(موال ياغاوي الحريم) ... للخال الشاعرالفنان / عصمت البيلي

 

 

(موال ياغاوي الحريم)
------------
يا غاوي الحريم
الحريم كله واحد
*
هنا أو بره
بيضه أو سمره
شاطره أو مش  شاطره
واحد وبلاش تعااند
*
يعني
الفرق فى الطبااااع
(برده هجر ووداع)
يعني
الفرق فى اللون
(كفايه جمال العيون)
يعنى
الفرق الأجسام
(أحسن علاج الكلام)  
يعنى
الفرق فى ألطبيخ
(الأحلى الجبنه والبطيخ)
طبعا بعد إذن الوالد
*
ياعم
شجع الإنتاااج المحلي
وسيب الدولي للدولي
وصلي على النبي صلي
وأفكارك الوحشه تولي
وبلاش تعارض
*  
بدل ما تعييش
وترجع مافيش
لا حامي ولا بارد
*
ياغاوي الحريم
الحريم كله واحد
-------------
الخال عصمت البيلي

 

انسحاب ... للشاعرة / صفاء الخواجة

 

   انسحاب
ايوه..باعلن..انسحابي
من....حياتك.....من........هوانك  
من..آلام....سببتها....لي.....!!!!!
من..دموع...سالت.....عشانك!!!!
من...هوى...عمره.....ما هانك!!!
 و أنت..رخصته..و هانت..!!!!
كل...نبضاته....إللي.....كانت .....
عايشة......تترجى...حنانك....!!!!
        أيوه....باعلن......إنسحابي
و أوعى..تسأل..عني..تاني .....
أوعى .تشتاق.......له.....حناني...
توبت....عنك......عن.....آلامي...
        أيوه.....باعلن....إنسحابي..
         و أنت.....عارف.....
قلبي.....عمره......يوم.......ما خانك..
لما.....حبك.......كان......خيالي..!!!
نبضه.....حلمه......كان....مثالي!!!!
كان...بيتنازل......عشانك.......!!!!!
مش......لضعفه.......بس..شاري!!
و أنت.....حبك.....كان.....أناني!!!
قلبي......معرفتش......تصونه؟؟
بيعته....و خسرته...ف..ثواني!!!!
و لما....بيعته.....هو...باعك!!!!!!!!

باى باى سلامات . .. سجال بين الشاعر / ناصر العوضى والشاعرة / شيرين عبدالمنعم ابراهيم

 

باى باى سلامات

انا كنت مريض كم يوم بيكى و كأنى هامـــــوت
و شربت المر اللى يداوى مرضى و خفيــــــــــت

و قطعت حبال كانت بيننا و الحب نســـــــــــيت
ولا انى وراكى اجرى و اقول لك و النبى حبيــت

ده انا ابات على اى رصيف بره او انام فى تابوت
و لا انى اترجى انى فى حضنك لو ثانـــــية ابات

و كفاية حكمتى باعدامى بدون اتهامـــــــــــــات
و ذبحتى القلب اللى عشانك للأحباب فـــــــــات

و في يوم عيد الحب ها جى لك من تحت البيت
و هاقول لك خلصت و ارتاحنا باى باى سلامــات

ما انا اصلى غلطت انى عشقتك .. دنيا المتاهات
واخدانا و خليتى حياتنا احـــــــــــــــزان و آهات

و يا دنيا أنا مش عايز ضحكك و الابتســــــامات
لو حتي هاتيجي و لابسه لي مناديل و صــاجات

ما هو ضحكك كان ضحك علينا بحبة حكـــايات
و خلاص انا فقت من الغفله و نسيت مـــــافات

و خلاص ما بقاش قلبى يحبك ما هو اصلا مات
و ابقى اقرى عليه بس الفاتحة و حبة و دعـوات

#ناصر_العوضي

بــــــــاي بــــــــــاي سلامــــــــــات؟؟؟
علي ايه بِنــــــا كــان فيــه اهتمامـــات
علي دمــع ونازف من قلبي بينز اهــات
علي قربك لما بتمنعني عن اي حاجــات
علي حزني واقف بتغني بتقول سلامات
باي باي سلامـــــــــــات للـي بايعنــــــي
وبإيــــــــدي بنورلــــــــه شموعـــــــــي
وبهجـــــــــره دايمـــــــــــا ولعنـــــــــي
علي ملحه الذايـــــــــد علي جرحــــــي
يألمنــــــي ودايمـــــــــــا يوجعنــــــــي
باي باي سلامـات علي ايه يعنــــــــــــي
ولا ذكـــــــــري وحيده ترجعنــــــــــــي
ولا دنيــــــا جديــــــده هاتنفعنــــــــــي
لو كنت جرحتك فاطمن القلب اهو مات
بــــــــــاي بـــــــــــــاي سلامــــــــــــات

#شيرين_عبدالمنعم

دلوقتي تقولي و إيه يعني باي باي سلامـــــــــات
طب اقول لك إيه بعد كلامك و الاتهامـــــــــــــات
و انا كنت باطيب في جروحك و اوصف علاجات
و بافضي من الهم طريقك و ارسم علامـــــــــــات
علي درب الحب اللي جمعنا و اقطع مســـــــافات
علشان لو اجي لك أو تيجي ننسي الآهــــــــــــات
و ان كنت باقول لك دلوقتي باي باي سلامــــــات
علشان انا شفتك بايعاني بحبة جنيــــــــــــــــهات
و بقيت بالنسبة لك فيزا و اديني و هـــــــــــــــات
و ان يوم قصرت و مالقيتشي بتقولي ده مـــــات
أنا ميت من يوم ما عرفتك و شبعت ممـــــــــــات
و صحيت و لقيت حبك ليا كله اشتـــــــــــــغالات
و خلاص قررت إني اسيبك و امنع سخــــــــافات
وباقول لك روحي و مش عايزك باي باي سلامات

#ناصرالعوضي

إديني وهات؟؟؟؟
حقك علي راسي وعلى عيني يا سعادة البيه
منــا قلبــي كان لك تعويذه وبتشعــر فيــــه
ثم تعالي في دماغي ســؤال و محيرنـــــــي
وجاوبني عليه من امتي وكانـت لك فيـــــزه
ده رصيدهــــــا ياحصــــــره علينــا جنيـــــه
من كتر الجـوع بتخليني انا و ولادك نتـــلوي
وكأننا يعني ف سيـرك بنرقص ف باليـــــــــه
باي باي سلامـــــــات خطـــــــــوه عزيــــــزه
شرفتنــــي جدا يا ابـــــــــــو فيــــــــــــــزه
شردتنــــي جدا يا ابـــــــــــــو منــــــــــــــــه
ع السوشيال ميديا وفي مجلة فن البوستات

#شيرين_عبدالمنعم

دلوقتي بقيت اسمي ابوفيزا وماعنديش جنيهات
و سيادتك يا سفيره عزيزة بنت الباشــــــــــــوات

الله يرحم عبده ابوكي أهو سابكوأ و مـــــــــــات
و اخواتك علي ورك الفرخه أو جــــــوز جناحات

بيغنوا و يرقصو م الفرحه و يعملوا حفـــــــــلات
و انا جيت انقذتك خليتك ست الستـــــــــــــــات

و اديتك فيزتي و بقي عندك بنك و حســـــــابات
من بعد المنديل و السره و تحت البلاطــــــــــات

دلوقتي بتشكي و بتقولي يا شيرين حكــــــايات
جعانين و ولادنا بتتلوي و عايزين وجبـــــــــات

لو بنت أصول زي ما قلتي و من أصـــــــل ذوات
كان صونتي العشرة إللي ما بينا وسرنا كان مات

و تبوسي ايديكي إن أنا خدتك من وسط حارات
مش تيجي تذيعي علي مجلة فن البوستــــــــات

#ناصرالعوضي

و كمــــان بتجيـب سيرة اهلي عالفضــــائيات
علي عز ابويــــــا انا واخواتي تقرا فمقــــالات
علي عِشرة ايه دي بتتكلـــــم كلها خنــــاقـات
ومشاكـــل منك لو هحكي هتقـــــوم قيامـات
انا دلعي مابين اهلي وناسي سـت الستـــــات
ايه جابك ورا رمشي بتحفي وتلــف حــــارات
انا ست اصيله ومن عيـــــله و مانيش هحكي
عنك حكايات لو هحكي ماتِكفيــــش الكلمـات
بس انت عــــدوك يابو منه اللي يقـولك هـات
وتجيب اللي مافييش فيا وتُــرص حاجـــــات
اه م البني ادم لولا حـــــوا كنتـــــم امـــــوات
بنضف في قلوبكوا ونغسل بدموعنــــا آهـــات
عايشين العالم من برا ماعيشتوش دَخـــــلات
ولا شوفتوا ازاي بيكون يومنا طول الاوقــات
طب تعرفوا ايه عن تفاصيلنا اهلا سلامـات؟؟
طبطبطوا ف يوم علي اوجاعنا والا افتراءات
لو جينـــا ف مــــــــــره يـــــــــوم جوعنـــــــا
وسمعنا كلمه تفرحنا راح نشبع ونقول شعارات
بس انت عدوك يابو منه اللي يقـــــولك هــات
ايه جابك ورا رمشي تغني لماجده غنوة كلمات
انا دلعي مابين اهلي وناسي ســـت الستـــــات
ولا تنسي ان انا ام ولادك وبربــــــي بنــــــــات
وتصون العشره اللي مابنا وبـلاش روايـــــــات
و تـــــوارب حبــــــــه بيبـــــــان الوصـــــــــــل
واوعــــــــاك تتكلـــــــم يـوم ع الاصــــــــــــــل
انا اصلـــــــــــي بحاســــــــب عالعــلاقــــــــات
باي باي سلامـــــات وانهـــــــــــي الحـــــوارات
انــــــــــــا قلبـــــي بعــــــد كلامــــك مــــــــات

شيرين عبدالمنعم ابراهيم

اهلك دول اهلي و ماغلطتش دول ناس قمـــرات
و لا عمري هأقول العيب فيهم و لا في افتراءات

و أنا طول عمري باشكر فيهم و مافيش خناقات
و باكبر فيهم و بأقول لاصحابي الكـــــــــــرامات

و ازاي كان يوم وقفوا معانا و جابوا لنا حاجـات
ما أنا إبن أصول و لا يوم أنكر فعل الخـــــــيرات
بس إنت أكيد طبعا عارفه إني في ضغـــــوطات
مطحون مش قادر أتنفس غيـــــــــــــــــر الاهات
في الشغل ضغوط و البيت عمره ما بطل طلبات
و انا نفسي البي لطلباتكم و الامنـــــــــــــــــــيات
بس إنت كمان خليكي جنبي نعدي الأزمـــــــــات
و مصيرها هاتفرج و ساعتها هانعيش في تبـــات
و نخلف تآني و أيه المانع صبيان و بنـــــــــــــات
و أهي لحظة ضعف و هاتعدي و أهو مات مافات
و لا عمري في يوم هانطق تأنـي باي باي سلامات
و هأقولك في البيت نورتي أهلا سلامـــــــــــــات
Naser AL Awady

وده مين ... للشاعرة / إيمان محمد

 

سأغني وأغني وأغني ... للشاعر ة / بتول العتربي

 

سأغني وأغني وأغني

رغم قيد قد أسرني

رغم بعدك أنت عني

كيف أنت وفيت ظني

يا رفيق الدرب قل لي

كم عزفت لحن فني

كيف بالأسحار صرت

لا تدعني للتمني

انني للوصل أبغي

رشفة قبل التعني

قالوا لي قد ضعت مني

قلت لا

إنه يأبي التجني

فالتماس القرب منه

جمل الكحل في عيني

واقتضابي وقت ضيقي

لم يكن الاه يعني

يارفيقي في التصافي

ياأليفي بالتبني

ذبنا وجدا لا تعافي

جد بفيضك لا تلمني

# بتول العتربي #

 

جواب 2 ... للشاعر / محمد البنا

 

 
(جواب 2)
،،،،،،،،،،،،
بإسم اللي إسمُه مفيش معاه
إسم لأحد
هَكفي القوافي على وِشها
واربُط مجازها في الوَتد
واردِم بحور الشِعر واقفِل شَطِّها
لو يوم قصيدتي المُحسِنَه  
سَجَدِت لغير اللي إتعبَد
بعد السلام..
ليك السلام..
يا ابن السلام..
وابن السبيل وابن الأصول ..
أمَّا بَعد!..
اللهُ أعلم مين كان القاتِل
أو المقتول
المَجني ساب للجاني الحَبل مُتَداخِل
شَدّ الضحايا بشكل متخاذِل
ووقت الحساب!! "الإسم مش مسؤول"
بإسم النِفاق،، واسم الفُراق،، واسم القَدر
بإسم اللي فاق بَعد الغباء شاف الوفاء مِش في البَشر
بإسم اللي حارِب وانتصَر
رَغم الوطن،، مش مِلك ليه..
"على? ذِكر أملاك البَشر"
ربَّك خلقنا بننسى? ليه!!
"علشان كده"
قِسّمَة ونصيب..
حِكمَة وقَدَر..
مايغيروش حِبر ف جواب..
فـَ إن كُنت حابِب تنتصَر!!
إوعاك تِخوض حَرب الكِلاب
،على أرض فيها اللَّحمَة غِليت وافتَرِت...
كُل الوِعود إتبَخَّرت
زاد حِملها فوق السَحاب،، نِزلِت مَطَر
مَطرود
مَغصوب عَليه، وعلينا نِتعايش معاه
مع إن لِسَّه الهُدنَة بادئَة ومَنْتَهِتش..
مَوسمها بادِئ من يومين
رِجعِت تِدُقّ على? البيبان،، بالغَدر
وانا لسَّه بـ ـابلَع ريقي م الخذلان
علشان كده،،
هحكي الحكايَة من الألف
إلى? سِجن في ضلوع السلام..
_1_
أنا كنت زيَّك رِجلِي شايلاني
جَري الوحوش أبطأ كتير مِنِّي
الأرض تَحتي شايفها سكرانه
والشَمس فوقي بتستَغيث مِنِّي
والليل بيجري عشان مايبكيشي
من حِمل زايد وزنُه على ضهري
والقَمَرَه لَفِّت بالسَما حجابها
قال يعني خايفه عليا م الفِتنَه
أو خايفه نورها يعَدِّي على سهري
وأثير جنون الضَيّ وانا ماشي
و أخلي نورُه البِكر مش نافِع
علشان غِشائُه إتفَض في إيديَّا
هل يعني كان نِجم السما نايم
ومشافش مين إتعدَّى ع التاني؟
دا انا لو يفوت "الدهر" وانا صايم
مايغُرّنيش "العيش" في أحلامي
_2_
أول رسايلي للقمر كانت!!..
مكانتش لسه رساله،، كات شكوى
من بنت كان في ظاهِرها حَبَّاني
قالت هتحضن روحي وانا غايب
(سافر،، هاترجع تلقى قلبي معاك)
غيبت و رجعت لقيتها قاتلاني
ولاقيتها ضِمن الحاشيَه لِلمُلَّاك
وبعد ماكنت متغرب
عشان المَهر ونكمل
سوا المشوار!!
قالتلي ماكنش قصدي تغيب
في عِز الحوجه يا "غدار"
"داانا ف عِز أما كان البرد يرعشني فـ غياب صوتها"!!
كأن صُورِتها كانت سِفر م الأسفار
،لابُد وصولها دون أعذار
أتاري السِكَّه كات شينَه
حُصانها ف عِز ما بيرمَح!!
جزائُه بينضرب بالنار..
وآديك شايف رصاصة الغدر
على صدر أبوك كما،، خِتم نسر
تِثبِت بإني مخلَّص الخِدمه" قُدوه حسنَه"
من غير هزيمة ولا حتى نَصر
ولا كسر ناتِج من فراق "غادة"
سَلِّمت حالي لحالي ك العادة
وعنادي أقسم لـ ـأمشي ما اعاتِبها
فَ كتبت جار "الإسم" كدابه
علشان في قبر الماضي أوّئِدها
والباقي منها مسحت بيه الزفت ورميته
آخر رسايلي للقمر كانِت ??
" أورنيك خروج من قلب رَقّيِتُه"
علشان إيديَّا الكلبة عَضِّتها.. 

حروف الشعر ... للشاعر / السيد ابراهيم ياقوت العبد

 

بحبك ... للشاعرة / هاله زكي

 

العشق ... للشاعر / وائل رشوان

 

و اللي
داق العشق فعلا
عمره ما يفكر يفارق مهما كان حاول يفارق
مهما كان القلب حارق  مهما كان الابتلاء
بس لو تقدر تفارق يبقا فارق
 لم كسرك لم نفسك
لم كل حاسه سادسه وسيب وراك كل العناء
كلنا ف الاصل ناتج من حُطام شكل الفراق
كلنا في الضلمه ،! واحد
كلنا ف العتمه  ،!  زائد بس كان زائد حزين
كلنا بندُور نفتش عليٍ عايش برا منا واللي أصلاً ميتيين  
واللي كان ماشي ف إيدي وراح سايبها وقال سلام
لما تاه منه الكلام
 واللي بوور ارض خضرا وسابها بور
واللي كاسر فيا درع والف سور
واللي قال عني ف كلام
اني سيئ والسلام
واللي شافني جناحي مطوي  
قال ماهوش حصان بيطوي جرح قلبه بجناحات
واللي جاب سيرتي ف سكات
واللي قال عني هلالي
واللي جالي وقال دا صوفي
واللي طاف ويايا طوفي لما شاف كل الحالات
واللي ساب سالب زياده  
واللي شارب قهوه ساده لما شاف مني ظروفي
راح ناتش مني اللجام
وانا...
انا مش فارس الاحلام
وانا لا هلالي ولا صوفي
ولا الجندي اللي مات قدام
ف وسط الحرب من خوفي
انا مش بطلك المقدام
انا سرطانك الخالد بريئك اللي خد اعدام
وميت بس بكسوفي
انا عاشق مبيطولشٍ ولو طال ما راح يسلم
انا نعسان مابينامشٍ ولو حاول يخاف يحلم
انا اللا منطق العادي كما قالوا
انا القلب اللي كان وادي وكل الخلق دي ف وادي
انا البطل اللي ماشيلك
بضهره كأنه مش راجع
انا ضحكه عجوز وجعاه بيسمع وقت ما يصلي
شيطان جواه بيهرب منه في الجامع
كفيف سامع وبينادي
تتوه منه السبع خطوات وماشي بحزنه بيغني
ولو صوت الصراخ مكتوم
بيطلع صوته من عيني // عليل ولكنه بيهني
عليل همي ب عكازه // بيجري ف عرق ورا دمي
ولو قربك هيبقا الموت اموت وبأيدك ادفني
يجوز الصدفه تجمعنا بناس تشبهنا بالملي
يجوز ف الدفنه تتمني تشوفي مره واحده هواه
عليل ميت ومستني تردي الروح تروحي معاه
ويجي الوقت ونمني
‏"يا دعوه فِ سجدتي ثابته وبنسا تملي وبصلي  
وربي ف السما السابعه بشوفك فرض ف عنيا
بشوفك سُنه لو تدري
و آه من حــلم عالي لفوق ولسه الكف مش طايلهُ
يا سبحه لشخص عاصى بتوب بسبح ليكي وبحايلهُ
يتوب القلب من ذنبي
وبدعيلي
" ياخَالقْ قلبي وخالقلي شيطان بيضل بسعا وراه وبيعافي الهوا ف الضل
حداد
القلب مش حزنه
ولا شريطهَ
بتجبر كسر ب دموعهُ
حداد القلب ف ضلوعهُ اللي مش بتمل
تطَبطَب بالهوا كتافي وتربط دمعه? ف عنيا لعل ف يوم بُكايا يقِل "
: :
وٌ آ ئ لَ..
          ر شُ
              وٌ  آ
                  نِ،،،

روحي تايهه ... للشاعر / محمد واصل

 

روحي تايهة في الملكوت
شرودها في الذكرى بكاني
صبح كل صوت مكبوت
تفوت ناره في وجداني

بقيت شايف في عمياني
حاجات مابشوفها بعنيا
باشوف البعد دا جاني
عشان متساب لوحديا

عشان غَرَّق مراكبيا
وكَسَّر فيَّٰ مجدافي
بقسوة شد حنية
وحمل همُّه على كتافي

مكانك ع السرير دافي
كأنك لسه ب تِودُّه
وريحة مِسْكك الصافي
معبي خام الشقا منُّه

بشوف برشامك الموجوع
دموعه في كوباية مَية
بشوف عكازك المنزوع
وحيد في رَكْنة مَنسية

ياأول كتف في صلاتي
ياطُهر المية في وضوئها
ياتكويني مابين ذاتي
ياشمس حياتي وشروقها

مكانك يابا هنا ف قلبي
ف خد راحتك وع الاخر
وهدي من الزعل نبضي
عشان اليأس ده كافر

وتعالى كل يوم زورني
واحشني كل تفاصيلك
بلاش بقى يابا تهجرني
لغاية ... يابا ما أجيلك
 

البُعد حى .. للشاعرة / منى عبد الرحمن

 

 البُعد_حَيْ

أصلًا أنا.. سِت بسيطة

مليش جِناح

حاطَّة علىٰ أرض الوَجع

ومفيش براح

لأي نِسمة حنَيِّنَة

أو كلمة صادقة توِدِّني

أنا أصلي قافلة سِكِّتي

من أي مَعنى يهزني

وف يوم لقيت نور مِ السما

مَد بشُعاع

كانت حياتي مضَلِّمَة

وليلي فارِش عَ المَشاع

وصَحيت علىٰ حِلمي الصَّعيب

يرفَع إيدِيه

بيقول تعالي اتقَدِّمي

وحَجَزلي دُور

ولقيتني واقفة فِ الطابور.

حَبَّة بِحَبَّة اتْبَروِزِت صورة لحياة

بِنْوار بِنُور

وحَضنت عُمري وكل أحلامي العُزاز

وطَويت عليهُم ضَلفَة

مِ الضُلَف الإزاز

عُمري ماخُنت ولا اتاخِرت

ولا انْزَويت

ولا كنت ناكرَة لمَعنىٰ كان

جُوَّايا عاش

لكن فِ لحظة لقيتني بَتباع بالبَلاش

ومَعاني تانية زَعزَعِت كل الطريق

كل الخطاوي الِّلي مَشيتها للأمام

بدأت تِضيق

ولقيتني بَكْرَه كل حَبل يُجُرِّني

لبُكرَه الِّلي جَايْ

والبُعد حَيْ

عايش وحاضِن فِ الفُراق

كل اشتياق.. ساب الحنين

والعُمر أصبَح مُستَكين

سَجِّل خروج من كل حِلم

وكل مَعنىٰ فِ الحياة

 منى_عبد_الرحمن

 

(فى التاريخ شعرا) ... للشاعر الخال الجميل / عصمت البيلي

 

ألف تحيه من الخال 1
(فى التاريخ شعرا)
---------
فى التاريخ شعرا
عملوا فى الشعر إنتعااشه
بحرووووف كانت فراشه
من الشاعر محمد ضباشه
*
وكان بين كل بيت وبيت
حروف بطعم البسكويت
 وياريت اكتب زيهاااا ياريت
شاعرنا الكبير رضا ابو الغيط
*
وأحلى الأشعار عندي
باشعااااااارها الوردي
ولكل الازواق ترضي
الشاعره فيفي الجندي
*
وتقبلوا حكمي
قلمه احسن من قلمي
أشعاره بتشييل همي
عمنا الشااااعر فهمي
*
وألف
تحيه للحرف الجميل
والشعر الحر الأصيل
الشارب من نهر النيل
حبيبناااا ايمن خليل
*
وصاحب
الحروف الخفيفه
والسطور اللطيفه
أجمل تشريفه
حامد باشا  شريفه
*
وف آخر السبااطه
الحلاوه والبساطه
 وسطور الشيكولاته
أستاذنا على شحاته
*
وعشاان يكمل الجمال
ربنا يسهل لنا الأحوال
ألف تحيه من الخااال
لكل شعراءنا العال العال
وعميدنا البااااااشا كمال
-----------
الخال عصمت البيلي
 

نام وغطي الذكريات ... للشاعر / سمير محمود

 

صبح الصباح ... للشاعر / عبدالحميد سالم

 

صباح الورد ... للشاعرة / فيفي الجندي

 

سجال الذكريات ... للشاعره فيفى الجندى والشاعر ابراهيم شيمرالجندي

 

فيفي الجندى
لـما  كـنا  صغـيـريـن
والقلب كان ضعـيف
الحـياة  كانت كبيرة
والساعات بدق فينا
واللي جاي بيعيد علينا
والطريق  حبه يداوينا
فـاكر  لـما  كنا قـريبين
والقمر  نوره  في ادينا
والشمس نورها يدفينا
والكلام اللي انت كاتبه
حروفه          بتنادينا

ابراهيم شيمر الجندى
فـوق  رفـوف  الـذكريـات
يامـا القلم  كتب  حـكاوى
شوفت  فيها  كتير اهـات
وشوفت  فيها الغدر كاوى
واللى  يرضى  بـل  قـلـيل
ضحكته   تـبـقى  غـنـاوى

فيفي الجندى
فـوق  رفـوف الـذكريـات
ضحكة غنوة ليوم جميل
أو كتاب  مكتوب حـزيـن
أو حـروف صابـها الانيين
و وردة مركونة من سنين
فيها كل العبير

ابراهيم شيمر الجندى
ياشريـط       الـذكريـــات
الدنيا ايه غير خـد وهـات
واحـنا  عـايشينها  سكـات
فى الفرح والهنا هنرضى مين
رجـعـيلى   حـــياتى  تـانى
يا تـرجـعـيلى    ذكـريــاتى
او سبينى وحدى اهـااااتى
وسط  صـفـحـات  الانـيـن


فيفي الجندى
مين  يداري  ومين  يداوي
قلبي انجرح   وشاف أسية
مين  يكتب  ع اللي  راااح
انــه  مش  مكـتوب  علــيا
مين سمعني وراح يطبطب
ومـين  يـقـدم  الــورد  لـيا

ابراهيم شيمر الجندى
كـل  ورد  الـدنـيـا  لــيـكي
والـهـنا  كله  فى ايـديـكى
والسعاده  قـلـبك  يـفــرح  
افرح واجيب السعد ليكى
اوعى  تـزعـل  تانى  مـنى
قلبى  عـمـره   مــانسيكى

عفويات ... للشاعر / عادل عوف

 

كل القصائد ... للشاعرة / منى الغريب

 

ما اقبلش أكون ... للشاعر / محمد واصل

 

سيول حبك ... للشاعر / ناصر العوضي

 

يا سكة ... للشاعر / م. فهمي علي نصر

 

يا سكة
انا كنت زيك كدا
ناسي ان انا  إنسان
محتاج تكون ضحكته
على وشه ديما تبان
و ف روحة فرحة امل
و الدنيا طارحة امان
أنا كنت زيك كدا
الكل على عيني
اتعب و ادوس ع الوجع
و ما اقولش دي سنيني
اهم شئ عزوتي
و شمالي و يميني
بس الزمن خمني
سرق الحياة منى
فجأة انتبهت إنما
بعد اما طاح سني
كل اللي راح ما رجع
يا نفس .... لا تئني
قدري و عمر انقضى
ما يجوزش يعني عتاب
حتى العتاب لو يجوز
هيسيب لروحي عذاب
يا سكتي قصري
رن الجرس يا إياب
 فهمي علي

حكاية حب ... للشاعر / د.عمر عبد الجواد عبد العزيز

 

   حكاية حب   
لك  في قلبي ... حكاية حب
حكاية و ليها بداية... فيها هنايا
و ما  فيها  نهاية
عايشة معايا  ....جوه  القلب ....
 فيها  معاني...  و فيها  أماني
 يصفالي  زماني
و يتهني  مكاني..  بلحظة قرب  
لك في قلبي...حكاية حب
حكاية  فيها  أغاني...
ماليه  كياني.....فيها  حناني  
مع رأفة و لهفة و ألفة و حب  
فيها  بداية  .. لأحلي رواية
تحكيها   معايا
بحروف  بهجة .. تروي  المهجة
بغرام  و هيام  و كلام  م القلب  
لك  في  قلبي....حكاية حب
فيها  فرحة.....في السما  طارحة
مع دمعة  سارحة ..آسية و جارحة
و كلام و عهود... و ملام و وعود
و طريق مسدود...  وصاله  صعب  
حكاية و  فيها  زماني  
في لحظة  رآني....واقف وحداني
و كأني الجاني ..قام  يترجاني  
 أٔعيش من تاني..... حالة حب  
لك  في  قلبي....حكاية  حب
أقول  يا زماني ..حبيبي   رماني  
لإني  أناني  ..و قالي إنساني
دا   قلبك أصبح ...ما  عاد فيه  قلب
و انا  قلبي......  لا  أصبح  ملكي
و لا  حبك... بقي  من  حقي
و لا  من حقي ... أعيش و أحب ....
لك  في  قلبي .. حكاية  حب......؟؟

طفرة ... للشاعر / محمد قاسم ابو ثائر

 

النصيب ... للشاعر / جراح بكير

 

دعاء للأبناء

 

يا ليل ... للشاعرة / نجلاء عزت ( الأم لولو )

 

وعجبي ... للشاعر / غريب الشعراوي

 

يعيش الغلابة ... للشاعر / ايمن خليل

يعيش الغلابة .. ويحيا الرغيـــف
يعيش كل واحد جعان أو ضعيف
يعيش ابن بلدي اللي صـابر لحاله
وكاتب آماله في حيط أو رصيف
يعيش اللي رابط حــزام الأمــاني
وصـــابح يـعاني بجيـبـه النـضيف
بيـرفي هـدومه .. ويفـطر همـومه
ويتعشى نـومه.. وبيـبـات خـفيف
يعيش اللي شايل حمـول الجبـال
وقوتـه مايـكفي حـاجات العيــال
وشـاكي لزمـانه جـراحه وهـوانـه
وفـاقــد أمـانه... كــأنــه كفـــيـف
يعيش اللي ساكن سطور المآسي
وتنزل دمـوعه بهـمّـه اللـي كاسي
ولاحد ياخد بخاطره اللي صامـد
ولا حـد ضامد لكفــه العـــفيـــف
يعيـش اللي رافع كفـوف الرجــاء
وراضي بظـروفه..بــدون استــياء
يبلّع فُتــاتـه .. ويــجـمع شـــتــاته
وحافظ ثباته... بإيمـانـه الشفيـف
يعيـش اللي دوّر سـواقي المحـال
وراوي غيـطــانه بنــــبــع الآمـــال
وبـادر بـــذور التــآلف.. وحــالـــف
يرجع ربـيعه و ينــهي الخــريـــف
يعيـش فـجر بكـره اللـي غاب من
سنين .. ومستنـي فكـرة و ذكـرى
وحنين.. ينور حياة الولاد الغلابة
ويمحي الديابة بصباحه الشـريف
 

واوووووو ... للشاعر / د. محمد ضباشه

 

يالا نغني ... للشاعرة / صفاء الخواجة

 

مشهد رأسي من الحارة ( 1 ) ... للشاعر / أحمد أبو عاصم

 

مشهد رأسي من الحارة ( 1 )  
جوايا حنين  
للضحكة الرايقة اللي تجلجل وبدون تكليف
لشاي العصرية اللي منعنع مع نسمة صيف
فاتح شباكنا وبلكونة لإزاز مع شيش
باسمع للجملة المتعادة بتاعة الدرويش
أخرك ياغشيم متر ف تربة ...بكتير مترين
فيعدي الحاج سليم ... ويقول ياكريم
والست عديلة  
وبتْنَفَّض بالشومة كليم
فيبص تمصمص شفايفها
فيقول معذور  
مستني مسيري هيصيبني ويجيني الدور
فتقوله بعينك يامكحكح
إتلم ف بيتك واتلقح
دَوِّبت جوزين ملو هدومهم ونويت الصوم
إيه تيجي قُبالهُم وقصَادهُم بس يامعدوم
أنا كنت بشاور بصباعي يِترَمُّوا بكوم
واتغَزِّل في جمالي الشعرا كتبوا الدواوين
واترصوا كتير قدام بابي طالبين الإيد
ماسمعتش يعني أغاني رشدي وحليم وفريد
ولَّا انت كمان مابتسمعشي واطرش يابعيد
فيكح الحاج ويتكعبل ويقول ياحفيظ
الحلو ياناس مابيكملشي مش عارف ليه
ومصيبتي الكبرى ان انا رايدك وبشكل يغيظ
لو بس تبطلي نقرظتك وتقولي أمِيه
راح اجيبلك شالله تقولي حتى فستان سواريه
أعملك ليلة مافيش منها ولا في الأحلام
وبدال ماانا عايش وحداني يبقالي مدام
نخرج نتمشى ونتأنكچ زي الأفلام
نسهر في كازينو ونتعشى بفتيك وبانيه
لو بس توافقي ياعدلدل وتقولي شُبِّيك
هتلاقي القلب المتدهول فَتَح الشبابيك
فتبص له بصة بذات مغزى مليانة دلال
وبضحكة تولع تلاجة تغمز بالعين
فيقولَّها مهما بتتمنع قابل ياغزال
إشويني وقَلِّينِي براحتِك
جنب وجنبين
خليتي الجامد يتحرك ويقول موال
ومنايا اتصبح على ريحتِك والغمازتين
وتنوري بيتي ياعدولة ... نفسي يازلزال
فيعدي الشيخ سعد الكُردي ف يلم الدور
ويقولُّه المغرب قد وجبت أذكر مولاك
برضاه السعد هنيالك هيكون وياك
واوعاك تتخطى? وتتجاوز وتعدي السور  
يااااااااااه  
لساها ف ودني التهليلة بجمال الصوت
باشتاق اسمعها وحوقلته ف وداني تفوت
فتغذي الروح اللي اتسجت ف سكات وتابوت
فتعيد ترويضها وتسكينها ف خيال مفروش
وسنين العمر اللي اتسرقت
 ماتروحش فاشوش .. !!!!  
 ... يتبع..........

الحروف أنواع ... للشاعر/ حامد شريفه

 

صباحو... للشاعرة / سماح خليفة

 

جايز ... للشاعر / فهمي علي نصر

 

يارب ... للشاعر / محمد واصل

 

حابب ... للشاعر / رضا ابوالغيط

 

حابب
*****
حابب أعيش ......دايما ليكي
شاعر بيكتب   ...  ...غناوكي
علي شط نيلك........... وقنالك
نايم ف حضنك... علي شالك
وعشان ما يعلي ف يوم شانك
لازم تصوني..... اللي حاميكى

حابب أعيش...... دايما جنبك
عاشق متيم ............وبحبك
يا صاحبة........ النبض الساكن
من حبك....... ابني لي مساكن
وبلاش .......من اللون الداكن
يفصل مابين........ قلبي وقلبك

حابب أكون...... ليكي المصنع
وايد بتبني............  وايد تزرع
وازرع ف أرضك ....حكاويكي
عن شعب .... عاشق لعينيكي
بتحني........... من دمه ايديكي
رافض ..........لغير الله  يركع

حابب أعيش ......وبدون عٍلة
وأدور................. بدون الفرقلة
م القله ... ........ اشرب وٱبلع
وف حضنك ..... انتي انا أدلع
وجدوري .... ف الأرض تفرع
واطرح شعاع ....شمس وضلة

حابب أكون ......ليكي الساري
علم مرفرف........ ....ف العالي
وتعالي........... نبني جسور بينا
توصل يا روحي..... اللي مابينا
احنا اللي .......عشقاكي عيونا
وانتي اللي ........دايما بتلالي

حابب اكون........ ليكي الكحلة
ف عيون معاها..... الليل يحلا
ورداية....... فوق خدك  طارحة
جمال ومتلون ............فرحة
يا ام الملايه.............. والطرحة
حاسبي ..... من السكه الوحلة

حابب أكون...... ليكي سلاحك
نصر وسلام..... يشفي جراحك
وتقربي.............  حبة...... بحبة
وأقعد معاكي .......علي  التبة
لو تسمحي........... ٱو يوم حابة
تبقي الحياه...... واحنا صباحك

حابب اكون..........ليكي المخلة
طرح الجناين ...........والنخلة
وان يوم عطشتي ..ٱنا ارويكي
من نيل بيجري ...ف أراضيكي
حابب أعيش ..عمري أرضيكي
لأجل. الحياه ....فيكي ما تحلا

حابب أكون .......شمس نهارك
وٱدفي..... سطحك...... وجدارك
وان زارك الحزن ......... تلاقي
طعم الدوا ..........من أشواقي
باقيه عليا................... وٱنا باقي
لحن الحنان..............بين ٱوتارك

حابب أكون......... ليكي الفرحة
متحزمة ........ بمليون طرحة
بعد الكتاب............... نعمل ز فة
ومعاكي........... أرقص ع الضفة
وف مركبة............. جنب الدفة
نتخفي...........م الموجة المالحة

حابب أكون ........انسان صالح
وازرع............ من الحب مطارح
تطرح أغاني.......... الشوق ليكي
وتحني م الفرح............. ايديكي
وف نن عيني................ أخبيكي
يا حنينه ..........وخيرك طارح

حابب اكون........... ليكي القمرة
ومعاكي ............تحلو السهرة
من شوقي ليكي ........أغنيلك
وتسري فرحي......... ف منديلك
حابب .........أكون لك قنديلك
والنني............ ف عيون السمرة

حابب أكون......... ليكي سماكي
وسحابه.. ......بيشيلها هواكي
واختار ترابك................. وأنزله
واروي اللي طارح........ من فله
وف ودنه.......... اهمس وٱقوله
سبحانه وحده....... اللي رعاكي

*************
رضا  أبو الغيط

الحياه ... للشاعرة / منال النبوي

 

ما تقوليش ......للشاعرة / فيفي الجندي

 

طلب العلم

 

الاستغفار

 

الحساب ... للشاعر / ابراهيم شيمر الجندي

 

ليه عملت القلب زاهد ... بقلم وتصميم الشاعر / أحمد عامر

 

ليه عملت القلب زاهد  
ليه عملت القلب زاهـد
وانت مش اد العباده
لأ وتبعد قلت واهب
قلبك انت ع الوساده
وانا زيك مش هممنى
كل يوم بعدك غممنى
لما قلبى تاه وغطى
كل عاجزه ب100 عياده
ليه ليه
ليه عملت القلب زاهد
**************
ليه تلومنى وانت قاعد
والسنين عماله تجرى
اجى اقرب تبقى باعد
وانت قلبك عاجبه هاجرى
مع انك انت واعد
ان مهما يكون مانبعد
كنت اوعد وانت توعد
وانا وعدى كان حقيقى
وانت وعدك كله جاحد
ليه ليه
ليه عملت القلب زاهد
**************
مهما كان البعد تبقى
احلى نبضه جوه قلبى
تبقى نورى وقت ضلمه
تبقى عشقى وقت غلبى
واما اكون بسعاده بعرف
انك إنته شوق وباعد
مش هقولك ايه جرالى
بعد بعدك والليالى
خنقه ضلمه والامانى
انك انت تيجى مره
دا الحياه بالبعد مُره
والزمن على جرحى شاهد
ليه ليه
ليه عملت القلب زاهد
 احمدعامر  
ننوه ان ما ينشر حق مسجل بالهيئات المنوطه بذلك 3191/2016 س م ب
 

الطريق ... للشاعر / محمد واصل

 

استاذ جغرافيا ... للشاعر / سمير محمود

 

برغم ان انا استاذ جغرافيا

لكن جاهل قوي بدروبك

كل مظاهر سطحك جافية

لاهي من شكلك ولا من توبك

صعبة حدودك قوي وعتية

وانا مش قادر اني اخطي

جوه اليابس بلقى الميّه

وجوه المية مبلقاش شطي

وانتِ خريطة بدون عنوان

او انسية ف صورة جان

انتِ الحلم و مبيكملش

واللي بيحلم بيه متهان!

انت بيبان ملهاش مفتاح

وليل محروم من اي صباح

انتِ الجاي لما بنستنى

وقبل مايجي بنلقاه راح

انتِ كتيبة من الثوار

ومفيش فيهم واحد ثار!

انت كلام ومجرد رأي

انتِ عزيمة بدون اصرار!

انتِ خليط من يأس وكبت

انتِ دقايق رافضة الوقت

انتِ سطور ممنوعة تشيل

اي حروف او كلمة وخط!

انتِ جزيء وملوش ولا ذرة

انتِ دول مش واقعة ف قارة

انتِ مدينة من الاحزان

ومفيش فيكِ أي مسرّة

وانا بين رملك دافن راسي

كل مابفرح فيكِ بقاسي

كل مجيلك برجع تاني

شطك مبيعرفش مراسي!

#سميرمحمود

 

بنادى عليك ...... للشاعرة / هاله زكى

 

( اتق الله حيثما كنت، وأتبع السيئة الحسنة تمحها، وخالق الناس بخلق حسن )

 

إذا الإيمان ضاع فلا أمان ... مجلة الهدى الإسلامية

 

واووووووووو... للشاعر / د. محمد ضباشه

 

يا أمو الخدود تفاح ... للشاعر / سعيد الضو

 

يا أمو الخدود تفاح

وعيون بحور مرمر

كل إللي شافك راح

وانا إللى . م تسمر

نزلت بحر الغرام

من غير ما أتشمر

ياحلوة أنا العاشق

لعنيكي والننى

سهم الهوى راشق

والبعد جننى

ياحلم كان غايب

وماكنشى ع الخاطر

ولاكان لى فيه نايب

ولا كنت واد شاطر

لكن رمانى الهوى

وأنا قلبى كان محروم

محروق ب نار الجوى

يا قمره وسط نجوم

سكنتى روحى خلاص

مفيش فراق م اليوم

والفاتحه ع الإخلاص

إن المحبه تدووووم

سعيد الضو

 

ندهت لى حبيبتى ... للشاعر / ناصر العوضي

 

ندهت لى حبيبتى

أنا دايما باحلم فى منامى

بحبيبتى و غيرها ما فيش تانى

و الحلم بسيط بس يحزن

و اهو حزن يزود أحزانى

ندهت لى حبيبتى ف أحلامى

وقالت لى أقرب من تانى

و صحيت الصبح لاقيت نفسى

و الفرحة ما كانت سايعانى

و جريت على ورقى و أقلامى

و لقيتنى بألف فى أغانى

و كتبت " و ندهت لى حبيبتى"

ندهت لى و قالت عاوزانى

و كتبت كلامى وما وزنتش

و لا كان في بحر مكفينى

و لا سجع لاقيته بيشغلنى

و لا قافيه حروفها بتعنينى

و كتبت و من غير ما أفكر

ونسيت الشعر و دواوينى

انا هنا يا حياتى و نور عينى

و الله بجد وحشتينى

من كتر ما طيفك مشاغلنى

ما عرفتش ايدى من عينى

ما عرفتش للبيت أوصل له

و نسيت من حبك عناوينى

ما هو بيتى بقلبك عنوانه

و شوارع حبى وميادينى

ده القلب فى بعدك بيعانى

و يقول لك امتى تداوينى

و برمش عيونك ساحرانى

و بسحر جفونك تحينى

و يقول لك مشتاق لعنيكى

و بحضنك نفسى تضمينى

و اتهنى بالحب معاكى

و برمشك تيجى تغطينى

و بشعرك أعزف ألحانى

و بلمسة إيدك تحيينى

و بإيدك أشرب من كاسك

ده ما فيش غير كاسك يروينى

باستنى وباحسب أيامى

بساعات ودقايق و ثوانى

بانده لك باسمك واحشانى

يا حبيبتى يا اجيلك يا تجينى

وكفاية البعد و أحزانه

دى دموع البعد عمت عينى

بحروفك باكتب أشجانى

و هاغنى الصبر بألحانى

الميم مكتوب بيها مصيرى

فى الغربة وهارجع لك تانى

و بحرف الصاد باكتب صبرى

و يا ريت الصبر يكفينى

و بحرف الره باكتب راضى

بالظلم و راضى بهوانى

أنا منك ماشى بأحزانى

و يا ريتك تفضلى فاكرانى

انا عمرى ما كنت ابعد عنك

و لا عن نيلك غابت عينى

مكتوب البعد على جبينى

وضرورى ان اشوفه بعينى

واهى رحلة غربة و هاتعدى

أو تحت القبر تودينى

و إلهى يجازى الهبيشة

و ولاد الإيه اللى نفونى

#ناصر_العوضي