنلغي الانتماء
وازاي هنقدر ع الجفا
وندوس على الحب بغباء؟!
وازاي هنعشق حد غير
وازاي نغير خط سير
واحنا اللي زارعين الوفا
ف ارض مروية بضمير؟!
وازاي نبدل ف الشعور
وازاي هنبني بينا سور
وازاي هنعتب ع الحنين
لو كنا راضيين بالفتور؟!
وازاي نراهن ع الوداد
بسقوطنا في فخ البعاد
وازاي طريقنا هنمشي فيه
لو حد فينا عنه حاد؟!!
داحنا اللي بادعين الغرام
واحنا اللي حاطين الشروط
واحنا اللي واخدين ع الآلام
فازاي حبيبتي راح نموت؟!
وانا بكره الحب الضعيف
الضعف ياخد مش يضيف
الضعف يقتل اي شيء
ويحول الاحلام خريف!
والحب بينا ليه اساس
مش حب مبني ع الهوا
الحب لو كان ع التماس
هيكون ضعيف ف المستوى
فماترفعيش كل الرايات
وماتنسفيش كل اللي فات
الحب واقع مش خيال
الحب اجمل امنيات
سميرمحمود
السبت، 16 أكتوبر 2021
من أجلك أنت ... للشاعرة / ابتسام أحمد
من أجلك أكتب
لأري قلبك
خمرة من شفاه الحب
تنعش رضباك
بندى القبل
وتشفي جواك
من السقم
سأكتب عنك
دواوين شعري
لتصرخ أشواقي
بأنك ترجمان لروحي
و سلطان حروفي
من أجل عينيك
أغزل وأقتبس
أجمل معاني الشعر
أمتشق جياد اللهفة
من بيداء رياض الروح
لأكون بحبك أنشودة المطر
ولألىء الثلج
المنثورة على الخدود
حب لك فاق المخلة
وضاه في جماله
ضياء القمر
أيها الكامن
في حنايا روحي
كن اللهفة
لتشعل سطوري
ليثور همسي
وبركان شوقي
كن أميرا مملكتي
ولك آهات شجون
كن المداد لقلمي
ليطلق عنان البوح
لأبحر في سماء الوجد
أناجي فؤادك
بنبضات قلبي
كن ربان سفينتي
وقبطان لمحبتي
و السر المكنون
بين أبيات قصيدتي
والريشة لسيمفونية عشقي
لتدوي أنغامي
تتخطى بنان قلبي
لتنثر أنفاسي
بين ربوع جواك
بمفردات الغزل
تستنشق العطر
من كلمات الهمس
الجمعة، 15 أكتوبر 2021
قلبي ... للشاعر / محمد أبو إسلام
#قلبي
قلبي اللي عاشلك مؤتمن
مالهوش تمن
سايباه بينزف من زمن
واهو هان عليك
شوفتي بعنيك
نبضي الحزين داب واحتضر
بس القدر
ورّاكي من فينا غدر
ومين مضّحي ومشتريك
مش هوه دا القلب اللي كنتي بتعشقيه
مش هوه دا الحب اللي ياما حلمتي بيه
فجأة تبعيه !!؟
إزاي وليه !!؟
هوه انتي ناوية عالبعاد !!؟
دايماً مصرَّة على العناد !!؟
حبل الوداد مابقاش هينفع توصِيليه !!
طب حبة حبة وواحدة واحدة
ليه تبيعي وتبقي جاحدة
... وفجأة قلبي بتقتليه
هيه الزهور لما بتدبل تتقطف !!؟
ولا شواشي المر ممكن تتخطف !!؟
أرض الشراقي صعبة جداً تتوصف
مهما غدرتي انا قلبي صعب تكسريه
مابقاش خلاص بينا البراح
هنسى اللي عدى واللي راح
قلبي اللي مليان بالجراح
ترياق بعادك هيداويه
ترياق بعادك هيداويه
#محمد_أبو_إسلام
ارفعى الفستان ... للشاعر / محمد أبو إسلام
بمناسبة مؤتمر الجونة وفساتين الفنانات العارية والتي تتصدره الفنانة رانيا يوسف كتبت هذه القصيدة على سبيل السخرية من الواقع الذي نعيشه
وهي بعنوان
إرفعي الفستان يا رانيا
واقلعيه وماتخافيش
كرريها مرة تانية ..
وانشريها عـــ الأفيش
تٓسقُط الأخلاق في داهية
والسفالة لازم تعيش
لجل تتغدي بــ ملبن
واحنا نفطر بــ الدشيش
صدريلنا العُري منهج
أو مقرر في الدراسة
خلّي هز الوسط مادة
جوه قسم لــ النجاسة
وجهينا نشوف ونقبل
نبقى مرتع للدياثة
وسوسي جوه عقولنا
إن دا فن وكياسة
هيه عادة ماتقطعيها
للي هايفة كتير في يومها
واللي تحلم بالتحرر
واللي تمشي بدون هدومها
واللي واخدة الجهل مبدأ
واللي بتبخ فــ سمومها
علمينا كتير يا رانيا
مااحنا عادمين الرباية
كل لحظة وكل ثانية
خلّي للأخلاق نهاية
إرفعي الفستان يا رانيا
واقلعيه وماتخافيش
كرريها مرة تانية ..
وانشريها عـــ الأفيش
تٓسقُط الأخلاق في داهية
والسفالة لازم تعيش
الأربعاء، 13 أكتوبر 2021
الثلاثاء، 12 أكتوبر 2021
الاشتراك في:
الرسائل (Atom)
فن البوستات كمال العطيوى
-
تحليل وشرح لحن قصيدة ( دعاء الشرق ) كلمات / محمود حسن إسماعيل ألحان وغناء / محمد عبد الوهاب اللحن والموسيقى من مقام (الرست) ال...
-
إسمحي ف حضرت جنابك أعترفلك بالحقيقه قلبي أهملتيه ف سابك وانتي ماطلعتيش بريئه إدعيتي إني إنتهازي وإني ظالم وإنحيازي وف غ...
-
تغريدة الشـــــــــــــعر العربي السعيد عبد العاطي مبارك – الفايد ( مصـــــــــر ) ----------------------------...
-
اهداء بمناسبة شهر رمضان الكريم وكل عام وانتم بالف خير شرح وتحليل لحن ( رباعيات الخيام ) على وزن بحر(السريع والخفيف والرجز) ع...
-
أنا وقلبي وأنت بقلم // سليمان كاااامل .... ********************** يهتز طربا حين لقياك يهيم وجدا بنور رؤياك ........ أقول ...
-
الشاعرة / إيمان محمد انا العاشقة لأيامه و ما أزعل مرة لملامه وكل شيء له ...
-
أمر عادي اللى بينى........ وبين بلادى شيئ طبيعى.... وأمر عادى يعنى عادى...... ألقى نورها جوه شريانى......... وفؤادى م الطبيعى....... أبق... -
في قريتنا ديك بيأذن ولابيصليش ديكنا بيحضر كل أوان لما نكون عاوزين إنسان يمثلنا لاجل نعيش ديكنا يأذن تلاقي دجاجاته واقفه وراه ونافشه الري... -
قلت لهم ذات يوم اني أصلي إماما بالقمر كذبوني وقالوا مجنون علمت بأن قلوبهم كالحجر وبلغوا أرذل العمر لكنهم لا يعشقون .......................... -
معنى كلمة الله 🥀 🥀 🥀 🥀 🥀 🥀 🥀 🥀 🥀 إسبانيه تشرح معني كلمة ( الله ) بعد أن عجز عنها العرب ... هذه الفتاة الإسب...
