عم يا بتاع الحاجات القديمه
شوفلنا حاجه عندك ليها قيمه
شوف قلوب تكون سليمه
شوف عندك ناس تكون رحيمه
تعبنا م الناس اللئيمه
اللي عايشه بألف وش
واللي كل حياتها غش
واللي ابوها جنيه وقرش
شوف ضحكه تكون م القلب طالعه
شوف شمعه تفضل في الضلمه والعه
شوفلنا حتى ضحكه حلوه
سمعنا حتى أي غنوه
تصحي في النفس الحنين
وتفرح القلب الحزينّ
يا عم يا بتاع الحاجات القديمه
شوفلنا عندك ناس من بتوع زمان
ناس كانت طيبه
ناس كانت قريبه
ناس كانت فاهمه يعنى أيه عيشه كريمه
ناس كانت بسيطه
ناس كانت جنب بعضيها
يا عم يابتاع الحاجات القديمه
ينفع تاخد الناس الجديده
وترجلعنا الناس القديمه
ليست هناك تعليقات:
إرسال تعليق