يوم مافكرت تهجر
وتسيب عشك وتغدر
وتبعد عن هواك
ولا قدرت تصبر
وقدرت كمان تقرر
ولا تسيب ذكرا وراك
انا عمرى ماكنت اقدر
اقلك انى افكر
انى اقول ريداك
قدرت تقسى قلبك
وهو كان مطاوعك
انى ماكنش معاك
انك تبعد وتمشى
فى بعدك انا مانمش
واسهر واستناك
قلبك قاسى وانت
جربت تحب امتى
ولا تحكى عن هواك
حبيبى قسيت عليا
ياريت ترحم عنيه
مالانتظار معاك
ياريت ماسمعت عنك
ولاحتى قربت منك
ولا اشوفك هناك
مكان ماكنا نمشى
انا وانت وماتسالشى
حكايتى انا وياك
بقلكك ايه دا طبعك
وهى دى عمايلك
وانى ماكنش معاك
القسوه اللى فى عنيك
قالت ليا اخليك
وعمرى ماحنساك
خليك قاسى خليك
ده انا كان نفسى اخبيك
وافرح واسعد معاك
انا قلبى اصله حنين
لاكنه مش مبين
وكان نفسى فى هواك
عشان قلبك مايطمع
واحلف انه مايطلع
من قلبى وزاد هواك
اياك تنسى زمانى
واياك ترجع لى تانى
تقلى احلم معاك
وتقلى تعالى تانى
لحبى الاولانى
عز عليا لؤاك
الحلم انا نسيته
نستنى انت صوته
خلتنى احلم معاك
حلفت ما ارجع تانى
كفايه يازمانى
انى ما حكون وياك
ياريت حبيبى تنسى
وانا كمان راح انسى
انى اكون وياك
حلمت عمرى ماحلم
لكن الله اعلم
امتى يكون لقاك
وانا لو افتكرتك
حتمنى حبيبى قربك
وحكون دايبه فى هواك
مش عايزه اجى فى بالك
ولا اشغل لك خيالك
ولا افكر فى رضاك
هواك ده ليا عذاب
ياللى حبك سراب
لايمكن يوم انساك
اوعاك تجيلى تانى
ولاحتى فى منامى
مابقتش خلاص ريداك
انا نسيتك حقيقى
مش عيزاك فى طريقى
لو تفهم الكلام
اظن انك فاهمنى
وتقول ده موش هاممنى
واكون انا مش عوزاك
كلامى لك مش قسوه
انت معلمنى القسوه
ياريت تفضل هناك
حبك ده درس ليه
ياما شافت عنيه
منك ومن هواك
وانا ليك مش محتاجه
ولا داعى للكلام
الحاجه اللى مابينا
كانت أجمل مابينا
ولا عايزه اسمع ملام
قلبك قاسى بطبعه
والقسوه دى من طبعه
وقسيت على الأيام
الحب اللى فى قلبى
كان مدارى ومتخبى
فى قلبى وكان أوهام
كفايه قسوه منك
مش عايزه حاجه منك
خلاص خلص الكلام
ولا تقرب عليا
ولا تشوفك عنيه
ومالوش لازمه الكلام
............................
للشاعرة / راوية حسن
ليست هناك تعليقات:
إرسال تعليق