الأمل ..
القلم عريان
كسوته حروفي
يبان مكسوف
وشعاره سطوري
يوم مايرفع رأسه
يكتب ولا يهموش
يداوي كل الرقع
ويخيط المقطوع
يمشي بسرعه يجري
ع السطر يتزحلق
مايكتب كلمة
وبيمشي يتمخطر
معجب كده بخطوته
يتقمع ويتزوق
عيني عليك ياقلم
سنك سابق شكلك
بصلي كده بعينك
وغمزلي كده غمزه
انا بفهم بصتك
ولمزك وهمسك
ياسلام عليك مسكون
كلامك بيتمخطر
عايش مع الاحزان
وفرحك هنا اكتر
......
فيفي الجندي
ليست هناك تعليقات:
إرسال تعليق