غالية عليه
غالية عليه وعاشقه ترابها
قلبى بيحضن كل أيامها
ولا بتهونى عليه فى يوم
ولا افرط مهما جرالها
هى النبض فى قلبى بعينها
والصوره اللى فى قلبى بشيلها
مهما ابعد برضو انا فى خيرها
عشت سنين وسنين بدعيلها
ربى يحرسها ويصونها
ام الدنيا الكل عارفها
مهما الف الدنيا بحالها
ابدا بلدى ماشوفت جمالها
هى اجمل مكان فى عنيه
ولا فى ابدا ابدا منها
عشت واتربيت فى ربوعها
وانتنفست هواها انا طوعها
أفديها بدمى وبروحى
وروحى دى رخيصه عشانها
اتعلمت ازاى انا اصونها
واعلم اولادى أصولها
ياللى مافيش فى الدنيا مثالها
نهرك بحرك جوك برك
دول بالنسبالي جذورها
نخلك شمسك ليلك قمرك
غالين عندى بكل صمودها
مهما ابعد ولا اتغرب
قلبى فاكرها بكل أحوالها
حتى شوارعك مع حواريكى
ماليه عنيه بكل أنوارها
لما اتكلم عنها ابتسم
وقلبى يغنى وف مواويلها
كل ما ببعد تانى اقرب
ريحتك دايما انا بشتاقها
لو لفيت العالم كله
عمرى مابسعد غير فى ربوعها
راوية حسن
ليست هناك تعليقات:
إرسال تعليق