العودة للأصول والمبادئ
الغوا الكمبيوتر
ورجعوا الكتاب
شوفوا ايه اتغير
وبلاش عذاب
ليه عيل صغير
يبقي كداب
والله امر يحير
والله دا خراب
الواد عامل كبير
ولابوه بيراقب
والبت ليها صور
عل الفيس تتراقب
تكتب وتختار
ولبسنا نقاب
وشباب تنهار
والله دا عذاب
تضحك وتهزر
والخيبه ورا الباب
وعيشتنا دمار
وعارفين الاسباب
وعجوز فيه تحتار
عامل من الشباب
والكل خلاص اتغير
وفتحنا الابواب
وامور كتير تحير
عيل شكل الغراب
عامل فيها كبير
ويقول انا مش كداب
جاب لابوه العار
وابوه يا عيني بواب
وواحده تعاكس الجار
وتقول عليه حبيب
وهو اصله كبير
وملهش في العذاب
والتاني ماسك سيجار
واصله واد نصاب
وعذاب كتير ومرار
والصورة بقت ضباب
والله دا امر خطير
وعلينا فيه عتاب
من امتي الصغير
مبيروحش الكتاب
وابوه عليه بيدور
ويفتح له الكتاب
وخلاص الكل اتعور
وعايش في العذاب
ارجع تاني اتصور
وبلاش خراب
اوعي يوم تتهور
وتعيش كداب
كلمات حمدي عبدالوهاب
ليست هناك تعليقات:
إرسال تعليق