ماشفتش فى جمالك حد ........ للشاعر / طه علي الدين

 

نصبت ف الفضا شرك ........ للشاعر / عبد الله الهواري

 

 نصبت ف الفضا شرك
طيرى ما حام  عليه
البنية بنت الجنية
شافتنى وانا بارميه
وعرفت  النية
اما الليل يليل
أروح  وانا  متأمل
ترمى  ريشها فيه
واما الصبح ينعاد
أروح بدرى ع المعاد
الاقى الريش منصاد
امسكه  واحضنه  بايديا
وقلبى دايب  دوب م الشوق
وهيا  بترفرف  ف السما فووووق
ومن فوق  بتضحك عليا
.. ......................
من ديوان
دمع مذكر سالم
ع الهوارى
   ......
الصورة من أرشيف  قصر ثقافة قوص

صوتى أدان ............... للشاعر / سامى ابوالغيط

 

مش فارق .... الشاعر / طلعت مجاهد

 

سكة سفر ............ للشاعر الغنائي / محمد محمود

 

سكة سفر

للشاعر الغنائي محمد محمود

ءءءءءءء

جايلك يابيضه يانبع الحنان

جايلك وحامل في قلبي كلام

رويتي بحبك سبيل الكفاح

جايلك وطالب منك السماح

في حبك سهرت الليالي الطوال

وشفت النجوم في عز الظلام

في حبك بعت الغالي رخيص

وشفتك بقلبي في وسط الغمام

جايلك وحامل مهر العريس

وفستان زفافك وريش النعام

وحامل لوالدك عمي خميس

جبه وعبايه وريحة نسيم

وجزمة ومرايه لعمي الحبيب

ومهما عطيته هيصبح كلام

ولكن حماتي أم قلب سليم

بحبك ولكن بعقلي السليم

جايلك يابيضه يانبع الحنان

وناسي المراره وتعبي الأليم

 

 

بستأذنك ...... للشاعر / رضا أبو الغيط

 

 بستأذنك
لو تُخرجى
من بين ضلوعى الموجوعين
من غير عياط
الوقت فات
وماعادش فاضل غير أنين الذكريات
قلبى اللى كان لك مرتعك
وتملي نبضه بيسمعك
ويسمعك أحلى الكلام والأمنيات
قفل البيبان
وابتدى عصر السُكات
وده من زمان
من يوم ما شافك
وانتى واقفه تكلمى ابن الجيران
على سلم البيت اللى أقرب يشتكى
من وقفتك وياه ساعات
وايديكى بتضم ف ايديه
وعينيكى بتشاغل عينيه
وما بين كلامكو ع الهوى
ميت ألف ميل م التنهيدات والتسبيلات
بستسمحك
لو تخرجى
من قلب رافض يسمعك
من غير كلام
وبلاش غرورك يخدعك
ويفهمك
ان الحلال راح يتفق ويا الحرام
لا عاد كلامك
يفرح القلب الحزين
ولا حتى لمسة شفتك
تحيي اللى مات
من معطيات همس الحنين
ولا دمعتك
 هتهز نبضى اللى احترم معنى الثبات
بستأذنك
 لو تُخرجى
من غير قلق
وكفاية عمرى اللى انسرق
وورد خدى اللى اتقطف قبل الميعاد
ماعاد يفيد
دمع العيون
ولا عاد يفيد كُهن البنات
ما عاد يفيد
تترجى قلبى يكون ملاك
ويصُر حزنه ف الوريد بعد الممات
****************************
رضا أبو الغيط

هترحل سنة .. وتيجى سنة ..!! ......... للشاعر / د. محسن الشرقاوى

 

 هترحل سنة .. وتيجى سنة ..!!
------------------------
✍ د. محسن الشرقاوى ✍
---------------------
وزى العادة هترحل سنة .. وتيجى سنة جديدة ترافقنا ..
بس ياريتها تاخد معاها كل الوجع من قلبنا .. وتفتح طريقنا ..
بس ياريتها تاخد معاها .. ذكرى ألم .. رافض فراقنا .. !!
بس ياريتها تاخد معاها .. سواد القلوب واللى مضايقنا ..
وكل اللى عامل نفسه حبيبنا .. ولابس وشوش بتضحك علينا ..!!
ياريتها تكون نهاية شجن .. وبداية حلوة .. وشمس تنادينا ..
مش عمر ينقص .. وأحنا لسة فى حالة ضياع وتوهة سفينة ..!!
***********************************************
يارب حمدتك ع الماضى اللى كان .. بكل اللى فيه ..
يارب رضاك هو الضمان .. وبر الأمان .. بنرسى عليه ..
وإن كان عبادك أخدهم غرورهم .. ف عالم سفية ..
ردهم إليك .. برحمتك وفضلك .. ودعوة فقية ..!!
طمعنا فى عفوك .. طمعنا ف كرمك .. يارب الأنام ..
وكل عام .. وكل البشر .. فى صحة تمام ..
وكل عام .. وكل البشر .. فى خير وسلام ..
هترحل سنة .. وتيجى سنة .. بحلم ومنى ..
والله أعلم .. أية اللى باقى من عمرنا .... ؟!!
هترحل سنة ..!!
         شعر
---------------------
✍ د. محسن الشرقاوى ✍
---------------------

سنة وفرض ...... للشاعر الفنان / أشرف سعد

 

رغم الرحيل .... بقلم / فاطمة عقل

 

تعالوا نعيش بالمعروف ... بقلم الخال الفنان عصمت البيلي

 

موش هاقول
عام ٢٠٢٠ او ٢٠٢١
لكن هاقوا
كل عام وانتم دايما طيبين
(تعالوا نعيش بالمعروف)
-------------
بلاشْ نبُص لورَّا
وندور إييه جراَّ
ومين باَّاااع
ومين إشترَّا
ومين طبطبْ
ومييين إفترَّا
خلونا موالِيد اليُوم
خلُونا نعِيش اليُوم
اليوم!! اليوم!! اليوم
*
وبلاشْ
نُحفُر فى الماااااضيْ
ونعِيش حياتناَّ عاديْ
ونسامح إلليْ
كااااان ِف الشر باديْ
لولادكم وولاديْ
علشااااانْ نقدر
فى البحر نعُومْ
*
ونطَيبْ جرحِنا
ونعلقْ لفرحِنا
زينات على سطحِنا
من مساااناَ لصُبحِنا
ونقُول لليْ زعلنا قُوم!
خُودنا بالأحضان قُوم
*
ونعِيش بقهْ
وكِفااااااايهْ
(التفكير فى النهايهْ)
(التفكِير فِى النهايهْ)
ونخليْ
النهاردهْ البدايهْ
النهاردهْ البدايهْ
علشان الحْب يدومْ
علشاااان العٍز يدُومْ
*
وإحنا
وإحنا
مهماَ عيشْنااااا ضيُوف
خاضعِين لكُل ألظُروف
(طيبْ ليهْ الخُوف)
(طيبْ ليهْ الخُوف)
تعالُوا
نعيشْ بالمعروُف
تعالوا
نعِيشْ بالمعروُف
وربناَّ عندهْ الخِير بالكُوم
وربناَّ عندهْ الخِير بالكُوم