فى قريتنا ديك ........ للشاعر / السيد ابوقوره

 

في قريتنا ديك

بيأذن ولابيصليش

ديكنا بيحضر كل أوان

لما نكون عاوزين إنسان

يمثلنا لاجل نعيش

 

ديكنا يأذن تلاقي دجاجاته

واقفه وراه ونافشه الريش

ديكنا الاول ديكنا الاخر

ديكنا لايحب التهميش

ديكنا عامل له احلا وزاره

ديكنا تملي عنده وليمه

بط حمام وز يميش

وزاره عايشه علي التهبيش

 

ديكنا في كل مكان وزمان

يضحك بس مالوهش امان

الحاشيه بتضحك بتسليه

وبتدعيله الله يخليه

ياموكلنا ومغذينا

ومشحت غيرنا ومعريه

 

ديكنا بيحب التريش

اصل مساهم وراجل فاهم

اسهم في اراضي اسهم في عقار

اسهم في بنوك لعب في صكوك

ديكنا بيتحكم في الاسعار

ومبدأ ديكنا في التريش

وزارتي بتاخد مابتديش

 

ديكنا حكومه في كل مكان

لو راح هيئه من الهيئات

يجروا عليه يدوله تمام

تلقي مصالحه خالصه اوام

ديكنا بيحضر مؤتمرات

واحيانا يدي محاضرات

بيعلمنا ويفهمنا أنتف

غيرك يطلع له ريش

انتف غيرك لاجل تعيش

#السيدابوقوره

قاطع ........... شعر : عبدالله بغدادي

 

قَاطِعْ فَرَنْسَا ، قُلْ لَهُمْ تَبْتَ يَدَا

مَنْ خَطَّ حَرْفَاً سَيْئَاً وَمَنْ اعْتَدَى

قَاطِعْ ولَا تَرْكَنْ لَهُمْ فِي مَجْلِسٍ

قَاطِعْ فَهُمْ أَهْلُ الضَّلَالَةِ وَالعِدَا

قَاطِعْ وَدَافِعْ عَنْ رَسُولِكَ بَغِيَّهُمْ

لَنْ يَذْهَبَ الجُهْدُ الوَفِيرُ لَنَا سُدَى

هُمْ أدْعِيَاءٌ لِلتَمَدُّنِ وَالنُّهَى

رُغْمَ الدَّعَارَةِ وَالخَلَاعَةِ وَالرَّدَى

وَسَلْ السِّنِينَ تُجِبْكَ عَنْ سَوءآتِِهمْ

إنْ يُبْرِمُوا خَيْرَاً يَضِلُّوا المَقْصِدَا

أَيَنَامُ حُرٌّ مُسْلِمٌ وَسَفِيهُهُمْ

سَبَّ الرَّسُولَ المُسْتَضَاءَ المُحْمَدَا

قَاطِعْ وَعَادِي مَنْ تَمَادَى فِي العِدَا

إنْ أَعْلَنُوا حَرْبَاً فَإِنَّا لِلفِدَا

إنْ لَمْ يَكُنْ لِلدِّينِ فُيْكَ حَمِيَّةٌ

أَوْلَى بِسَيفِكَ أَنْ يَفِلَّ وَيُخْمَدَا

قَاطِعْ وَكَشَّرْ عَنْ نُيُوبِكَ لِلَّذِي

سَبَّ الرَّسُولَ وَدِينَنَا وَتَوَعَّدَا

قَاطِعْ وَلَا تَرضَ الدَّنِيَّةَ وَانْتَفِضْ

فَلَكَمْ بِعِزِّ الدِّينِ كُنْتَ السَيِّدَا

فَارْجِعْ أُخَيَّ إلَى الحِمَى مُتَمَسِّكَا

بِالدِّينِ تَغْدُو ظَافِرَاَ وَمُؤَيَّدَا

وَذَرُوا الخِلَافَ وَوَفِّقُوا مَابَيْنَنَا

قَدْ آنَ آنَ اليَوْمَ أَنْ نَتَوَحَّدَا

 

شعر : عبدالله بغدادي

 

لا ......... للشاعر / محمد مرجان

 

لا انا كنت يوم من الأولياء

ولا شيخ طريقه

رغم العفار

جوايه مكسي بالخضار

بيني وبين الانكسار

مافيش عمار

وقت احتضار صوتي

على قد نفسي

تشوفها مكسوره

على قد دايرة

حلمي ما بتوسع

رغم الغشاوه

بتوضح الصوره

زي الدهب في

الضي ما بيلمع

 

وده هو الحال ........ للشاعرة / راوية حسن

وده هو الحال

 

وزعلان ليه ياخويا وشايل الهم

ولينا رب كريم لاخال ولاعم

اوعاك تكون فاكر ده اخر المطاف

وان اللى راح ابوه عليه تخاف

ده حاله والله صعيب وكله غم

وبدعى ربى يرعاه اه ده معاه ام

ومين يسندها ويرعاها من بعد ماراح

راجلها وابو عيالها فى ساعة صباح

والقطر الملعون بسلامته زى الرياح

اخد وياه فى سكته وسابلنا جراح

واولاد لساها صغار محتاجه تكون

فى حضن اب يرعاها ويكون مرتاح

لكن سفينته غرقت بفعل رياح

وجه قطر الموت واخد منها الارواح

ماتزعل ابدا ياولدى ربك ستار

عمره مايسبك ابدا ليل ولانهار

ومهما كنت ياغالى اليوم ده صغار

بكره هاتكبر وتفتح زى الازهار

والكل يشوفك وفى الادب الناس تحتار

مش معنى انك تتيتم يبقى ده خلاص

انك هاتهون على قلبى لاء ده انت اساس

ده ابوك راح ضحية لقمة العيش

وكان مسافر يشقى لجل انت تعيش

كان نفسه يبنى مستقبل ليك وكمان دار

وتعيش فيها متهنى ولا يوم تحتار

لكن ده نصيب ومكتوبله انه مااختار

ان دى تبقى دى نهايته ربك ستار

وانا عن نفسى من يومها قلبى ده انهار

وآهين من بعدك ياغالى ازاى انا اعيش

وخلاص كده روحت مش ممكن تانى ماتجيش

وكان وياك فى القطر بيقولوا عسكر الجيش

ياخسارة ياولدى واخواتك رحتم ببلاش

احكى من تانى واقول بكفايه بلاش

لو احكى راح ابكى عليك تانى وانوح

ابنى ياغالى على قلبى ياحبيب الروح

الموت ياولدى اخدك منى وخلاص كده روح

وتيتم ولدك من بعدك مين المسؤل

مافيش حد يعوضنى ولاييجى يقول

ان ده قضاء من ربي يارب انول

الصبر على فراقه اصعب بكتير

وهاربى ولدك من بعدك واقوله ابوك

كان راجل صح مافيش منه فى الدنيا كتير

كان نفسه بايده يعملك بيت حلو جميل

لكن نصيبه ياولدى البخت يميل

الله لايسامح من كان سبب الاهمال

وضياعك يابنى وموتك ويتم العيال

ولاحد يسأل عن ولدك عم ولاخال

عايزه اطالب بحقك قولى اروح فين

ومين يعوضنى عنك طب قولى مين

او يحس فى يوم لك م الولد اتنين

كان نفسك انت تعيشهم العيشه الزين

وتاخد يابنى بايديهم لبر امان

لكن هانقول ايه خلاص كان اللى كان

 

راوية حسن

 

احضن حلمك ..........للشاعر / سعيد الضو

 

مش كتير عليك......... للشاعر / محمد أبو الفتح

 

مش كتير عليك......... محمد أبو الفتح

مش كتير عليك الكون

بحبك حب قد الكون

من غيرك إيه أنا ومين أنا وإيه أكون

إنتِ سما إنتِ الهنا إنتِ كل الكون

بحبك حب قد الكون

مر زمان ورجع تانى عاشق مجنون

لاهو قيس ولا إنتِ ليلي لكن مجنون

بقلبه وروحه لحبك وعهدك حلف ليصون

ولو جار عليه الزمان عمره ماينسى ولاحيخون

ده حبك قد كل الكون

سنين عمرى وانا تايه حبيبي من غيرك

يا عش أمان مين غيري أنا يكون طيرك

يسكن فيك يخاف عليك يحس بالدفافيك يغني ليك

مش كتير عليك الكون .انامن غيرك عمرى مااكون

ده قلبك هو كل الكون

بحبك قد كل الكون

محمد ابو الفتح

 

يا عشروميت حــــــاله ... للشاعر / سيف عثمان

 

يا عشروميت حــــــاله

عاجزه بنقـــــــــــــاله

ساعات تكون عــــــاله

وساعات كمان بــــــــــتعول

جميله وغـــــــــــزاله

وعـــــــــــيونها قتّاله

أحوالها عــــــــــمّاله

تدبل كده وتــــــــــــــــــزول

ف الشعر قــــــــواله

وأدبها دا رســـــــاله

للحق مــــــــــــــيّاله

إل غيرها تقول مـــــــــنقول

ست ومع الســــتات

بنت وأحــــلي بنات

م الرك ع الـــــنيات

صفي تكون مــــــــــــقبول

نفسيه نـــــــــــــقّاله

ف الجوف ومتشاله

وع الجبين هــــــاله

وبعزم 100 مــــــــسؤول

....

سيف عثمان

 

( أنا ذنبي إيه ) ........ للشاعر / أحمد السبكي

 

( أنا ذنبي إيه )

أنا ذنبي إيه قولوا يا ناس

وليه الزمن علي قلبي داس

من يوم ما ماتت والدتي

وابويا مات وما فيه ميراث

أنا ذنبي إيه

علشان يتيم ومفيش معاش

وفيه كتير بنعيمه عاش

الرحمه فين منكم يا ناس

واللا اليتيم بينكم بلاش

أنا ذنبي إيه

الذنب مش ذنب اللي مات

مفضلش له غير ذكريات

أما اللي عايشين في القصور

ياكلوا الفطير واحنا الفتات

أنا ذنبي إيه

نفسي أقول لو كلمتين

الرحمه راحت بينكوا فين

العطف لازم ع.اليتيم

تلقي النعيم لك في الدارين

أنا ذنبي إيه

إمسح علي راس اليتيم

علي طول راح تعيش في النعيم

والخير معاك ديما يزيد

لو يوم تكفلت بيتيم

أنا ذنبي إيه

(أحمدالسبكي) مصر

 

في حب مصر بقلم / عماد الأبنودي

 

في حب مصر

بقلم / عماااد الأبنودي

 

قلمي رقص من فرحته

في حب مصر قال الله

سر سعادتي دي ونشوتي

و هيه العشق يا محلاه

اكمني ولادها دول عباقره

و فخرها عبر الازمااااان

و التاريخ يحوي جبابره

و للبطولة دايما عنووان

سمي و صلي ع إسمها

و بص شوف أم الدنيا

دايب دووب في عشقها

وهأغنيلها ف كل ثانيه

يا سلام عليكي يااا بلدي

عروسه و ماشاءالله عليها

حبك جاري بقلبي و نبضي

و تدوم يارب الفرحة ليها

إثبت اوقف كدا انتبااااه

و هدي يا تاريخ لحظاااات

المصري يملك اصرار جواه

و إسمه منحوت ف الحضارات

مش منظرة و لا كلام

ااااااااالواقع اعظم دليل

و طريقنا سيره ماشي لقدام

و مفيش بقاموسنا مستحيل

هنقدم شجاااااعة و تحدي

و نعيش طبعاً بفخر الأبطال

و مراكبنا بإذنه رايحه تعدي

و تدوس علي أصعب محال

و افتكري يااااا دنيا كويس

مصر ديه غنوة عااااااشقين

ربنا وحده اللي صاينها

و حاميها من شر اااااالعين

 

من يومين ........ للشاعر / سعيد الضو

 

من يومين ب الصدفه

ب أنكش في الدولاب

في الباب كان فيه مرايا

ببص فيها لقيت سراب

حد غيري وشعره شاب

والعذاب إللي أنا شوفته

م الحياه ومن الصحاب

خلا شكل ملامحي غاب

شوفت واحد كان كئيب

حد سايب كل حاجه للنصيب

حد غيري ما أعرفوش

حد يشبه للهاموش

كل حاجه حلوه راحت

وإللي باقي يدوب رتوش

بصيت بسرعه في خلقتي

حسيت ساعتها ب بلوتي

ف عمر راح علي فاشوش

زي السراب

سعيد الضو