مجلة ثقافية أدبية فنية
الأحد، 28 فبراير 2021
الرحلة الأخــــيرة ........ د. سـليم أحمـد حسـن ـ الأردن
الرحلة الأخــــيرة...
د. سـليم أحمـد حسـن ـ الأردن
لماذا رحـلتِ بـــــــغـير وداع** بغـير كـلام بغــــــير لقـــــــاء
ورحتِ بعـــــــيدا بـلا همسـة**ٍ من الشوق أو ذكريات الوفاء
نسيت ِهوانا فهـل في الهـوى** خـداعٌ وهجـرٌ وفيـه الريــــاء
ظنـنتُ بـــــــأن هــواك كــبيرٌ** وقـلبي يـديــنُ لـــه بالــــولاء
سخافــة ُ دعــواك أرثــي لها** وليس لمثــلك غـــير الرثــــاء
لمــاذا وكان هــواك الحـنـون** يهدهــِدُ نفسي بوحـي السكون
ويحملني عِــبْرَ هذي الحـيـاة** على زورق الحـب والعاشقـين
قتلــْـت ِ غـرامًا بعمر الـزهور**وخـنت العهــود وبعْـت ِالحنـين
سأعرف كيف أداوي الجـروح** وكيف أداري فـؤادي الحـزين
وكيف أردُّ لــك الصـاع كيــــلاً** وأقتــلُ فيــــك الغـــرور اللعين
لماذا وكـــنت ِ لعــيني الضيـاء** ونعـــم الأماني وخـير الرجـاء
وكنــتُ هـــواك كــذاك ادّعـيـْتِ** وكــــنتُ فخــارك والكبريــــاء
تبـــــدّل حبــــك حــقـدًا ولـــؤمًا** وصار لوصْلـك معــنى الجفاء
وجــــودك صـار ثقيــلاً ممـــلاً** ومـات عـــلى شـفـتـيك الــنـداء
فلا شيء أنـت ِ ولا كنتِ شـيئـًا**ولا لـن تكونــي فـروحي هبـــاء
السبت، 27 فبراير 2021
كان وكان ..... للشاعر عوني هشام
كان وكان
======
عونى هشام
انسان وكان .. فى الأصل طيب
امين وحافظ ..... للجميل
فى الشدة تلقاه ..... ليك قُرّيِب
وبخطوتك ..... بيكون دليل
شباب صحيح ..... وشعره شيٍيب
الحمل زاد عليه ..... تقيل
كان بار بامه ..... مطيع لابوه
عمره ما قال ..... فى مستحيل
فى الشدة ..... كل الناس سابوه
اصبح بيسهر ..... كل ليل
فى شله فاسدة ......جت خدوه
والدين عليه ..... زاد كيل بكيل
مشى وتاه ..... منه الطريق
وهو اللى كان ..... فى يوم دليل
الصحة راحت ..... وانعدم
تشوفه كهل ..... تقول عليل
كان له شموخ ..... بس انكسر
دلوقتى محنى ..... أو بميل
زمان مُعلم ..... فى الكتاب
ساب الكتاب ..... بقى ابن ليل
ادمان وماسك ..... جدته
تاه وتاهت خطوته . ماعاد له حيل
فى لحظه فاق ..... من سكرته
ياخساره كان ..... الوقت فات
الشرطة طبت ..... حاصرته
مشي فى ايديهم ..... من سكات
لا شاف حبيب ..... فى حبسته
وف وحدته ..... عاش ذكريات
قام يبكي ..... نزلت دمعته
واللي صبح عليه ..... يبات
ابوه سمع ..... باللي حصل
قام طب فى اللحظه ..... ومات
وامه ضريرة ..... والألم
من حزنها ..... غابت ساعات
فى المحكمه ..... جوه القفص
القاضي شافه ..... وكلمه
وقف وساكت ..... غير نفس
ودموع بتغسل ..... وجنته
وف لحظه قام....اغمى عليه فوقوه
وصوت من بعيد..
قال انى احكى ..... قصته
انا ضريرة ..... شوف يابيه
وماعندى حيله ...
او ثروة تغنى ..... خدمته
ولد مطيع ..... لكن الزمن
غدار وصعب ..... فى قسوته
الحمل زاد ..... حملين وكيل
طب ووقع ..... ما حد هب لنجدته
وهو اللى كان ..... جنب الفقير
ومعايا بار بخدمته ..... واحكم يابيه
القاضى كان ..... انسان نبيل
ومن القانون ..... خد حكمته
ليك البراءة ..... لخاطر امك
وانسى همك ..... وانت غير سكتك
محكمه
..... وقف الجميع
يهتف لقاضينا..... الجدع
العدل روح ..... فوق القانون
بشرط نقضى ..... على البدع
وكان وكان ...قصة كانت.....من زمان
حبيت اقولها .....
وياريت نعيش ..... من غير طمع
وياريت نعيش ..... من غير طمع
=====================
#عونى_هشام
صورة حب ........ للشاعرة منال شيخ العرب
شفت صورة حب حلوة
ألف أهة وألف غنوة
الربيع ماجاش في وقته
كنت انا دلالي سقته
بس والله الدنيا حلوة
غيرش ان الحب بلوي
شفت صورة حب حلوة
ألف أهة وألف غنوة
انا قلبي لسه مايل
لو عليه يعمل عمايل
بس برضه لجامه ماسكة
مش حاروح به في أي سكة
غير طريق عارفة نهايته
قلبي يبدا بيه بدايته
يبقي مطمن وهادي
اما حبسه انفرادي.
شفت صورة حب حلوة
الف اهة وألف غنوة
الخميس، 25 فبراير 2021
سجال مجمع عن الأمل فى الله ............ للشاعر يحيى ابراهيم
سجال مجمع عن الأمل في الله
ما ندخل جنة بأعمالنا
الا بفضل رب كريم
ومهما يا عمي عملنا
اكيد فوزنآ بالتسليم
تايب ويترجي فيك
ماله غيرك الهي
وكم مذنب يرتجيك
وكم عبد بتلاهي
موجود وكافي رزقك
كما طيور البراري
مأ حد غيره رازقك
بحالك عالم وداري
خدوا بأسبابها وما فارق
املك برب غفور
نتوه ما بين المفارق
ما بين ضلامها ونور
املي في ربي تعودي
تلقي غفور تواب
يانفسي لوأمه عودي
من التراب للتراب
مالنا بالندل وقفاه
املنا برب غفور
عيش في جفا وتلاه
وأرخي ع ذنوبك ستور
للتقوي نفتح مدارس
سبحانه ربي راعيها
لو للمحبين تجالس
تلقي واطيها عاليها
بس نخلص نوايا
قلوبنا تحيا لربي
ما تعرف امتي المنايا
وتاه مني يارب دربي
نتمني يوم التلاقي
نشرب من كفه طه
وصلت لحد التراقي
روحي تنول مشتهاها
ولا يهمك م اللي حاصل
املك بربك يزينك
لو فرغ أديم الحواصل
بكرمه ربي يعينك
تسعدنا في الاواخر
شفاعة جميل المحيا
وكل عمر له اخر
مهما بدنياك هتحيا
وبابه من غير بواب
اوعاك ياولدي الرزايا
سبحانه كريم وهاب
ساتر عيوبنا وبلايا
دي نعمه يانفسي صوني
والا درك المهالك
ذنوبي دكت حصوني
سدت بوجهي المسالك
للشر تهدم مصايد
الخير ودايما تبادر
وحلفت والله ما صايد
ولا في مره اكابر
يهلك وما هو داري
لطف الاله الخفي
دار الكون بمداري
بلطف ربي الجلي
ولا نحكم بغير الدلايل
ربك وعنده الخفايا
كلامي لازمه دلايل
ربك عليم بالنوايا
والمولي بكرمه يوافي
كل القلوب التقيه
تشرب زلال المصافي
لا تخشي يوم الرديه
يا كل حصني واماني
طهر قليبي بفضلك
تايه بدنيا الاماني
مشتاق ياربي لعدلك
ربي من فضله عاطيني
وانا اللي ناكر وجاحد
غرور نفسي ماليني
لكل شروري بجاهد
تحنن قلوبهم علينا
احنا ياربي غلابه
ضاقت طرايق علينا
صبحت قلوب كالديابه
ويحبط عملك ماتدري
يصبح كقبض الريح
تطوح بايدك بمدري
وغايه التوضيح
ربك بعباد ادري
تلاقي فيها نجاتنا
من الكروب والبلايا
يارب اختم حياتنا
انت عليم بالبرايا
بقى هنت عليك .......... للشاعر رضا ابو الغيط
بقى هنت عليك تبعد عنى
وتسيبنى أتعذب من بعدك
من بعد ما قلبك طمنى
وقالت لى عيونك بنحبك
د انا ايدى كات لسه ف ايدك
وشفايفى بتكلم خدك
والحب الطارح ف وريدك
بيقول لحبيبك... مين أدك
طب اعمل ايه قولى ياروحى
وف بُعدك تايه عن روحى
وأداوى ازى ....دمع جروحى
واطيب خاطرى اللى ماهمك
انا باقى عليك يا اللى مانعنى
أتهنى بحسنك وبوردك
ومنايا بقلبك تسمعنى
وتقولى ما قادر على بُعدك
فيها ايه لما اطلب تلاغينى
وتقولى حبيبي ونور عينى
وانت اللى غيابك على عينى
وتملى بشرب كاس عندك
فيها ايه لما اطلب تسمعنى
واطير وياك وترجعنى
واهديلك قلبى اللى وجعنى
من ظلمك ليا ومن هجرك
مش قادر انام وانت ناسينى
ولا قادر أشيلك من عينى
من يوم ما اخترتك تحيينى
وانا قلبى دايب.. من حُبك
يتجينى يا تقولى اجيلك
وأصر الفرح ف منديلك
وتقيد لى بحبك قنديلك
وتقولى عينيك انى بحبك
رضا أبو الغيط
الأربعاء، 24 فبراير 2021
مراقبة الناس ..... للشاعر / محمدأبوالحسن
من راقب الناس مات هما
وعاش حياته عذاب
في عذاب
بيقولوا كبرت
وشعرك شاب
والحب بعد
الشِيبةعذاب
هتاخد زمنك
وزمن غيرك
خلاص عمرك
خطفه الغراب
قلت ياناس
ليه شاغلين بالكوا
هو انا جاي
أحب في داركوا
بكرة الشيبة
هتحصلكوا
ساعتها قولولي
بقى على حالكوا
وهتعملوا إيه
ويّا الغراب
ياناس اختشوا
عيب مايصحش
حاشرين مناخيركوا
في كل دولاب
ناقص تقولولي
ماتكحش
غيرلمانعرف
إيه الأسباب
وان حدسألك
ماتردش
قبل ما تقدم
كشف حساب عارفين انتوا
وعوايدكم
خليتوا حياتنا
هباب في هباب
والنعمة قبل
ما بتحصلكوا
بتلف وترجع
من عالباب
ياناس إيه
اللي جرالكوا
أهاليكوا كانوا
جيران واصحاب
مفيش حد
قريبكواحكالكوا
إن بيوتهم
كانت فاتحة
الباب في الباب
لاحد بيتجسس
على التاني
ولابيبص عليه
من خُرم الباب
لكن انتوا
نبت شيطاني
كل واحد
قاعدللتاني
دا راح ودا جه
ودا عدا وغاب
ياناس من
راقب الناس
مات هماً
وعاش حياته
عذاب في عذاب
ولاهو الطبع
خلاص غلاّب
محمدأبوالحسن
أنا الصعيدى ........... للشاعر عادل الهواري
انا الصعيدى الوسيم
مرسوم فى جلابيه
اتكلم معاك بالسيم
حورات...لفنديه
سياسى بدماغ حجر
واعرف لغات الغجر
حتى الطيور عالسجر
لهجتها مقريه
تلقانى بياع رصيف
تلقانى لابس نضيف
تلقانى عالم حصيف
فى وكاله غربيه
انا ابن طين الارض
احفظ واصون العرض
دارسها سنه وفرض
والسبحه فى ايديا
انا جد ساعة الجد
بطيابه ملهاش حد
وسيفى قاسى الحد
نخوه ورجوليه
اكتب واصيغ الغنا
وبأيدى يعلى البنا
لوكان هناك او هنا
عمار ياسوهاجيه
انا الصعيدى الهمام
فخور بعزوه وعمام
صعايده آخر تمام
دول يملوا مديريه
عادل الهوارى
الثلاثاء، 23 فبراير 2021
تاج راسي .......... للشاعر سعد حماد
تاج راسي
أمي يا تاج راسي يا عمري يا نور علي الجبين
من غيرك تنقطع أنفاسي ياأمي ولا أعيش ساعتين
يانعمة ربنا ليا واحلي هديه ومن حظي
إنك أمي يا أمي يا رمز السعاده ياعطف سنين
أمي يا رمز المجدعه انتي يا أمي يا مبدعه
جوه بطنك شيلتيني ولا يوم همومك شايلتيني
خفت عليا وكان خوفك واضح كله قصاد عيني
كنت بنام قبل منك أفتح عيني برده جنبك
نبع حنانك متواصل ولا حد في الدنيا يهمك
كل اللي شاغلك كان راحتي بتدوري علي مصلحتي
لما بتضحكي عرفتي وصلت بسلام رسالتك
يارب خليها ليا وبدل السنه تعيش ميه
وأكتر كمان أمي حبيبتي أبكي لو تبعد ثانيا
كلمات سعد حماد
يا من كنت ... للشاعرة أمل الطهطاوي
يامن كنت
يامن كنت
تسكن الفؤأد
وتملأه عبيراااااااا
فجئت طيرااااااا
وجئت تغريدااااااا
يامن كنت اااااااا
أيفنى الشوق
أم أبتلعتك الأمواج بعيداااااا
يامن كنت حبيب اااااااااا
أتنظر للسماء طويلا
أم ترقض فوق جبل
يضيق الخناق بنا
فتنزع قلبى بعيداااااااا
أنت لست أنت
ولا أنا ليس أنا
لماذا ؟؟
لماذا ؟؟
لاأرانى فى عينيك
فلست المتلهفه والمشتاقه
لديك؟؟؟؟؟؟؟؟
مالها نظراتك خجلااااااااا
وهموم الدنيا تسكنها
طرقات على باب الشفقه
ترحب بنا
وبرغم ذلك
أنطلقت خلف ذهولى
وكأننى أحلم
ملامحك المرسومه
أعطتنى عيون تضمنى وقلب
لايملكه احدا قبلى ولا بعدى
همساته تسافر معنا
أسقطت الريح أوراقك
فلتنحني قليلا
لتمر الريح
بقلمى / شاديه محمد
الشهيره بامل الطهطاوى
بعض الود يصان بالبعد ......... للشاعر / ابراهيم محمد
بعض الود يصان بالبعد
فلا تظن بعدي عنك عناد
لا تظن العتاب مني جفي
لا تظن حبك ترك الفؤاد
لا تصدق نظرات عين
لا يبهرك منها قلة السهاد
لا الشوق ضاع ولا الحب
ولا الروح هامت في واد
تركت عشقك بهجر نوي
أثرت لك عن قلبي بعاد
أمليت على عيني سكون
كرجل شل بعد اجتهاد
اخترت بعدي عن هواك
كعابد قد صام عن الزاد
ما كنت لعبة ابدا لي
ما كان حبك نزوة رواد
غير أن هجري لك املا
ان تلقى غيري يهبك اسعاد
فقير انا في دنيا الحياة
فهل أعطت فقير ما اراد
انا اصون الحب بالبعد
فلا تلقى لوما على الفؤاد
أرجو لك في العشق حب
يهبك مع الغرام والمراد
خذ كلامي كأنه قصيدة
ودماء مع دموع هي المداد
بعض الحب يصان بالبعد
فليس كل قرب منا وداد
ابراهيم محمد
اللى قلبى مال إليهم ............. للشاعرة / راوية حسن
اللى قلبى مال اليهم
راحوا بعد حبى ليهم
طول عمرى قلبى شاريهم
الحزن ليه والفرح ليهم
ضيعوا كل ده بإيديهم
وجعوا قلبى وخانوا حبى
بس اقول انا ايه عليهم
اللى قلبى مال اليهم
كله كان عشان عنيهم
كنت بايع عمرى ليهم
قلبى كان لعبة ف ايديهم
كانوا دايما بيلومونى
وانا اللى كنت بزكيهم
ليه نسيونى وكمان باعونى
وانا اللى بعمرى اشتريهم
ادعى ربى يوم عليهم
واقول الله هو يجازيهم
الاثنين، 22 فبراير 2021
أمْــنِــــيـــة ..... للشاعر د. سمير خليل
أمْــنِــــيـــة
أ. : أمنِـيتى أحلِّــق يومًـا بسَماك
بإيمان يلفِــظ ٱخر أنفــاسى
م. : مِـــرتاح الــبال فرحًـا برضاك
ويــا ربِّى نعْــماك بفِــردوسى
ن : ناجيت الحياة دوما لحماك
يوم أراك بقدس الأقْــداس
ي : يا من عليك اعتماد النسَّاك
إصرف عنا نفْــث الوَسواس
ة : تُغيث عبدا لا يرجو سِـــواك
برحمه وسِعَت جِنَّـة والناس
د. سمير خليل
فلاح ع اللاب ......... للشاعر رضا ابوالغيط
فلاح ع اللاب
أنا جبت اللاب ودخلت النت
غيرت الجوزه وقمت شربت
علشان م اكون ف البيت مكنون
وأسمع أنساك من صوت الست
ما أعرفش ازاى انا ليه أو كيف
خلانى الكيف من نفسى هربت ؟
وبقيت فرفوش زى الخواجات
بلبس طربوش من عصر وفات
واعاكس ناس كيف البلاص
واتحدت ويا شباب وبنات
والليل بيطول بعجوز مسطول
بقى دمه يا ناس كيف الشربات
فنسيت الغيط وحيطان البيت
وبدرت القمح تقاوى شعير
والناس بيقولوا ان انا حبيت
والجسم اتوعد ع التخدير
وانا كل م أفوق أبلع ف نشوق
علشان ما أشوفش الناس بتغير
وبدأت أطير ويا العصافير
وأحلم م يكون ف الكون تغيير
وآخد أنفاس وأنفخ ف الناس
ومدحت كتير مسطول وحقير
وف لحظه اللاب سهانى وخاب
وشبابى مع الدخان بيطير
وف لحظة ضيق م الهوى كحيت
واهتزت كل حيطان البيت
ونسيت الحلم وعشت العلم
وبدمع العين قمت اتوضيت
وناويت الفجر من بعد الهجر
ودعيت المولى أحج البيت
مين الصديق ......... للشاعر أحمد السبكي
( مين الصديق)
ممكن تقولي مين الصديق
أو توصفه حتي ف.طريق
وإيه كمان فيه من صفات
وإيه كمان حتقول عليه
كلمة صديق
تعني الكتير
عايش معاك وعليك يغير
سندك تملي ف.محنتك
حتي الفرح تلقاه كبير
حافظ لعهدك وبضمير
صاحي معاك وعليك يشير
أصل الصديق تلقاه في ضيق
ويكون رفيقك في الطريق
ينصح وديما يذكرك
بكل خير لو كان غريق
ديما بيمدح فيك يقول
صاحبي وحبيبي واد أصول
ولا عمره يسمح للغريب
يذم فيك أو يوم يعيب
عرفت إيه معني الصديق
(احمد السبكي) مصر
اكتبيني .......... للشاعر ابراهيم رضوان بدر
اكتبيني
اكتبيني كلمه واحده
فوق كفوفك
ادخلي في حياتي يلا
وانسي خوفك
اسمك في الكتاب موجود
من قبل يوم الميلاد
طفت ياما وشفت ياما
واخترتك من كل البلاد
انتي بيكي حس قلبي
وقالي هيه
من لحظة ما شاف عنيكى
بقيتي غيه
قلبي كتب على كفه ليك
كلمة بحبك
مهما هتكوني بعيد
هفضل احبك
بس بلاش تنسى ندايه
واكتبيني
إبراهيم رضوان
الجمال ... وبناء الروح ...... للشاعر محمد عبدالرحمن
الجمال...وبناء الروح
حبيبتي التي أهواها وفي القلب
سكناها والحشا...
جمالها لا يضاهيه جمال ....
ولا القمر وهيا اكثر دلال .....
كأنها ضمد محاسنها كل مافي
الدنيا والأرض والسماء ......
لو أن بيدي الفصول والسحاب
لاهطلت الأمطار وجعلت كل
العام ربيع..
لأرى بهاءها وحسن جمالها..
وهى تتبختر بين زهورالورود
والأشجار..
فيزيد الروض من جماله حين
يراها في بهاءها وجمالها بفخار
حلوة ....... للشاعر أحمد شاهين
حلوه . بقلم / احمد شاهين
أنا خايف من قلبى يحبك
أنا خايف على قلبى بسببك
لو ينفع أمنع دقاته
ينساكى فى جميع أوقاته
ما هو فاكر ان انتى حياته
مش واخد ابدا على طبعك
أنا خايف من قلبى يحبك
ماانا عارفك دايما نسايه
جواكى ميت الف حكايه
تشبكى يجى 10بضحكايه
ويا ويله اللى يقرب منك
انا خايف من قلبى يحبك
منطقتى. كلها عشقاكى
ياما شباب دايب فى هواكى
حلوه وتاعبه الكل معاكى
اللى كبير واللى من سنك
انا خايف من قلبى يحبك.
الأحد، 21 فبراير 2021
سجال بين الشاعر محمد واصل والشاعرة منى ربيع
منى ربيع
ساعات نِحِس الروح متكتفة بخوفها
وصوت القلق خنقاة صوت الدقات
يعدي الفرح لا يحن ل ظروفها
ونار الجرح ف حضن الوجع ب تبات......ساعات
محمد واصل
يعدي الفرح لا يحن لظروفها
صوت الوجع دايب مع نوحها
حتى الحياة رافضة تكون روحها
كتر الأهات زود بقى جروحها
منى ربيع
يا ليل الصبر ياطيب حاسب على شموعها
ماتطفيش الامل فيها وتخرج تاني عن طوعها
دا موج الزمن غدار إعصار مكلبش المجاديف
ومابتعرفش هي تعوم بتغرق سهل ف دموعها
محمد واصل
بتغرق هي في دموعها
وتستنى الأمل بكرة
ينور الجمال روحها
من القمر 200 مرة
منى ربيع
ينور الجمال روحها من القمر 200 مرة
تلملم تاني ف جروحها تنسى وجعها بالمرة
ترج ع تاني تتعشم وتتبسم تقول جايز
يعدي الفرح ويسكر طعم الحياة المُرة
محمد واصل
يعدي الفرح ويسكر طعم الحياة المرة
وتحلى الدنيا في عيونك الخضرة
ياغناوية وضحكاية وست الكون
دا لون الورد يكون لخدودك الحمرة
منى ربيع
دا لون الورد يكون لخدودك الحمرة
يطغى جمالهم مايخلي لا بيضا ولا سمرا
ليكي نظرة قادرة تخلي العقول متاهات
وساعات تسوي قلوب الشوق علي جمرة
المظاهر ......... للشاعر رمضان العلالقة
المظاهر
........
اوعاك تغُرّك المظاهر
المسائل مش فلوس
اللي عاش ع الدنيا قادر
للفقير قال ممعهوش
كل ليلة ف المَحافل
ناسي ليلة ضلمة كُحل
يركب النعش المُعدّل
كل خطوة يغوص ف وحل
و الدفاتر تتفتح لهُ
و الحساب هيكون تقيل
يبكي يومها يقول يا بختك
ياللي جيبك كان فقير
......................
رمضان العلالقة
Ramadan Alalka
الاشتراك في:
الرسائل (Atom)
فن البوستات كمال العطيوى
-
تحليل وشرح لحن قصيدة ( دعاء الشرق ) كلمات / محمود حسن إسماعيل ألحان وغناء / محمد عبد الوهاب اللحن والموسيقى من مقام (الرست) ال...
-
إسمحي ف حضرت جنابك أعترفلك بالحقيقه قلبي أهملتيه ف سابك وانتي ماطلعتيش بريئه إدعيتي إني إنتهازي وإني ظالم وإنحيازي وف غ...
-
تغريدة الشـــــــــــــعر العربي السعيد عبد العاطي مبارك – الفايد ( مصـــــــــر ) ----------------------------...
-
اهداء بمناسبة شهر رمضان الكريم وكل عام وانتم بالف خير شرح وتحليل لحن ( رباعيات الخيام ) على وزن بحر(السريع والخفيف والرجز) ع...
-
أنا وقلبي وأنت بقلم // سليمان كاااامل .... ********************** يهتز طربا حين لقياك يهيم وجدا بنور رؤياك ........ أقول ...
-
الشاعرة / إيمان محمد انا العاشقة لأيامه و ما أزعل مرة لملامه وكل شيء له ...
-
أمر عادي اللى بينى........ وبين بلادى شيئ طبيعى.... وأمر عادى يعنى عادى...... ألقى نورها جوه شريانى......... وفؤادى م الطبيعى....... أبق... -
في قريتنا ديك بيأذن ولابيصليش ديكنا بيحضر كل أوان لما نكون عاوزين إنسان يمثلنا لاجل نعيش ديكنا يأذن تلاقي دجاجاته واقفه وراه ونافشه الري... -
قلت لهم ذات يوم اني أصلي إماما بالقمر كذبوني وقالوا مجنون علمت بأن قلوبهم كالحجر وبلغوا أرذل العمر لكنهم لا يعشقون .......................... -
معنى كلمة الله 🥀 🥀 🥀 🥀 🥀 🥀 🥀 🥀 🥀 إسبانيه تشرح معني كلمة ( الله ) بعد أن عجز عنها العرب ... هذه الفتاة الإسب...
