واحد ومات
بقلم / بتول العتربي
**********
واحد ومات
مسمعتهوش يوم في الضحى
كان آم يصلي ويستغيث
احمينا يارب البشر
دي أمتك مالها مغيث
غير رحمة منك تهتدي
ترجع لتوب أبيض عفيف
وترتدي قلب وحاضر بالرضا
يطلب أمانه في دنيته
و الأولة توبة تغيث
واحد ومات
عنده كتير من الصفات
راشق في جدره
عارف طريقه وبثبات
محتاج لصوته مش سكات
ينطق بكلمة حق تدوي
فيتهز الجبل
ملهاش ممات
واحد ومات
ترك الأماني والأمل
غاب عنا لكن محتمل
نلقاه جوه صفحات الكتاب
ذكرى جميلة كالسحاب
مرت علينا واختفت
لكنها
تركت لنا سطر في جواب
اتذكروني بالدعا والمغفرة
يوم الحساب
ليست هناك تعليقات:
إرسال تعليق