واعدينى ....... كمال العطيوي

واعدينى إنك ح تجينى
لا تِغيبى وتسهرى عينى
دا النوم فى غيابك مجافينى
بَنَدِيلِك وياريت تُزورينى
واعدينى
واعدينى وانا بَرضه حَ وَعْدِكْ
لا حاغيب عن بالك ولا فِكْرِك
لو دَمْعِك يوم يِلمس خَدِك
أنا إيدى حنان لو تِنادينى
واعدينى
يا جِنينة حُب يا لحن يا عود
بِجناحى راجع عِشِك وحَعُود
وازرع حِلمِك أشعار وورود
من عطر حنانك تِروينى
واعدينى
............................
بقلم / كمال العطيوي