كسرت وراك سعادة صورتك الباهتة ..... سميرة عبدالفتاح محمودي

كسرت وراك 
سعادة صورتك الباهتة 
وبرواز الهوي الكداب
قفلت الباب
على قلبي اللي
غاب  ياما 
وخدته معاك في دوامة 
حنين محتار 
وقدت النار علي شوقي 
عشان يخلص 
واكفن شوقه أنا واخلص
من الدمع اللي سطرته 
في ألف كتاب 
كلام بالمر بالصبار 
وليل ضلمة مالهش
نهار 
وصفحة حب متلخبط 
ومتشخبط كتير أسرار 
خلاص مبقتش أنا هي 
اللي غلبت فيك مدادية 
وكتبت عن عينيك أشعار
..............................................
للشاعرة / سميرة عبدالفتاح محمودي