يا صبر طيب .. للشاعر / حسن السحماوي

يا  صبر طيب ..!
.....................

إنسان ..
وعايش بالبساطه طموح
وحلمى فى الحياة موجود
محل الروح
وشاعر كلمتى بلسم ..
تداوى جروح
فى أى مكان ..
وجودى فى الحياة مسموح
ما انش غاندى ..
لكن عندى الكلام بيبوح
ومهما ينوح ..
راح أغزل توب يفرحنا
وانسج بكره للأيام
وعندك زى ماعاندى
سفينة نوح ..
ساعات الكلمة تتعلق
فى وسط حروف ..
يعيش المعنى ويحرك
مشاعر روح
ونرسى لشط يهوانا
يعيش فيه الأمل .. مسموح
ساعات الكلمة تتحشرج
على معنى .. يغيب الحرف
جوانا مايسمعنا ..!
لكن صابر .. مع الأيام ..
ياريت الكلمة جوانا
تحسسنا نخاف على بعض
ياريت يصحى الضمير فينا
ويهدينا ..... لصحبة ورد ..
ياريت البسمة برضانا
تعيش مرتاحه فوق الخد
دا إحساسنا اللى متفرفط .......
ومتبعتر .... دا فاق الحد ..!!

.......................................

للشاعر / حسن السحماوي

مات فرعون وعاش موسى ........ للشاعر / حمدي سليم سليم

مات فرعون وعاش موسى 
علي التوراه
يكلم ربه ويناجي رضا مولاه 
لو كانت دنيا دايمه لحد 
لا عاش فيها رسول الله
.................................
للشاعر / حمدي سليم سليم

مناجاة ... شعر الدكتور رمضان قنديل

 مناجاة 
...........
وجودك زادنى شرفا وعزا
وٱنس وحشتى فى كل حال
وجودك طمأن القلب المعنى
وقد أغناه عن ذل السؤال
وكيف يطيب عيشى يا ملاذى
إذا ما لم تجب يا ذا الجلال ؟
ففى ملكوتك الرحمات تترى
وفيض يديك موصول المنال

...................................
شعر الدكتور/ رمضان قنديل 

خمرة الوقت ... للشاعرة ميادة احمد ابو عيش

 خمرة الوقت
...............  
تستعمرني سبائك الصمت 
وللصمت ، لغة تأويلها الهجر 
على جسد الوقت، ضياع 
لقوافي هوى  المتيم 
: تقول زائرتي   
احتسي من بركان الغضب 
لاغتصاب أمكنة مدائن 
أولى القصيدة 
وتنتهي ثورة الندوة 
بالانتماء إليك
.....................................
للشاعرة / ميادة احمد ابو عيش

قرآنى يحيينى ...... للشاعر ياسر التوني

واشرب الشهد من آية وانا صايم بيروينى 
يحرّك ف الفؤاد ساكن ويجرى ف دم شرايينى 
وريدى يغير ويندهله بلاش بالله .. تجافينى 
ترد العين انا الاول يلف ف كل ميادينى 
ما بين الرمش والننى باعجازه يلاغينى 
يقول قلبى دانا المسكن يارب بحفظه ابنينى 
وخلى ف واجهتى الفاتحة وآية كرسى تحمينى
تترجم فرحتى دموعى ف تيجى الإيد تهنينى 
تقلى اللمسة للمصحف بكل وضوح تقوينى 
لسانى يقول وانا الناطق وده أكبر براهينى 
على انى أكيد هكسب واحقق كل ملايينى 
من الحسنات عشان ربى وعدنى أضعاف هيدينى 
يرد القلب سامحونى د انا اللى شمالى ويمينى 
مع القرآن كتير عاشوا وبيه تتقل موازينى 
ورغم الذنب انا عارف بان المولى عاطينى 
كنوز ف حروف وهقراها لحد ما يبقى تَكفينى 
بتوب ابيض لكن برضه ولو آية هتكفينى 
أقول مش موت طلوع روحى أنا قرآنى يحيينى
.............................
للشاعر / ياسر التوني
Yasser El Tony

شهر الخير . للشاعر/ مصطفى طاهر

((شهر الخير))

 ..................

رَمَضَانُ شَهْرُ الخَيْرِ وَالبَرَكَاتِ....وَفَضَائِلُ الأَعْمَالِ وَالصَّدَقَاتِ
وَتَوَاصُل الأَرْحَامِ فِيْمَا بَيْنَهُمْ......بِالبِرِّ وَالإحْسَانِ وَالخَيْراتِ
وَمَوَدَّةٌ وَمَحَبَّةٌ وَتَرَاحمٌ.......وَتَسَامحٌ بِالعَفْوِ وَالدَّعَوَاتِ
تَسْمُو النُّفوسُ وَتَرْتَقي أَرْوَاحُهَا.......بِقِرَاءَةِ القُرْآنِ وَالصَّلَوَاتِ
رَمَضَانُ أَشْرَقَ زَاهِياً بِضِيَائِهِ........وَكَسَا الحَيَاةَ بِأَرْوَعِ النَّفَحَاتِ
َونَسَائِمٌ هَبَّتْ لِتَغْسلَ أَنْفُساً...........صَدَأَتْ مِنَ الذّلاتِ وَالهَفَواتِ
وَالمُسْلِمونَ وَقَدْ تَجَمَّعَ شَمْلُهُمْ......وَتَآلفُوا بِاليُمْنِ وَالبَرَكَاتِ
كُرَمَاؤهُمْ جَادُوا عَلَى فُقَرَائِهمْ.....فَازوا وَنَالوا أَعْظَمَ الدَّرَجَاتِ
صُوَرُ التَّرَاحُمِ وَالتَّوادِّ تَلألأتْ....مَنْقوشَة فِي أَرْوَعِ اللَّوحَاتِ
رَمَضَانُ بَدْرٌ قَدْ تَهَادَى نُورُهُ.....يَجْلُو وَيمْحُو حَالِكَ الصَّفَحَاتِ
وَبِهِ مِنَ الأَيَّامِ أَفْضَلُ لَيْلَةٍ.......مِنْ أَلْفِ شَهْرٍ فَي رُؤى السَّنَوَاتِ
هِيَ لَيْلَةٌ مَنْ شَامَهَا نَالَ المُنَى...وَالفَوْزَ بِالغُفْرَانِ وَالجَّنَّاتِ
وَتَرَى المَلائِكَةَ الكِرَامَ بِنُورِهَا....رَاحَتْ تَجُوبُ الأَرْضَ وَالسَّمَواتِ
بِقِيَامِهَا خَيْرٌ عَظِيْمٌ وَافِرٌ........تَجْنِي بِذَاكَ الأَجْرَ وَالحَسَنَاتِ
هَذَا هُوَ الصَّوْمُ الذِي قَدْ خَصَّهُ....رَبُّ العِبَادِ بِمُحْكَمِ الآيَاتِ
لَكِنَّمَا بَعْضُ البَرِيَّةِ أَحْدَثوا.....بِدَعاً غَدَتْ مِنْ سَيَّئِ العَادَاتِ
فَكَأَنَّمَا رَمَضَان بَاتَ تَسَابُقاً......وَتَفَاخُراً بِالأَكْلِ وَالحَفَلاتِ
فَتَرَى المَوَائِدَ قَدْ حَوَتْ أَحْضَانُها......فَيْضاً مِنَ الأَكْلاتِ مُخْتَلِفَاتِ
صَوِّرْ عَلَى الجَوَّالِ وانْشُرْ وافْتَخِرْ....بِالبَذْخِ وَالتَبْذِيرِ وَالقُدُراتِ
وَهُنَاكَ طِفْلٌ جَائِعٌ كَمْ يَشْتَهي....لِفُتَاتِ خُبْزٍ أَوْ نَدَى القَطَرَاتِ
وَنَسُوا الفَقِيْرَ بِحَالِهِ وَشَتَاتِهِ......خَيْرَاتُهُمْ تُرْمَى مَعَ الفَضَلاتِ
وَرَأيْتُ أَعْدَاءَ الفَضِيْلَةِ أَوْغَلُوا....فِي الحِقْدِ وَالطُّغْيِانِ وَالعَقَبَاتِ
قَدْ خَطَّطوا كُلَّ الضَّلالِ لِيَوْمِهِ.....نَشَروا الفَسَادَ بِمُعْظَمِ القَنَوَاتِ
وَكَأنَّمَا رَمَضَان مَوْسِم عَرْضِهمْ....لِمُسَلْسَلاتِ العُهْرِ وَالنَّزّواتِ
أَسَروا عُقُولَ شَبَابِنا وَبَنَاتِنا.....قَلَبُوا الحَيَاةَ بِمُعْظَمِ الأَوْقَاتِ
فَنَهَارُهُمْ نَوْمٌ يَطُولُ لِمَغْرِبٍ....وَالَّليْلُ يَجْمَعُهُمْ مَعَ (الدِّشَّاتِ)
وَيَضُمُّهُمْ سَهَرٌ طَويلٌ مُسْرِفٌ......وَتَكَاسَلوا عَنْ أَفْضَلِ الطَّاعَاتِ
وَتَرَى المُنَادِي لِلصَّلاةِ مُؤذِّناً.....وَالنَّاسُ غَابَتْ فِي عَظِيْمِ سُبَاتِ
يَا لَيْتَ شِعْرِي أَيُّ صَوْمٍ هَكَذَا...إِنْ لَمْ نَصُمْ عَنْ ثَوْرَةِ الشَّهَواتِ
وَنُطَهِّر النَّفْسَ السَّقِيْمَةَ بِالتُّقَى.....وَنَحُسُّ فِي حَالٍ لِذِي الحَاجَاتِ
يَا رَبَّنَا هَيَّئْ لَنَا مِنْ أَمْرِنَا......رَشَداً وَغُفْراناً مِنَ الذَّلاتِ
نَقِّ القُلُوبَ مِنَ النِّفَاقِ مِنَ الرِّيَا......وَامْسَحْ سَوَادَ الرِّجْسِ وَالظُّلُمَاتِ
وَأَفِضْ عَلَيْنَا يَا إِلَهي رَحْمَةً......وَمَحَبَّةً وَتَسَامُحاً بِثَبَاتِ
............................ 
للشاعر / مصطفى طاهر

محمد صلاح . ... للشاعر /البدرى ابراهيم

وجعت قلوبنا يا محمد صلاح
خليت القلوب عليك ما بترتاح
أنت فرحنا بكل مسا وصباح
داوينا لأنك طبيب وجراح
ارفع راية النصر بعزيمه وكفاح
لو تعرف حبك تاج الراس ووشاح
انهض وحطم الصخر بنجاااح
..............................
للشاعر /البدرى ابراهيم

تكالك سيبه على ربك ... للشاعر على شحاته سليم

تكالك سيبه على ربك
وعيش يومك على قدك
هو الرازق المنان
هو رحيم على الإنسان
وهبنا النعمه فى صيامنا
علاج أجسامنا فى رمضان
................................
للشاعر / على شحاتة سليم 

ساعات واكسبها ...... للشاعر أحمد أبو عاصم

ساعات واكسبها ... ف الطاعة
وعيش الدنيا ... لو ساعة
واسأل ربك المعبود
نجاة من دنيا خداعة
.................................
للشاعر / أحمد أبو عاصم

رمضان .. للشاعر / احمد السبكي

رمضان بيجري بسرعه
وبيجري معاه خيره
يارب كل الشهور
تقلده ف. خيره
...........................
للشاعر / احمد السبكي

يا صاحب العفو ...... للشاعر سعد حماد

صاحب العفو
................
يا صاحب العفو والرحمات
أرحم مناجي يرجوك داعيًا
يا مالك الأرض والسموات
بنور وجهك جئتك تائبًا
وكنت من قبل تائهًا في الظلمات
فلا تخيب ظن من جائك باكيًا
وأعطف علينا بفضلك
وتجاوز عن الهفوات
يارب
.........................
للشاعر / سعد حماد

بعودة يا رمضان ... للشاعر مجدي فرحات

تلاتشر يوم عدت في رضا
وسحايب نور بفرح و هنا
مفيش يوم مبندعيش ربنا
بشهر الخير غفرانه بيضمنا
وعتق من النار يارب اكتبلنا
رمضان شهر بيغسلنا كلنا
بيك يارمضان بنطهر نفسنا
بس خطواتك سبقانا كلنا
بنحس وداعك مقرب مننا
يا شهر كريم ورحمة من ربنا
بعوده يا رمضان بعوده لنا
...............................
للشاعر / مجدي فرحات

حبيبي يا رسول الله ... للشاعر / محمد عطية محمد

حبيبي يا رسول الله 
أصدق حب وأطهر حب حب يكون في الله
حب ملينا بيسكن فينا حب رسول الله
حبيبي يا رسول الله حبيبي يا نبي الله
حبيبي يا حبيب الله حبيبي يا شفيع الله
سيدنا محمد صلي الله عليه وسلم
شفيع لينا وضي عنينا مسك عنبر
حبيبي يا رسول الله حبيبي يا نبي الله
حبيبي يا حبيب الله حبيبي يا شفيع الله
جوا قلوبنا عشق أروحنا رسولنا الغالي
يوم الحشر بنشرب منه ما نعطش تاني
حبيبي يا رسول الله حبيبي يا نبي الله
حبيبي يا حبيب الله حبيبي يا شفيع الله
...................................
للشاعر / محمد عطية محمد 

وليه أبكي .... للشاعر شاكر أبو الشرف

 وليه أبكي وانتي جنبي ياأمي 
وليه أحزن وانتي شايله همي 
دي الطيبه اللي ف قلبي منك 
يا أمي وفي الآخره هاتنادا بإسمي 
وإسمك يا أمي وفي الجنه هادخلها
بدعاكي ورضاكي يا أمي أمي كم أحبك
 أمي كم أحبك أمي كم أحبك 
وبقلبي وعيني وإيدي وقلمي 
أكتبلك يا أمي
..................................
للشاعر / شاكر أبو الشرف

فلا بأس عندى .... للشاعر إبراهيم حفني

فلا بأس عندي إذا ما السنين  
تعانقُ شوْقي في كل حين  
وَطَأْتُ كثيرا دروب الحياة  
وجُبْتُ بُحور المُنَى والحنين  
وحَلَّقْتُ بين بيوت النجوم  
وأَشْمَمْتُ قلبي عبيرالفنون  
وَطَيَّبْتُ سمْعي بِدُرِّ الكلامِ  
وَحُسْنِ الغناءِ وَسِحْرِ اللحون 
...............................
للشاعر / إبراهيم حفني

قلوب البشر ...... للشاعر سمير حموده

قلوب البشر أنواع
مكتفى ويبذر الحب بين الناس
وقلب ظمئان..من حرمان
ويوزن بميزان الماس
وثعلب ماكر.. قناص 
وقلبه خالى من الإحساس
.............................. 
للشاعر / سمير حموده
Samir Hamoda

أحببتك حبا براقا ........ للشاعر / ابراهيم رضوان ابراهيم بدر

أحببتك حبا براقا
ليكون فى وجهى اشراقا
يا رسولا ساد البشرية
والكل إليه تواقا
ليراه ويشرب من يده
لتكون الشربة ترياقا
يا رسولا خلق من الحسن
قد زدت الحسن أخلاقا
أحببتك حبا براقا
فيزيد فى قلبى أشواقا
يا بشرا ليس له مثلا
خلق وخلقا مكتملا 
وبعثت بشيرا ونذيرا
وجعلت للعالم أملا
أملا فى الجنة والرضوان
بالشفاعة عند الخلاقا
سبحانه ربى قد جعلك
نورا وضياءًا خفاقا
أحببتك حبا براقا
..............................................
للشاعر / ابراهيم رضوان ابراهيم بدر

أنا كده بطلت الشعر ... للشاعر محمد الشاذلي

أنا كده بطلت الشعر
علشان مصاريف البيت
لا نافع بيت ولا شطر
يجيبلي إزازة زيت
ف بلدنا بنشرب مر
والطحنه ان مهما عانيت
أو كلت ف حلقك صبر
أو دوخت ولا... عييت


الشاعر بعدم اهتمام الراعي بيه
.............................
للشاعر / محمد الشاذلي

جايينا شهر فضيل ...... للشاعرة د. ملك محمود الأصفر

 جايينا شهر فضيل  
...........................  
هاتوا الزينة والأزهار 
جاية لعنا زوار
جايينا شهر فضيل
بهلالو بتضوي الأنوار
والسما بتفتح أبوابا
للي تايب ليل نهار
وللي رافع إيدو بيدعي 
وعلشانو أجمل أذكار
.................
جاية لعنا رمضان
شهر التوبة والغفران
بدنا نصوم وبدنا نصلي
وبدنا نقرأ بالقرآن
ما أحلى لمة العيلة
عند المغرب يا أخوان
والكل صايم عم يستنى
المدفع أو صوت الآذان 
................
والمسحر بيفيقنا
على صوت الطبلة بغنية
يا نايم وحد الدايم
قوم سبح رب البرية
وليلة القدر منحييها
ومندعي حتى الصبحية
والتراويح نصليها
من بعد العشا يومية
......................................... 
للشاعرة  د. ملك محمود الأصفر

مادامت هامتى مرفوعة ...... للشاعرة / راوية حسن

مادامت هامتى مرفوعه
وعزة النفس موجوده
فلا حاجة لى لبشر
وانا كلى موجوعه
لا اشتكى إلا لربى
فهو على كل شيئ مقتدر
مهما طال الحزن فى قلبى
مهما تألمت وطال بى الصبر
فإنى لا أنحتى إلا للذى خلقنى
سأصبر وأطلب العون من ربى
وان على صبري سأؤجر
وربى بى أعلم
................................ 
للشاعرة / راوية حسن

راموس ومحمد صلاح ........... شعر الدكتور رمضان قنديل

تبا لأمك يا راموس طعنتا
من دون أجناس الورى فى مقتل
ما كان ضرك لو رحمت ولم تكن
كالثور ينطح إذ تردى من عل
....................................
شعر الدكتور / رمضان قنديل

ادعى فى صلاة الفجر .. للشاعر / مصطفى احمد أبو اسلام

ادعى ف صلاة الفجر يمكن يكون رجاليك
لو حتى سوقها كسد تلقى المباع راج ليك
واسمع لنا صــح أكيد المستحيل محتمل
أركب حصان الأمل وافـرد عليه رجاليك
..........................................
للشاعر / مصطفى احمد أبو إسلام  

أنا قلب .... للشاعر / سمير حمودة

أنا قلب له أعضاء وأطراف
وعندى نبع للمشاعر
أحيا بين الخلائق
أصبّ فى كؤوسهم
شراب الشاعر
تخيب ظنونى أوقات
فيصبح دربى شاق وواعر 
..............................
للشاعر / سمير حمودة 
Samir Hamoda

قالوا وأقول ...... للشاعرة / جهاد نوار

قالوا:
عداوة الشعراء داء معضل
.......................
و أقول :
حبهم داء يصيب و يقتل
يا من كنت بالحب جاهل
لا تعمدن لقتل عاشق متبتل
هذا فؤداى أنت أنت قاتله
لله درك إن ما أنت تعدل
كم من ليال بت أنشد قائل
الحب أنت و أنت عنه غافل
عشق الذى للحب لا يعدل
لهو العذاب فكيف منه نرحل
لله درك إن ما أنت تعدل
...........................
للشاعرة/ جهاد نوار 

Jhad Nawar

مسحراتى ... للشاعرة / أميرة القزاز

مسحراتي مع 
طبلتي بقيت 
مغنواتي 
الكل بيغني معايا 
ويصحي ايلي نايم 
والا لسه بيعافر 
لاجل مايقوم يتسحر 
الزبادي 
ويا العيال فوانيس 
بتنور وتلالي 
وايلي لسه قاعد يقوم
من القهاوي 
يسلم ويدق دقه 
ال أيه مجامله 
علي 
طبله المسحراتي 
اتاريها عاده بتفرح 
ياساده انك تقرب 
وتمد ايدك تدق 
دقه وتنادي اخواتك 
وتصحي جيرانك 
رمضان كريم والسحور
سنه عليكو بتنادي
............................
للشاعرة / أميره القزاز

 Amira Mahmoud

يوسف وزليخة ..... سامى ابو الغيط

يوسف بيجمع ف صاع
اجمل واغلى الطباع
عفاف عن الرذيلة
وعمره ما ف ضعفه باع
كل سيمات النبوة
ولا كات بتاخده الخداع
زليخه وجمالها اللى فتن
ضعفت أمام الشعاع
راحت تبرأ حاجتها
ف حضرة ملوكها والرعاع
................................
للشاعر / سامى ابو الغيط

مسحراتى ..... للشاعر/ فتحى خود

مسحراتى مغنواتى مطبلاتى
اصحى يا للى غاوى نوم
مش كل ليلة ح اقول وآهاتى
احنا فى شهر الصوم

اصحى يا بلال و يا محمود
واجعل بابك دايما مفتوح
نور طريقك بصدقة تدوم
وزكاتك للفقير تروح

اصحى وصلى ركعتين
وادعى للغلبان والمسكين
دا ربك قادر ومعين
يمسح دمعة الحزين

مسحراتى وراحت عليا
والسهر عند الناس ادمان
والطبلة وجعت ايديا
الكل على التليفزيون سهران

مسحراتى وفين ايا زمان
عمنا مكاوى واحلى الكلام
دا النقشبندى صوت جنان
ونيلى وفطوطه يا سلام

مش كل اللى صاموا صاموا
ولا كل اللى ملأ بطنه شبع
ولا كل اللى سهر الليل إقامه
نقول عليه ده ركع
..........................
للشاعر/  فتحى خود 

لمة الزمن الجميل .... للشاعر / حمدى توفيق

لَمة الزمن الجميل 
....................
لما كانت لينا لمة
كُنا ننادى تعالى يامه
ياللي حضنك كله حب 
ياللي ليكى أحلى ضمة
كُنا نتلم ك عيلة
كُنا نقعد كل ليلة
والحياه تبقى جميلة 
القلب يتصافى لاخوه
واللي يزعل يسألوه
الحلو ليه يزعلوه
أنت مالك أيه جرالك
أنت بينا خلى بالك
بينا لازم تبقى صافى
أحنا ليك حضن دافى
أحنا دايما عهد وافى
أحنا م الآخر حبايب
لو جيران أو قرايب
في الشدة أو في المصايب
كانت لمتنا جميلة
كُنا نقعد أحلى عيلة
وكل ليلة أحلى ليلة
وكل شىء كان بالأصول
واللي نفسه يقول يقول
حبة عرض وحبة طول
يلا نسمع ثومة تانى
فين زمان أروع أغانى
بينا ما حدش يعانى
والا صوت النقشبندي
أكل عَندك وأكل عندى
والأمور تتحل ودى
حمدى عادل حنا افندى
مينا بطرس  حاج صدقى
صوت كنيسة أو صوت أدان
أحنا أهل مش جيران
فينك يا أجمل زمان
لما كانت لينا لامة
كان ما بينا أحلى ضمة
............................
للشاعر / حمدى توفيق 
الأستاذ المصرى

فكرة ..... كلمات د/ رمضان قنديل

فكرة 
......
ييجى منين النور
لما الجناح مكسور
والخلق ....من ذلها
مدفونة جو قبور
رحلت سفاين الأمل
بينا.. وبينها بحور
ياهل ترى يا اهل النهى
ممكن يجينا النور؟
............................. 
كلمات د/ رمضان قنديل

اصحى يا نايم ... للشاعر طه ابراهيم

اصحى يا نايم
.....................
اصحى يا نايم وحدّ ربّك
صلّي وسبّح للرحمان
رمضان شهر عباده وصوم
طهر قلبك بالإيمان
تلقي ف قلبك دايما لوم
رافض دايما للشيطان
اصحي يا نايم فات كم يوم
اوعي يفوتك ف الغفران
يلا يا نايم قوم واتسحر
قوم ع المدفع والقرآن
بكره الصبح هيجي ويطلع
بص بعينك ع الغلبان
عود نفسك فعل الخير
طهر مالك بالإحسان
اسأل نفسك مره يا صايم
إيه الحكمه وليه رمضان
علشان تعرف معني الجوع
تسقي الميه للعطشان
قلبك يبكي لأي دموع
تفضل ليل ونهار حيران
تعرف إن المال لله
وان طموحك كان غلطان
وانك يوم الحشر لوحدك
فين المنصب والسلطان
فين المال اللي انت جمعته
فين المصنع والاطيان
فين الدنيا وفين شهواتك
ياللي ضميرك كان قحطان
فاكر مالك ممكن يرجع
وإن المال هيكون منصان
لأه يا عمي المال هيروح
إلاّ صيامك والقرآن
هو انيسك جوه ف قبرك
واللي هياخدك بالاحضان
اصحي يا نانيم وحدّ ربّك
صلّي وسبح للرحمان
..........................
للشاعر / طه إبراهيم

حكاوى المسحراتى .. للشاعر أبو مؤمن جوهر

  حكاوي المسحراتي
..........................
اصحى يا محمود
دا الخير موجود
و انت يا مسعود
قوم اتسحر
و انت يا حنان
يا وفاء يا إيمان
ادعي الرحمان 
و اذكري اكتر
يا بخيت يا شريف
يا ابو دم خفيف
صحصح يا ظريف
و بلاش تخسر
يا سعاد يا إيناس
ما تصحو الناس
كيدو الوسواس
الله أكبر
ما تقوم يا صلاح
دا التقوي كفاح
و العلم نجاح
للكون نور
دا الأجر كبير
و الخير كتير
على فعل الخير 
داوم و انشر
.............................. 
للشاعر / أبو مؤمن جوهر