سجال ارتجالى عفوى بدو موعد
أو سابق تحضير
بين الأستاذ / عونى هشام
والأستاذه / اميره محمود
===========
عونى
صوت الصدى
عامل رنين
هز وجدانى
رد السكون
صوته
زعق الصدى
ياااانى
سكت الكلام
كتب القلم
حرف اشجانى
دبت ف هواه
خدنى معاه
وكنت وحدانى
—— وعجبى
اميره
درب الهوي عالي
سكنه قمر الليالي
صداهً صدح حياني
دق
علي قلبي بطبوله
وسهرت له الليل
بطولهً
احايل الحنين
اضفر بالشوق جدائل
مغزوله
تحياتي شاعرنا المبدع ا/ عوني هشام
عونى
مال الهوى يمى
فتحت باب قلبى
قال لى لا لمى
وبنسمته خبى
خبى عن العزال
خليك طويل البال
بالصبر هتنوله
ومن شهده هاتعبى
—- وعجبى
تحياتى
ااميره
مال قلبي علي
طيفه
وشوش قلبه لمح
خوفه
حلف له عمره
مااطمن
الا لو بات في حضن
عنييه
تاه الكلام منه باكسوفه
عونى
قلبى من كسوفه مال
فى احضان الهوى وقال له
لو الحب كان بالمال
ماكان العود عمل ظله
—— وعجبى
اميره
الحب نور قناديله
فرد للقلب منديله
شاور له نجمك بعيد
دلني ازاي انادي له
ولامال الدنيا حيجيبه
ولابيومً تطرح عناقيده
الا لو ملك شمسهً
وصبح حبه قمر ليله
عونى
الحب خلا القمر
يفرد لنا نوره
نزرع معاه الهوى
ونمشى ف بحوره
والنجمه جسر المحبه
ولكل شئ دوره
م الزرع شفنا الحصاد
اصله فى بذوره
——- وعجبى
اميره
علي جسر الهوي
مشيت حافيه
لقيت روحي بقت
دافيه
بحور غرقانه في
صبايا
نملت القلب جوايا
ومن غيركً ياروح
القلب يكون لي داءي
ودوايا
فراشه زاهيه ويايا
ربيع قلبي كده زهر
ولالغيرك عمره راح
يسهر
عونى
لضمت الحروف عناقيد
وزينت كراسى
رسمت قلبى بمحبه
ومليته احساسى
فرقت حبه بحبه
لاحبابى مع ناسى
الكل خد وكفى
ولقلبى انا ناسى
——- وعجبى
اميره
حبه محبه
حتزود رصيدك بقلوب
الاحبه
وليه قلبك يبات ناسي
انهً مش زينه وليه يقاسي
شوق المحبه قلبه بحور
وياما بشطوطه واقفه
الاحبه بقلب صبور
لحد مايلاقوا في يوم
حب ومينا ومراسي
عونى
وليه حافيه
خدى ايدى
تكون بمداس
انا حساس
واخاف الشوك
يأذيكى
وافرد لك
بساط الريح
بدون مجاريح
ولو صاب
الهوى قلبى
اقول الله
ويفديكى
بصفاء عينك
انا سابح
ونفسى اغرق
واعوم تانى
كفايه لمسه
بايديكى
نسيت الهوى عندك
نادانى الشوق
انا مخنوق
لو زاد البعاد عندك
بلاش عندك
تعالى نفك عقدتنا
تعالى نفوق
نعيش بالغرام لحظه
نطير وياها
نعلا لفوق
اميره
باخاف من الحب
وعمايله
والغدر ايلي بيكون
شايله
والبعد والجفا
والقلب ايلي بيحايله
عارفه انك مكفيني
ومالي نني نور عيني
شايل حمولي علي
اكتافك
فارد قلوعك وشباكك
وانا بالبحر بلطيه
وسحبك عالي بليالي
اخاف من حبك
لايوم تبيع وتشتري في
عناد وبعاد
وليل وسهاد
وباب دقوا عليه
كل العشاق
تنادي اكيد راح
اجيلك
اطفي شوقك
اقيد قناديلك
واحلف لك اني
الشهد في
يوم لازم اسقي
لك
واكون بيكً غنوه
واكون لك لحن
لمواويلكٌ
عونى
تخافى ليه وانا جنبك
ما راح اعاندك
كفايه نقسم اللقمه
تاجينى او اروح عندك
نقوم ليلنا باشواقه
ونبعد عنه اشواكه
اكون ليكى تكونى ليا
واحافظ لك على وعدك
صوابعى تبقى دى شموعك
وترياقى.دوا لجوعك
وشهدك املا منه الكاس
وازين بيتى لرجوعك
اميره
حاحارب الخوف
علشانك
حابص معاك لادامك
حانسي ايلي فات
ماخلاص بقي فتات
ولايلزمني غير قلب
اعيشه له يكون له
جنه ويايا
عونى
عيب
تقولى تحاربى وانا موجود
عارف انتى الكرم والجود
وعشان حبى هاحارب الكون
ويشهد ربنا المعبود
يكون قصرك هنا ف قلبى
وهاعلن عمرى ما اخبى
خطاويكى تكون دربى
واكون لك السند والعود
خلاص يا حبيبى ما تدارى
عشان انت عمود دارى
معاك الدنيا تكون جنه
ونرسم بيتنا بالحنه
وعطره مسك ويا العود
ليست هناك تعليقات:
إرسال تعليق