انا الفارس.
$$$$$$
انا الفارس ....... انا الحارس
وانا اللى ساعات لسان خارس
انا الفارس لحق الغير
لو اقدر يوم ما بتأخر
وانا الحارس على اخلاق
اصيله .. ما يوم هتتغير
وانا اللى ساعات لسان خارس
ساعة ما هحس ..( هتجبر)
انا البسمه اللى مرسومه
على الشفه مبتروحشى
واخلى الآهه مكتومه
ساعات وكتير متطلعشى
ودايما قلبى متسامح
وانا اللى معايا متصالح
لكن ف كرامتى ماتسامح
تهب الهبه ... ماسكوتشى
وانا اللى ابويا علمنى
اخلى البلوه سلمتى
عشان اطلع واعديها
واخدها شراعى لسفينتى
تعدينى بحووووور الغم
تعديلى ساعااااااات الهم
تخلى ف عينى ديمه اليم
خضار زاهى ومايبورشى
$$$$$$$$$$$$$$$$
المصرى العربى الحر
الشاعر . محمد الشاذلى
ليست هناك تعليقات:
إرسال تعليق