حرف ورد . سجال الشاعر / عونى هشام والشاعر / سعد البنا

 

 

حرف ورد

بين الأستاذ الشاعر /

عوني هشام

..... و .....

سعد البنا

==========

سعد البنا

#أسئلة 

أنا عقلي صغير على قدي

والفكر بتاعي محدود

لـ انا ضدك ولا شايفك ضدي

أنا بسأل محتاج لـِ ردود

هل فعلاً موجود حريه 

وعدالة وحاجات من ديه

ولا مابينا وبينها سدود؟؟؟؟

مصر حبيبتي أم الدنيا

مدت إيدها لطوب الأرض 

طاطت نامت صبحت عميا

هل بمزاجها ولا ده فرض؟؟؟؟؟

وانا من صغري إتربيت

إن بلدنا كبيرةْ البيت 

تحمي أخواتها تحاجي عليهم

تنهض تعلا تكبر بيهم 

طيب ليه دلوقتي ياسيدي 

فـ الأزمات تتحجج بيهم؟؟؟؟؟

طيب مين الطرف التالت

إللى قسمنا وخلا أخويا عدوي الأول 

خلق اتحطت خلق اتشالت

خلق تقول حـ نعيد مـ الاول

هو صحيح في العالم كله

ليه تصنيفنا #العالم_التالت؟؟؟؟؟

==========

( عوني هشام )

انت سالت وعندى جوابك

كل كلام له برضه ردود

اول سطر لقيت ف كتابك

ان تاريخنا اصيل بجدود

بس الهم اتحط علينا

وشفنا الشيخ عبد .. المولود

بس يا عم حكايه كبيره

سمعتها م الشيخ عب موجود

عنده ربابه وكان بيغنى

عزفه جميل اوى كان ع العود

ان النهضه ما كانت سد

ولا باب حاره سده عامود

عملنا النهضه زمان بحضاره

عملتوا النهضه اليوم بسدود

سدوا عقولنا مع تفكيرنا

وفواتير ميه ماليها وجود

والكهربا زادت بالميه

نفسى زمان والله يعود

البنك الدولى عالم زره

وزراته بتهد الاخدود

عندنا فكر كتير مع علما

هاجروا بلدنا ورفضوا العود

اصل روتين عقلنا هنا صاحى

واخد الكرسى صلا وسجود

وجاى تقول لى كبيرة البيت

والله يا عم انا اتخضيت

قطر العظمى صاحبة فيتو

ومصر خلاص هتربى قرود

ده تفكيرهم طبعا يعنى

حاسب طيب عندى شهود

زملا وعارفين اصلى وفصلى

وقت الجد انا جندى حدود

لكن واجب يوم تسمعنى

عشان ياجى بكرا يوفى عهود

وانت بحكمه اكيد تجمعنا

ونحلم باليوم الموعود

قلت كتابك شفت جوابى

عايز تانى منى ردود ؟؟؟

==========

( سعد البنا )

طيب ماشي تعالا معايا

نتعمق ف أصول دي حكايه 

و خدني ياخال على قد هوايا

انت جوابك مش مظبوط

تعرف ليه؟ أصل القصه كاتبها يهود

عارف الأب الروحي تيودور؟ 

إللي مأسس بني صهيون

عاش أيام وسنين في جُزر

يوضع خطة وكان ملعون

أول بند ف خطته يجعل

عقل المسلم من دينه يخجل

ويكون تابع مش متبوع!! 

بس إزاي يتحقق حلمه؟

قال هنفرق لجل نسود

عقل يهود!!!!

بعد ما مات اتحقق حلمه

و بقالنا جامعه عربيه 

قولنا وقال وانا رافض ديا

زعيق وخناق ماتقولشي تكيه!

تورته ف إيد حبة حراميه

و الأتباع صبحم حكام

بعد شويه 

أعمل سني واعمل شيعي

وخلي صراع دايماً شغال

واعمل كام فتنه طائفيه

والأقباط ضد الإخوان 

سلفي بيكره الوهابي

فجأة المسلم بقى إرهابي

وساد الجهل ف كل مكان

حلم تيودور نصه اتحقق

ناقص تكه ويكمل حلمه

هنهي كلامي بالمضمون 

لما ثوابت دينا تهون

يبقى السيد بني صهيون

==========

( عوني هشام )

هامشى معاك ولاخر الخط

واى محطه معاك هانحط

كل حروفنا وع المكشوف

لا ببلطجه ولا هاعمل خُط

قلت جوابى مش مظبوط

وحروفى سبحه ماسكه خيوط

العيب اصلا فينا وبينا

دى كانت لعبها وفيها مخطوط

ان المسلم ياكل المسلم

ومفيش حد يعيش او يسلم

وتقوم حرب رحاها بعيده

وعشان تهدى لازم تحلم

بنى صهيون معروفه يا صاحبى

فرق بينهم تبقى السيد

لحد ما اخويا يحفر لحدى

وهوا يشجع ويقول جيد

فى ناس منا مشت وياه

وفى ناس برضه عارفه هواه

يلعب بنلاعبه باسلوبه

وبكرا اليوم اللى اتمناه

بكرا الغافل يصحى يفوق

بكرا يقوم ويفك الطوق

شوية صبر معاها عزيمه

فى لحظه يكون بايدينا مخنوق

واحنا لازم الهمه شويه

نصحى يا عم ونمسك دينا

مش هتلاقى ساعتها تكيه

لو بالحب الله هايعينا

الحكام دول سيبك منهم

ندعى المولى يارب يعينهم

او يمحيهم نرتاح منهم

ونرفع راية المسلم دينا

مش هانقول مسلم ومسيحى

كله يعيش فى امان وسلام

تعلا بلدنا ونكبر بيها

وتعلا معاها راية الاسلام

ساعتها مفيش وهابى وشيعى

ولا خوارج خارقه الدين

خريف العمر هايبقى ربيعى

ساعتها هانكسب دنيا ودين

بنى صهيون هاتكون نهايتهم

لما نوحد بس رايتنا

قلت وقلنا كتير حكايتهم

هتكون ماضى لو جيبنا سيرتهم

عيش بتفاؤل وارسم بكرا

احزر اوى من كانوا خانوك

بعض كلام بتكون فيه فكرا

وبعض كلام فيه سم لابوك

عايزين نعلا ونرجع تانى

نعيش بالحب ونحلم بيه

بس مايبقاش فينا انانى

يهد جدار انا وانت بانيه

=========

( سعد البنا )

صح لسانك هيا الوحدة 

اللي تخلي العزه تعود

بيها هنقطع جدر الخاين

نمحي اللي مايتسمو يهود

وف لبنان والقدس وسوريا

راح نسترجل نبقى أسوُد 

ونلاقى الأطفال بتغنى

لنبينا الغالى المحمود

والبحر الميت يتنفس

يعنى هيبقى دا يوم مشهود

والعربى ف افريقيا واسيا

يمشى طريقه مش مسدود

صح لسانك هيا الوحده 

بس لابد تكون ف ضلوعنا

مش شعارات بكلام محدود

========

( عوني هشام )

ياعم البنا استنى اسمعنا

حرفى وحرفك طوبه وبنا

تعالى نكمل بس القول

كل حكايه وليها نهايه

واحنا حالتنا طويل مفعول

نكتب كلمه نحكى واقعنا

يرد يقول مرسل منقول

حد يرد عليا يا ساده

مين فينا فاعل مين مفعول

مين فينا فاعل مين مفعول ؟؟؟؟

========

سعد البنا

إحنا فعلنا فعل الفاعل

لجل نكون بسهوله مفعول

طبعاً فاهم مغزى كلامي؟ 

مش محتاجه زياده قول

لو صممنا ف يوم راح نفعل

ونكون فاعل مش مفعول

مش فلسفة وسياسة طاطي

لجل ما يرضى علينا الغول

تعرف لو خدناها تحدي

برجل المعزه هنغزل نوُل

===========

( عوني هشام )

رجل المعزه رجل حمار

سن قلمنا سلاح بتار

حبر حروفه طلقه بطلقه

وقت الجد يولع نار

كل كلامنا من افكارنا

طالع نازل كالمنشار

بنعيش واقع نكتب عنه

ليه اتخبى خلف جدار

عايش حر واكلى ف بيتى

لا كنت مطبل او زمار

كله مغمض عينه وشايف

خايف حتى يهش الفار

وواحد تانى يخاف م القطه

يكش ف نفسه من الصرصار

كل حياتنا كتاب مكتوب

فيه بالثانيه ودى اقدار

ليه اخاف منك وتخاف منى

عايزين فكر جديد وقرار

يعيش الواقع يحلم بكرا

يمحى الضلمه نعيش فى نهار

تعلا بلدنا ونكبر بيها

وترجع تانى مزار ومنار

نبنى الهرم الرابع احنا

علم ونور ملفوف بازهار

اما الخونه سيبك منهم

دول فى محطه ماليها قطار

———

عوني هشام

#سعد_البنا

أحبك ....... للشاعرة / د/ نيفين مطر

أُحبك

أُحبك في سري وفي علني

ولا أخجل من حُب.. يأسرني

تحتل كياني...أنفاسك تسكنني

تُوقد أشواقي ..جمراً يُشعلني

تتوسد أضلعي... كبحر يُطفئني

نبضاتك بشرياني.. فأنت مني 

أيكون لي حياةً دونك؟

بربك خبرني!!!

بقلمي د/ نيفين مطر

أنا المصرى . للشاعر / حسن عبد المنعم رفاعي

ديوان شاطئ هواك

================

أنا المصري

=============

أنا مهد الحضارة ونور الأمم

أنا أحمس عبر كل العصور

انا القلب الجسور

أقف صامدا كالصخور

احرس وطني من كل طامع او غدار

شايل كمان على أكتافي

هم أخواتي من زمان وصابر

مصر يا أمي الحنونة

انا ابنك

ارتويت من نيلك

نبت في أرضك

ترعرعت من خيرك

وبيدى احرث وازرع فى أرضك

ارويها بعرقي واحميها بدمى

انا الاسد الجسور

واقف كالسد المنيع

امام كل مغتصب وغازى

اجهر باعلى صوتى على الملاء

بكل شموخ وعز وافتخار

بحبك واشدو بحبك

واقول مصر امى

هى عشق كل وطنى

منذ الازل والى الابد

====== .......... ======

همسات الشاعر الحزين /

حسن عبد المنعم رفاعي

اسمرانى ..... للشاعر / سمير بحر

اسمرانى 

***&***

اسمرانى ملك روحى 

ضحكة جنان داوت جروحى

هزت أوتار قلبى ونوحى

ياعشق عمرى بعطرك فوحى

يا عبير حياتى وبلسم روحى

بشوف فيكى جمال ملامحى

خصال نوبية بقلب فرايحى

نقاء وصفاء تملى تسامحى

جمال النوبة فيكى افرحى

املى الدنيا غنا وامرحى

لونك سمار و قلبك عمار 

كل النفوس تشرحى

****&****

سمير بحر

ابن الشيطان رعب ......... من خواطر / محمود رمضان

خواطر محمود رمضان  

مقدمة من فكرة فيلم 

ابن الشيطان رعب  

عندى سؤال  

هل ممكن إنسان بسيط عادى مطحون فى هذى الحياة صوتى يوصل لى منتجين وصناع السينما فى مصر هل هايجى وحد يسمعنى هل هايحى يوم وتخرج لى النور هل ها يتحقق الحلم الله اعلم 

&;كاتب افكار بسيطة فيها مواضيع ممكن تحدث داخل المجتمع كاتب فكرة او قصة اسمها ابن الشيطان قصة رعب لم أشاهد فليم مصرى رعب على مدار تاريخ السينما المصرية لم أشاهد فليم حقيقى رعب مصرى هل هى قلة امكانيات رسالة لى عملاقة الإنتاج فى مصر عيب يكون فية منتجين عظام زى حضرتكم ولم نشاهد فيلم رعب مصرى التاريخ ها يسجل كان يوجد مجموعة عظيمة من أفضل المنتجين فى مصر والشرق الأوسط ولم يتم إنتاج فليم رعب يستحق المشاهدة فى السينما المصرية ارجو الاهتمام لى هذا الموضوع

((قصة ابن الشيطان)) قصة تجمع بين صراع الحب والحياة فيها أحداث حقيقية وأحداث من الخيال صناعة السينما بتعتمد على الخيال والابداع ها كتب بعض السطور عن فكرة&nbsp; مقدمة من القصة طبعن الروية غير واضحة و القصة ليها أبعاد كثيرة وفيها خيال بلا حدود<br>

البداية 

بدور احداث الفكرة فى منطقة من مناطق القاهرة الكبرى تبداء الحكاية فى هذه المنطقة بقصة حب تقع بين بطل الحكاية أحمد وبين اتنين اخوات ليلى وعبير اخوة يعشون فى أسرة واحدة مكونة من اب وأم وليلى الكبير وعبير أصغر من ليلى بثلاثة سنوات وليهم آخر صغير عندة حوالى 12 عام دلوعة الأسرة والذى لا يرفض لهو طلب الأب مبسوط عندة تاجرة اسرة مرتاحة لا يوجد عندهم اى مشاكل أما أسرة أحمد الأب انسان مريض وآلام ربة منزل لية أخت أصغر منة وهى دة أسرة احمد أحمد الكبير تخرج من كلية التجارة ويعمل محاسب عند أبو ليلى وعبير انسان طيب محترام لا يعرف الحقد ولا الكراهية ولا الطمع كل همة فى الحياة ان يسعد اسرتة كان أحمد هو الذى يصرف على الأسرة وهو المسؤول الأول عنها شاب بيحاول يجد لهو مكان فى المجتمع بعرقة ومجهودة من كتر الطيبة الموجودة داخلة كان أبو ليلى وامها يتمنا ان يتزوج أحمد أحد البنات وبفعل كان أحمد قلبة يميل إلى عبير الصغيرة رأى فيها فتاة احلامة التى كان يتمنها لم يشعر بى ليلى ولاكن ليلى كانت تحبة حب بى جنون لم يقدم أحمد ليلى اى شى يسبت حبة لها كان يتعامل معها عادى جدن لن يدق قلبة ليها فى يوم من الايام ولاكن كانت تعتقد ليلى أن أحمد يحبها لاكن كان أحمد قبلة متعلق بى عبير شايف أنها ستكون زوجة المستقبل عبير كانت أجمل من ليلى كانت رائعة كل اللى يشفيها يتعلق بيها وكان هذا الموضوع عامل لى ليلى مشكلة لان كان يتقدم لى عبير عرسان كتير وكانت ترفض كان والاب والأم مفكرين أن أحمد بيحب ليلى لم يتوقع أحد ان أحمد يحب عبير وعبير تحب أحمد كانت النظرات هى التى تفضح هذا الحب كان أحمد متردد يتكلام مع الأب خايف لا يفكر انة طمعان فية وكانت ام ليلى وعبير تقول لزوجها كلمة انت مش عيب الولد كويس لحسن يضيع من ايدينا واحنا اللى مربينة وعارفين اخلاقة كويس وبفعل تكلام الأب وقال لى أحمد اسمع يا ابنى انت عارف انى بحبك وبعتبرك زى ابنى وانا بصق فيك وبعتبرك زى ابنى ورمى الحكاية كلها عند أحمد الأب بيكلام على ليلى من شدة الحرج اللى كان فية أحمد قال لهو انت زى وأبو واللى انت شايفة انا موافق علية كان كل كلام الأب عن ليلى هى الكبيرة هى اول فرحة لى ولاكن لم يستمع البطل لكل هذا الكلام لأن بى مجرد ما الاب فتح الكلام سرح أحمد فى عبير ولم يلتفت لى كلام الأب بمجرد ما خلاص الاب الكلام قال أحمد انا موافق ذهب أحمد وكلام اسرتة التى فرحت كثير لى هذا الخبر السعيد تم تجهيز كل شى علشان يذهب أحمد وأسرته إلى أهل العروسة كان اب البنات اجتمع بى ليلى وفهمها ان أحمد واهل هاجى علشان يخطوبها فرحت ليلى بهذا الخبر وكانت هذى اللحظة اهم لحظة فى حياتها كلها لأن كان أحمد هو فارس أحلامها لم عرفت عبير الخبر زعلات ولاكن لم تظهر ملامح الغضب على وجهها وابتسمت وقالت لى أختها الف مبروك وجات اللحظة المنتظرة وصل أهل أحمد إلى بيت اسرة العروس وكان أحمد مفهم ابوة انة بيحب عبير علشان لما يتكلام يتكلام على عبير وبفعل قال أبو أحمد لى أبو العروسة اليوم أسعد يوم فى حياتى انى أشوف ابنى عريس وفرح بية وشوف اولادة قبل ما أموت اليوم هو أجمل يوم فى حياتى وقال لى أبو العروسة احنا جاين علشان نطلب ايد بنت عبير لى ابنى أحمد كانت هذا الكلام صدمة لى اسرتة العروسة وليلى بى الأخص كانت صدمة منعت الوجوة من الابتسامة ولم يعرف الأب ماذا يقول غير انة موافق ومن هنا تبداء أحداث أخرى مليانة بى الإثارة هذى الاحدات هى الأقرب إلى الواقع الذى نعيش فية ممكن تحدث مع أشخاص كثيرة موجودة داخل المجتمع لأن اتكلام عن الأحداث الخالية الموجودة داخل الفكرة لأنها من صنع خيالى يتحول فيها الحب إلى حقد وكرة وانتقام سوال ماذا تفعل ليلى بى اختها وحبيبها وما هى طريقة الانتقام <br>

انتظرو وأحداث 

باقى الحكاية

إثارة تشويق

خواطر محمود رمضان

عروس الفجر ..... للشاعر / حسن يحيى لمداني

عروس الفجر

شعر/ حسن يحيى لمداني
....................

في / مآقيك / بساتين الحبور 

باسمات الثغر في وجه الزهور

كلما حطت على فيك الطيور 

أنجما .. زادتك إشراقا ونور

وحدك أنت عروس فيك أوصاف حسان

زاهيات مشرقات .. عاقلات ذو اتزان

فارعات باسقات ساريات في العنان

ناسجات من عروق الشعر أطواق البيان

عشقك الرفاف في الجو المطير 

واحة غنآآآآء ذو وجه خضير

والندى في كفك الجذلى عبير 

مثله هيهات في الدنيا نظير

أنت أغلى من بنوك أو كنوز أو ذهب

أوقصورناطحات السحب نبراس العجب

هن شيء ذو تلاش لسن شيئا مكتسب

من معان يانعات في عناقيد الأدب

إعزفي للورد ألحان الصباح 

طالما فيك الهوى خيل وساح

واستمري ثورة ضد الجراح

والخطوب السودوالحمرالرياح

قصه وقصيده أميرة القصر .... بقلم / زغلول الطواب

قصة وقصيدة

أميرة القصر

بقلمي

زغلول الطواب

......................

أميرتي 

يَقُولُونَ إِنَّكَ أَمِيرُة عصرِك تَتَعَال وتتغال بطلب مَهْرُك مِن العلالى تَنْظُرِين عَلَى شاطئي نَهَرِك 

تتخيلين إنِك أميرة فِى الْإِمَارَة لَا تضاهيكِ الْبَهَاء أُنْثَى مِن نَسْلُك حَتَّى الْقَمَر بِالْكُسُوف يتوارى ويَخْجَل حِينَمَا تبتسمين يضيىء بِالِابْتِسَام وَجْهَك عَبِير الْوَرْد يَذْبُل وَيَبْقَى أريجِك فَوّاح مِنْ حَوْلِك كوردة في بستان يعج بأجمل العبير والألوان ولكن لعبيرك أريج فتان ولبهائك صفاء ونقاء يسر الناظرين إلى غصنك أما عبيرك فواح بأجمل العطور يتنسمه القاصى والدانى كُلَّمَا مَرّ بقصرِك 

أميرتي 

سَاحَة الْفُرْسَان تَشْتَعِل بشغف القلوب تحتدم يُصْرَع هَذَا وَيَقع ذَاك الكل مَآرِبِهِم الْفَوْز بوصلِك وأنت تَنْظُرِين مِنْ شَرَفِه الْقَصْر تنتظرين الفَارِس المغوار لطلبك الَّذِى تَرُوقُ لَه نَفْسِك ويرق له قلبك الْكُلّ صَرْعَى إمَام عَيْنَك مَتَى يَأْتِى خيالِك ليخطفك فوق حصانه الأبيض لِيَقْدَم لَك قلبه لمَهْرُك تُشْرِقَ الشَّمْس كل صباح وَتَغَرَّب كل مساء وأنت في حالة إنتظار لصاحب القسمة والنصيب لمن يدق له قلبك طَال يَا أَمِيرُه انْتِظَارُك الْفَوَارِس تتهاوى فِى الْمَهَالِك وَأَنْت تَتَعَالَ وتتغال بطلب مهرِك 

إلَى مَتَى تَظَل دَائِرَة السَّاحَة مشتعله بالعشاق المغرمين قِدَاحَه قلوبهم كالبراكين. وَكَأَنَّهَا سَاحَة للمعارِك تَشْتَعِل مِنْ أَجَلِك 

الْكُلّ أَجْمَعَ عَلَى إنفرادِك بِالْجَمَال كالملاك بَهَائِك 

تَتَبَاهَى أميرتى بطول قوامك وبنعومة كلامك وجمال وطول شَعْرِك الذهبي كشعاع شمس الصباح 

قوامك كَغُصْن أَلْبَان قدِك المياس يعتلى خصرِك بكل مقايس الجمال الأنثوي 

لَا أُنْثَى بَيْنَ الْبَشَرِ تضاهيكِ فِى جَمَالُك ولذلك ولكل ما سبق ومن أجل أن أسرق قلبك حتى لو كان الثمن مصرعى على باب قصرك يكفيني أني شهيد غرامي لعشقك

فأَعْلَنْت التحدى عِنَادًا لَا أُبَالِى الْمَوْت صَرِيعًا 

عَلَى أعتابِك مأربى هَدَف وَصَل الْوُدّ بجمالِك 

حَدَثَت نَفْسِى أَن أغامر بطلبك. وَإِلَى السَّاحَة امْتَطَيْت أوراقي شَاهِرًا قلمى لوصفك وَاصِفًا بِالْعِبَارَات جَمَالُك 

جَلَسَتْ عَلَى ضِفاف نَهَرِك أتغزل بِالْكَلِمَات وَالرَّسْم حَتَّى أَنَال رضائِك وأكون الفارس الذي وقع أسير حبك جرفنى الْمَوْجُ إلَى مرساكِ لمحتِك تبتسمين بشفاهِك تَبَخَّر الْعِنَاد مُتَنَاثِرًا كالندى يَتَوَارَى متبخرآ حِينَمَا تُشْرِقَ الشَّمْسُ سَاطِعَةٌ شُعَاع الْأَمَل نَبَت بإشراقِ جمال وجهك

إعترانى شَوْقي الجامِح لِلْوُصُول لدفء قربك

تسلقت بعشقى أسوارِك رصدونى حَرَاس قَصْرِك بِسِهَام النِّبَال رشقونى خَارَت قواى فَوَقَعَت مترنحآ إقتادونى أميرتي إلَى قَصْرِك 

وَأَنْت تَنْظُرِين بتعال وكأنك قمراّ في السماء بضيك أَلْقَوْا بِى بغلظه فِى النَّهْر أصارع الْمَوْت من أجلك أتلقف أنفاسي أستجديكِ عطفآ لتلتمسِ لِى عُذْرًا فَأَنَا مِن يُغامِر بِالْقَلْب وَالْجَسَد لأنال شَرَف رضائِك دنوت نَحْوِى مُسْرِعَة زَاغ بُصْرَى بضياء وجهك ظننتِك شَمْس النَّهَار بازغة قمر الليل ساطع فَكَان ضِيَاء وَجْهَك ماحيآ ظَلَامُ اللَّيْل الحالِك حَطَمَت قيودى سَالِكًا دربِ حزرونى حراسِك مِن الْخُطَى نَحْوَك لَم أُبَالِى التحذير رَاغِبًا وَصَلَك امْتَطَيْت جَوَادٌ الشَّوْق طَائِرًا سَابِحًا أصارع أمواجِك 

وَمَا إنْ الْتَقَيْنَا فتقابلت أَعْيُنِنَا بسحر الحب سَبَّحَت كالغواص فِى نهر سِحْرٌ عَيْنَيْك 

حِينَمَا دَنَوْت بهمسى إلَيّ أعماقِك تنازلت عَن التعال والتغالى ونسيتى غَلَا مَهْرُك وَكَأَنَّك يَوْمًا لَم تَغَالَ بمهرك فأقبلتى إلَى تتسائلين كَيْف اِعْتَلَيْت أَنَا عَرْشِك بِقصائد أشعارى كَيْف مِلْكت قَلْبِك

أجبتك بقصيدة ( أنت دون النساء عشيقتي )

غَازلتُ كُلِ النِسَاءْ

بِقصَائدِ أشعَارى

السمراءُ منهُنَ والبيضاءِ

والخمريةُ والشقراءِ

والقَصِيرةُ والهيفاءِ

فكلهُنَ نِجُومْاً

يتلألأنَ ف السماءِ

أما أنْتِ حبيبتى

قمراً ضياؤه

يمحو الظلماتِ

فشتان حبيبتى

بين القمر والنجومِ

فهن كثيرات 

أما أنتِ 

من تسكن أعماقى

كُنتُ لِهُن بحْرآ

بالزُبدِ متدفقُ الأمواجِ

يسْبَحْنَ فيهِ الكثيرات

فَيَمْرَحْنَ بالطَربِ

ويتغنين بالآهاتِ

منْهُنَ من تتَراقصِ

على أنغَامِ ألحانى

ومِنهُنَ

من تَسْبحْ بَعيدآ

إلى حَدِ الغَرامِ

ومنهُنَ

من تُحَاوِل الغَوصِ

إلى أعماقى

ومنهن من تداعب 

بمهاره الأنثى أمواجى

فأترفقُ بِمْن تغرقْ

فأنْتَشلِها حتي لا تعلق

وأُدَاعبُ مِنهُنَ المَاهِراتْ

بِنَسائمِ الكلمات

فيَخفقُ قلبِها بالآهَاتِ

فَتنْعمُ بالسباحةُ قليلاً

ثم تعود كما آت

أما أنتِ حَبِيبَتى

لؤلؤةً تسْكنُ أعمَاقى

أنتِ الحَبِيبه

أنتِ عِشق فُؤادى

أنتِ دُونَ النِساءِ

عَرشُ مِحْرَابى

أنتِ سِحْرُ العِيون

إنتِ السكنُ الهَادى

أنتِ مَنْ بِها أنا مَفْتونْ

أنتِ ليلى وأنا بكِ مجنون

إنتِ مَنْ تَشْتَعِلُ

لغيابها أشْوَاقِى

أنتِ الدُرِ المَكْنُونْ

القابِعُ فى أعْمَاقى

حتى آبان السكون

حبيبتى

لا تُسَاوِركِ الظُنونْ

فقلبى يَهْوَاكِ

أنتِ القَمرُ

وكلِهُنَ نُجومْ

لِتَلألِهُنَ لا تُبَالى

فَحِينَ أبْتسِمُ 

يَبْتَسِمنَ جَميعَهُنَ

فلا يَأخُذنِى الإبتِسامُ

إلى خَفَقَانِى

وحِينَما أفِيضُ بالهَمْسُ

تَتَرَقْرقُ قُلوبِهنَ

فلا يَرقُ لِضَعفِهُنَ وِجْدانى

فَما مِنْهُنَ إِمْرَأةً

رَافقتْ لَحْظه خَيَالِى

أمْا أنتِ حَبيبَتى

حِينَما تَبتَسمِين 

تَبْتَسِمُ الدُنِيا لأحْلامِى

وحِينَما تَهمِسِينَ

تَرْتَعِد للهَمسِ أوصَالى

وحينما أنظُرُ لِعينيكِ

يأخُذنى سحْرَهُما

إلى عالم الغرام

فهل يَتَسِعُ القلبُ لِغيركِ

وأنتِ مَنْ تَملُكهُ

بِعَقداً مُوثقًِ بِإمْضَائى

حَبِيبَتى

نِساءُ الدُنيا

كما نُجومِ السماءِ

حوْلَ القَمرِ

فَمَنْ حَبِيبتى أُنَاجِى

النِجُومِ أمْ القَمر

فهل النِجْوم مهما تَزِيَنتْ

وتَلألأتْ وتَرَاقصتْ

لِضِياء القَمْرُ تُضَاهِى

البُسْتانُ يَعِجُ بِالأزَهارِ

أمْا أنتِ حَبِيبَتى

الوَرْده الَتِى نَبَتتْ

وأرْتَوتْ مبحنين أشواقي

تَفوحُ بالعَبيرُ

فأتنسمُ عَبقُ العِطورِ

فهل الأزهارُ بِعَبيرِها

كالورده التى تَجُودُ بالعِطرِ

مَررْتُ بِممْلكةُ النِسَاءِ

مِرُورَ الكِرامِ

لم تعلق أيآ منهن بوجداني

حبيبتى 

لا ضَروره للإنْزِعَاجِ

فَوَاثِقُ الخِطْوةُ

لا يُبَالِى

فإعْلَمِ حَبِيبَتِى

أنتِ دُونَ النِسَاءِ

عِشْقِى وغرامي

غفت عينيك وكأنك تحلقين في فضاء الغرام كأنك تستمعين لأعذب الألحان 

كأنك طيراّ يرفرف في فضاء الغرام والعشق وقع في الحب فأسكره همس حلو الكلام فيتراقص قلبك بدقاته داخل صدرك

أميرتي

ها أنا بين يديك مسالماّ كنسيم الصيف رقيق المشاعر والحس عاشق لوصلك بعنف أريد عناقك أقبل شفاهك لأرتو بمذاق رضابك حتى الثمالة دون الخمر 

الأميره : فارسي المغوار أنت من كان له القلب أسير وأنت الذي سكنت الجوار أقترب إدنو مني لأتذوق مذاق الإنصهار 

فكان لعناقنا الإحتدام حتى تبسمت وقالت بهمس الدلال يا لك من عاشق علمني كيف يكون الحب والغرام حتى نسيت من أكون أنسيتني أسمي والعنوان هنيئاّ لك أميرة القصر يا صاحب الأشعار والقلب الذي تملكني بإنبهار

بقلمي 

زغلول الطواب

الضمير.....للشاعر / عادل داودعسكر....

 

الضمير.

......

لمابيموت..الضمير.بتموت معاه..........حاجات كتير

لما بيموت .....الضمير تضيع الامانى ويضيع المصير

والكون ده ليه رب.والحساب قادم.من....ربنا..القدير

والكل عارف إن آخرتها..........متر فى متر مش كتير

اوعى تفكر انك مخلد فى....... الكون.ده جهل تفكير

عمر الارض ملايين السنين..وعمرنا مهما طال قصير

لكن ديما واخدنا.شيطانا..بالغرور وللسما........يطير

الضمير حاكم.مش المحاكم.الضمير..هو.......البصير

وإللى ضاع ضميره..ضاع..منه...اكبرشئ.......خطير

الاخلاق والإنسانية.صوت الضمير.وبالخير....يصير

الضمير نور ظلام.زى البدر...فى السما...ساطع منير.

الضمير شمس تنشر نور ودفا ووفا....وبالحب خبير..

الضمير عداله استحاله تحيد..أو تزور...فى التفسير

.............................

كلماتى....عادل داودعسكر......

يا هندسة ......... للشاعر الفنان / ايهاب السقا

فن البوستات .. للشاعر / محمد زايد

  فن البوستات

.................  

مجله فيها نجوم مقامات

فيها كمال الفنان للبوستات

وسحر الصيدلي بتقول مقامات

وكواكب من الأقطار

بتعبي قطار الكلمه والأشعار

فيها نجوم بتلمع تتلألا

فيها أشجان وفرح وعذابات 

مجموعة فن البوسات

الله ع الصحبه فيفيان

وأنهار فيها اللفاف

والسحماوي زعيم الحرف

الكلمه الحلوه عفاف

والطله بتسلم علي فريال

وأميرة الطله شقير

وأميرة الحرف يامحمود

يا كمال يا زعيم فن البوستات

إكتبني حروف علي بوستاتك

اوعدني راح اسلم علي خالي

يا عصمت ياكل حياتي

ياه مجموعه ترد الروح

من صيدلي لاخر ماتروح

والله معاكم باسعد وترد الروح

......................

للشاعر / محمد زايد