عمر القلب ما ارتاح
****************
مهما أكون موجوع
أو مستحيل الرجوع
عمرى مايوم أنساك
ولا يملا عينى سواك
اسمك فى قلبى انكتب
وجوه العيون مطبوع
انت يا ننى العين
قربك يسوى ملايين
لو كلهم اتجمعوا
قلبى ليك انت يلين
ولا عمرى قلبى ارتاح
ولا يمر صباح
على قلبى وانت بعيد
لا عمرى كنت سعيد
قضيتها بكا ونواح
بعدك عنى بيالمنى
واخد عقلى مجننى
ده انت العين والننى
قرب قلبى بيرتاح
ريح قلبى وطمنى
ما تبعد أبدا عنى
من غيرك أنا سواح
ليه تبعد وتحيرنى
أنا بس إيه كان ذنبى
وببعدك جاى تعاتبنى
إنت بتهد وأنا أبنى
ما كفايه فيه جراح
بالغالى انا حلفتك
أنا قلبى خلاص ارتاحلك
عمرى ولا مرة جرحتك
لو انت واخد على خاطرك
بكفايه النوبه سماح
ياما قولت كتير ماسمعتش
عماله اقول بتطنش
مهما قولت مابتحنش
وغيرك أنا ماعرفتش
حتى ادخل قلبى وفتش
قفلت القلب ساعتها
وخلاص رميت المفتاح
*راوية حسن*
ليست هناك تعليقات:
إرسال تعليق