فى حب الوطن..........................للشاعرة بتول العتربي

فى حب الوطن

نفسى ياما فى قلب صافى

بالمعانى الطاهرة يزأر

والأحبة ليه توافى

نفسى أشوف بلد الحضارة

أرض خضرة زرع عافى

وأنا من ايدك يا حرة

شارب من نيلك وكافى

نفسى فى شمة لترابك

مسك ظاهر حضن دافى

نفسى أعمر نفسى أشمر

والعمل وافى وشافى

كل عمرى ليكى أوهب

جاي أقولك العوافى

# بتول العتربى

اكتوبر .................للشاعر ‏مستر رمضان عبدلله‏

اكتوبر

من قلبي وهقولها كمان

يا بلادي يا حرة يا امان

وبترجع بينا الأيام

ف اكتوبر كل الأعوام

وجنودنا ابطال وهمام

فخرنا طول الازمان

باكتوبر رجعت كرامتنا

وجنودنا اهي رافعه رايتنا

ورجعنا وعادت لمتنا

ونسينا معاها الاحزان

نفديكي بروحنا يا بلادي

وتبنيكي اغلى الايادي

ودا عهد عليا واولادي

للعهد ما عرفوا النسيان

دا المصري ما يرضي بمذلة

ولا حتي ارضه تبات بره

وكرامته جوه عنيه طاله

ف الشدة دايما بتبان

*****

بقلمي /رمضان عبدالله احمد

فينك يا غربة.................للشاعر عادل حماد

فينك يا غربة

،،،،،،،،،،،،،،،،،،،،

يعني أنا أسافر واتغرب

وبعد ما اشقي كمان واتعب

أرجع تقولوا ليه بتهرب

وكمان معلش

يعني إيه أنا مش فاهم

نفسي افهم ليه طب نتفاهم

يعني إيه بتقولوا معلش

وكل شيء قسمة ونصيب

صدقوني ده خبر مفاجئ

حاسس كأني دلوقتي لاجئ

فى بلد ال 100 مليون حبيب

هو أنا غريب ولا انا ما اشبهش

لما اللي أنا جاي عشانها

بتقولولي خلاص انساها

والبركة فيك عقبال عندك

يكره تعيش وتاخد غيرها

يعني إيه انا مش فاهم

نفسي افهم ليه طب نتفاهم

يعنى إيه بتقولوا معلش

وكل شيء قسمة ونصيب

وقال إيه اتجدعن شد حليلك

خليني بقى نفرح بيك

بس ادعينا واحنا نجيلك

هو أنا عاد فيا حيل

والله أعلم ما افتكرش

أمال كنت مسافر ليه

وعلشان مين مش علشانها

ولا عشان أهرب منها

صدقوني دي بالف وش

فينك يا غربة وحشتيني

أنا إيه اللي جابني جايلك تاني

صحيح أنا جيت غصب عني

لكن كان بدري على معادي

يعنى أنا أسافر واتغرب

وبعد ما اشقي كمان واتعب

أرجع تقولوا ليه بتهرب

وكمان معلش

يعني إيه انا مش فاهم

نفسي افهم ليه طب نتفاهم

يعني إيه بتقولوا معلش

وكل شيء قسمة ونصيب

فينك يا غربة

ك/ كلمات عادل حماد

#إبن_الحلال..............للشاعر محمد عامر

#إبن_الحلال

تعالوا نتكلم ... بصراحه

الدنيا مفيش فيها راحهش

دنيا أسيه .. دنيا غداره

بختصار ياميت خساره

حتي البشر قلوبهم قاسيه

بلا قلوب .. ياخلق عايشه

تعبنا فيكي ... يادنيا تعبنا

ولا حد حاسس ليه بيناااا

يادنيا غدرك بقاااااااا عالي

وناس كتير اوووي بتعاني

والرخيص .... أصبح غالي

وإبن الأصول فيكي متهان

إبن الحلال فيكي ضاع حقه

وهان عليكي ..... يادنيا دمه

ما تيجي يادنيا معانا من الأخر

الفرح ليه ........... عمال يتاخر

والحزن عايش ........ ليه ويانا

نفسي تيجي يادنيا علي هواناا

نفسي تيجي يادنيا علي هواناا

...

#إبن_الحلال

بقلم/ الشاعر محمد عامر

1/10/2019

قلة أصلك................للشاعر بهاء الصعيدي‏

قلة أصلك...

أنا قلبي كان شاريك / وكنت بخاف عليك

وليه أنته بأيديك / بسهوله بعتني

دانا عشت حياتي ليك / وكنت ضحكة عينيك

روح بقا الله يجزيك / ياللي خدعتني

ــــــــــــــــــــــــــــــــــ

أنا كنت أيه بالنسبه لك / أنا كنت ولا حاجه

كان نفسي بس أبقالك / في يوم كل حاجه

وليه العيش والملح اللي مابنا عليك كدا هان

وليه قلبك الطيب الحنين بالرخص بعني وخان

أنته علمتني أبقي أناني ومديش لحد أمان

يااااااااااااااااااااااه علي قلة أصلك

يااااااااااااه بان كمان علي أصلك

الشده عرفتني أد أيه طلع أصلك

ــــــــــــــــــــــــــــــــــ

ماهوا برضه أنا اللي أستاهل

عشان رخصت نفسي لناس

ياما غرقتها في جمايل

وطلعت معدومين أحساس

قلة أصلك...

كلماتي/الشاعر بهاء الصعيدي

حتى السلام انتحر...............للشاعر عبدالحي فرغلي

حتى السلام انتحر

ــــــــــــــــــــــــــــــــــــــ

وبعدين يا امي

النار فى دمي

عَمًال بتاكل حطب

جسمي النحيل

حتى النخيل ع الشط

شعوطه الدخان

لسوعه

شر الظلام

لمًا السلام

لملم هدومه ورحل

والفجر غاب

وسط الضباب

وانتحر

بدي السلام

لاجلن ننام

لاجلن حياتنا تبتسم

والبسمة ترجع تترسم

فوق الشفايف

انا اصلي خايف

لأني شايف

دنيتنا شاشه مضلمة

والشمس فيها معتمة

حتى النجوم

لبست هدوم لون الفضا

و ايامنا اهي بتنقضى

حبة هموم . حبة شقا

شبعنا ذل ومرمطة

حياتنا كلمة مشخبطة

فوق الورق

عٌمر انسرق

من جيل لجيل

غاوي الرحيل

لدنيا تاني غير هنا

لدنيا تاني حنينه

فيها السلام

فعل وكلام

مش بس كلمة فى الخطب

أو كلمة لازم تنكتب

فوق الورق

وتلف تاني تنشطب

ونسيب لسان الشر ياكل

فى الحياه

أصل الحياه

من غير سلام

زي الحطب

أصل الحياه

من غير سلام

زي الحطب

ــــــــــــــــــــــــــ

عبد الحي فرغلي

(((( مُش عارف))))..............للشاعر سامى ابو الغيط

(((( مُش عارف))))

&&&&&&&&&&&

ومش عارف

إن الشوق ليك

يكون جارف

ويجذبنى ل طيارك

لكن عارف

برمش عنيك

تاخدنى ل جنتك حارس

واعدى كل اسوارك

ملوعانى بقى ف هجرك

وقلبى اللى كان

طول عمره يتمنى

يكون لك ضمن زوارك

خلاص حبك

اهو داب وانكوى بنارك

ومش عارف اسيب بابك

واعيش اللوعة وعذابك

بقيت راهب ف محرابك

ورهُبانك جلادين واقفين

وانا من بدرى مستنى

اخطف منك النظرة

تخلينى اعدى أسورك

واكون جوه سردابك

ســــــــامى أبو الغيط

**********************

هي نصيحة وليكي بقولها......................للشاعر Samir Mahmoud

هي نصيحة وليكي بقولها

إبعدي عني ومن أولها

..............

أنا إنسان تركيبته عجيبة

شرير خالص مليان طيبة

قلبي أمّر من التخشيبة

واللي تقرب يانا ياويلها!

.............

وأنا ف الحب لازملي شروط

صدق وحب وقلب ياقوت

ياإما أحب وأكون مبسوط

ياإماأولع روما بحالها

..............

كان لي زمان ف الحب أحباب

وقت العوزة طلعوا سراب

باعوا هوايا وقفلوا الباب

ناس غدارة مكانش ف بالها

..................

منا من كتر ماشوفت زمان

مش بسهولة هحب كمان

أنا مش آلة أنا إنسان

أنا حاجة تتمنى تنولها

............

وعشان أرجع تاني وأقرر

اكتب قصة حب وأسطر

لازم أسأل نفسي وأفكر

وساعتها يمكن أعملها

#سميرمحمود

اكون او لا اكون.............للفنانة ‏عفاف سعده‏.

( وإن سألوك )............................للشاعر Abdelhamid Salim

( وإن سألوك )

 م/عبالحميد سالم

وإن سألوك عن مصر فقل لهم : إنها

هى من ورد ف القرآن 5 مرات ذكرها

وخير جند الأرض طبعا جندها

وفى رباط إلى يوم الدين وكل شعبها

وإن ضاقت عليكم الأرض بما رحبت

فلن تجدوا ملاذا امنا إلا فى أرضها

وإن لم يسألوك فلأنهم يعرفون قدرها

فمهد الحضارة هى والتاريخ يشهد لها

وكل الفخر لى ولك لأننا من نسلها

ف اللهم احفظها لنا وانصر دوما جيشها