ترعه وعروسه
وحصان خَلق
وعيون صبيه متكحله
بحلم الورق
وخيط من النور اتخلق
أم الصبي شايل
على كتفه دراعين
لشنطه من كوم خَلق
الملامح تايه حبه
بس لايقه كتير عليهم
دنيا واخدانا لمه
فرقتنا لمه اتسندنا
على الحيطان المايله حبه
كنا ساندين ع المحبه
شفت ابويا بصديري صوف
شوفت عِمه وشال وخوف
ع الحبايب م الظروف
شوفت أصل متأسس
وساكن بين غطيان القمح
ما كن
مستني يصحى في الأماكن
كنا شايفين روحنا فيها
والملامح تايه حبه
ع الطريق ويا الرفاق
شبوره جايه من الفراق
والغبار جو القلوب كاتم
وساكن
يا دموع الحب شيلي
وقيدي
دا الصبي لسه في أيده
كوم خَلق والضي لعيون اتخلق
وقيديه بكام دراع بالشنطه الخلق
قبل مايهل الفراق
لمي ضلعه اللي باقي
اللي باقي ماهوش أسامي
اللي باقي غيطان محبه
مهما تاهت منا حبه
فيه جذور متبته
منبته في القلوب
مهما موج البحر يعلى
والمراكب تنقلب
هي لسه منبته
والجذور متبته
بقلمي شيرين ابوعميرة
ليست هناك تعليقات:
إرسال تعليق