تشهد عيون أهلى وناسى ... رضا ابو الغيط

تشهد عيون أهلى وناسى 
بأنى ...من ساسى لراسى
بحب .....مصر المحروسه
ومكانها ف القلب أساسى

حاسس.. تملى بأوجاعها
وظروف حياتها وأوضاعها
وتملى... بدعى اللى رفعها
تفضل.. سعيده وما تقاسى

ف الغربه ....دايما أحن لها
أنا واللى داق ....مية نيلها
وقت الفرح ......بنغنى لها
وف الشدايد ......بنواسى

برسم علمها.... على جبينى
بلون حنانها.... اللى مالينى
وافرح قوى .....لو تنادينى
اشق...... انهارها..... بفاسى

ف القلب شايل .....أمانيها
ومنايا اخضر ....صحاريها
وبدمى ..حالف...... أحميها
مصر اللى ملكت احساسى
................................
للشاعر / رضا ابو الغيط