الشعر إيه
كلمات / يوسف عطاالله
الشعر إيه غير حاله
كلمه وحرف و قواله
إحساس جميل مش
أى حس إستحاله
الشعر كلمات نغمات
وزن وقافيه وآهات
أنين وشوق وحنين
عشق الحرف للنغمات
حروف من قلم بيعبر
عن الى جوه القلب متغبر
ونتكلم ونتألم ونقول
على جوانا على طول
بجرة قلم نعزف لحن ونغنى
نكتب قصيده ونسرد نشيد
كلماتنا وحروفنا تقرب البعيد
ونبدأ قصة حب من جديد
ونملا القلب سهد وتنهيد
ماهو الشعر إيه غير حاله
كلمه وحرف و قواله
قلم بيعزف حروف والحان
قول يا قلم قول كمان
شعر وفن وغنا وألحان
اوعاك ياقلم للحب تخون
ودايما يا قلم للحرف تصون
اكتب كلام حلو ورنان
خليك عايش احساس فنان
ما الشعر ايه غير حاله
كلمه وحرف وقواله
صوره بس بتتكلم
أحساس جوانا بيعلم
قلم قصيل بيعلم
من احساسه بنتعلم
الشعر إيه غير حاله
كلمه وحرف وقواله
ليست هناك تعليقات:
إرسال تعليق