جودي علينا
جودي علينا يا دنيا جودي
اوعي تخبي تكسري عودي
بلاش تحطي عليه وتزيدي
انا أصلي لسه يادوب بخطي
ولسه بحبي ماشي في دربي
مع اني ببدأ وعمال بعبي
حملك شويه أنا ايه ذنبي
اني امنتك واعطيتك الأمان
براحتك عليه رجعيلي زمان
..............
ايام ما كنا في بيت وعيله
تجمعنا الأصالة طيبه رجوله
وقلوب تقيه وناسها عافيه
متجمعين صغير وكبير
الاب قاعد حواليه ولاده
الام جايبه حلة الملوخيه
العيش مرحرح يكفي 100
والكل ياكل يشبع ويفرح
البركه زايده واللمبه ٱيده
والسهر تحلي مع شاي وراكيه
دفايه يدوي بحطب ومسكه
قاعه دافيه شرحه وبرحه
امي واختي بحجاب وطرحه
................
اسرح معايه شويه زمان
نفكر شويه براحه وامان
عيشة جدودنا ايام زمان
احسن معامله مع الجيران
بيوتنا واحده مفتحه الببان
ف اي مناسبه الكل بشارك
..جاي يهني فرحان وبارك
كأنهم عيله و ليهم كبير
عاقل رزين صاحي الضمير
الكلمه سيف صغير كبير
الشوره شورته والكل عارفه
مع أنه امي وعلامه مش كتير
كان عنده عقل يحسن التدبير
ودي صوره واحد من حجات
في المعامله بين العائلات
عادات جميله افتقدناها
يارب ترجع نعيش معاه
ا
ليست هناك تعليقات:
إرسال تعليق