قصيدة بعنوان :. مصر جوه القلب من ديوان بكره احلي
__________
بحبك يا مصر
وبعشق ترابك
وديماً ف نصر
وخيرك ف بابك
حروفي بترسم
هوايا ف هواكي
تملي ف حُضنك
وقلبي معاكي
ياشايله همومنا
على جبينك
الله عليكي
وربي يعينك
يارافعه رايتنا
بعزه وكرامه
هقولك بحبك
وعندي الأمارة
يا أم التاريخ
و أم الحضارة
تاريخك بيحكي
اصاله وعراقه
ومجدك بيدخل
عل القلب طاقة
حافظنا عليكي
بكل جداره
خرجنا ف يونيو
وقمنا بثورة
رافعنا رايتنا
وقلنا بقوة
يا مصري هقولك
نصيحة اخوه
********
ازاى تعيش من غير ذاتك
دي مصر روحك وحياتك
وفيها اهلك واخواتك
أوع ... أوع ف يوم يجي عدوك
ف ارض بلدك ويذلك
وعن طريقك يضلك
خاليها سترك وظلك
حبها بكل مافيها
وافني حياتك فدا أراضيها
ما انت حميها ،، وانت بانيها
ودمك سال على أراضيها
صون وحدتها
دا انت حياتها
وانت الماضى
وانت الحاضر
والمستقبل
فاكر... فاكر لما هذمت عدوك
كل الكون اتكلم عنك
قالواااا المصري
هايفضل مصري
سابق سنه
وسابق عصره
حقق حلمك
جمع شملك
أوع... أوع ف يوم
حد يهمك
مصر هتبقى
رغم افاعي
مصر دي وطنك
مصر دي امك
مصر بجناحها حتضمك
أوع ف يوم تتخلى عنها
سجل أسمك جوا تاريخها
اكتب فيها مليون قصة
مصر ديوان مليان ميت قصة
ما يخلص تاريخها ف حصه
وصفوها ف كتاب وروايا
مصر بتكبر جيل ورا جيل
وانت يامصري واللا أصيل
وأنت يا مصري واللا أصيل
بحبك يااااااامصر. وبعشق ترابك
إيمان ذهنى
اشكركم شكراً جزيلاً مجلة فن البوستات الإلكترونية برئاسة ا كمال العطيوى على النشر والتوثيق...
ردحذفلكم مني كل التحية 🙋♀️ 🌹 🌹