الاثنين، 28 أبريل 2025

وانا شوفتك .......... للشاعرة / هيام الشهاوي

 


 

((   أنا شوفتك و ))

 

هيام الشهاوى

رداً على قصيدة الشاعر سمير محمود ( أنا شوفتك)  

وانا شوفتك

@@@@

وانا شوفتك واحد ماسك سوط

وبيجلد نفسه لحد الموت

يمكن مصدوم يمكن متخان

يمكن مجروح من حب زمان

بس اللى أكيد جواه إنسان

محتاج لهدوء والأزمة تفوت

يا سعادة البيه الغدر لو ناس

وجينات الوفا فى جذوري أساس

لو بس قدرت للحظه تفوق

هتفرق بين الزيف والماسّ

وانا (حره ) من ساسي لراسي

مش لاجأه ومشكوك فى أساسي

من أصغر واحد له هيبه

ولأكبر واحد من ناسي

متواضعة وباحب العامة

ما بحبش حواليا اللمة

وباحب الفقرا عشان منهم

وادوني نيشان أفضل ذمة

من امته الجلاد كان قاضي

بيخبط فى الناس ويعادي

بطلت تشوف أعياك الخوف

بتخلص تارك م الماضي

واسمح لى معاك هاخد راحتي

واتمنى ما تكرهش صراحتي

ولمحتك كده بعيون شاعر

بترص كلام ناقصو مشاعر

كل الأبيات عندك أموات

نقصاك الروح يا جميل هيهات

لو كان البيت دا حبيب كان مات

ولا انت بنفسك مش شاعر ؟

واتمنى ياسيدى تكون راضي

الليلة عملت عليك قاضي

أكتبلى كلام فيه حس وروح

ماتسوقش فى عندك ع الفاضي

 

بقلمى هيام الشهاوى

 

 

 

ليست هناك تعليقات:

إرسال تعليق

فن البوستات كمال العطيوى