لو تشوف إن كلامك
ييجى بيسحرنى بيك
والحروف اللى فى سهامك
تتغرس وترد ليك
يبقى سعدك وهيامك
يرتجى يهمس إليك
ويا فرحك وانسجامك
تشتهى نظرة عينيك
لما تلقى أملك فى فكرة
جاي بياخدنا لبكرة
نبقى فيها أحلى ذكرى
والأمانى بين إيديك
يومها تشهد إن حالك
تتفتح بيه المسالك
وانت راضى باللى جالك
والسعادة مكتوبة لك
ودا من خوفى عليك
.................................
للشاعرة / بتول عبد المعز
Batool Elaatrby
ليست هناك تعليقات:
إرسال تعليق