الزواج ... للشاعر / عاطف صلاح

 

((((خليها على الله)))) ... للشاعر / محمودعمار الزلباني

 

((((خليها على الله))))
____________
جمل المحامل برك
من كتر شيل الحمل
والحادى فى الوادى
خلص الموال
وصدى مواله
عدودة ممدودة
على اللى راح
وجراح تنبش فيها
الدودة
ممدودة مد البصر
يرمح فيها الخيال
يا خال سؤالى انطرح
ع الارض عايز رد
--------------
قوم يا جمل
ادى الطريق انسد
قوم خفف حمول الضهر
وارميها
وأوعاك تعد الخطاوى
لومكتوبة حتمشيها
------------------
قوم خدلك موعظة
م الطير
فارد فى الهوى الجناحات
لا شايل هموم بكرة
ولا ناسى الصغار
فى العش
وخالى من كلامه الغش
فى سرحته فرحان
وفى رجعته فرحان
ولا عمره نسى التغريد
مطمن على بكرة
عمره ما عرف الخوف
معروف مين
مقسم الأرزاق
------------------
محمودعمار الزلبانى
 

عمر... للشاعر / فرج السقا المعلم

 

أبوك... للشاعر / محمد عبلي

 

صباح الخير... للشاعرة / منى عبدالرحمن

 

وجايّ الصُبح مِتأنِّي
ومِتحَنِّي
ومِستَنِّي
يِشِدُّه الفَجر من إيدُه
يقابل كل مَواعيدُه
مع الفرحَة
مع الأحلام
عُيون بِتْنام
عيون تِصحى
عيون شَقْيانَة
فِ المَسْعَى
وناس مَساكِين
وناس تانْيين
بِتِتفرَّج على المَأْسَاه
طَريقهُم تَاه
مابين الحَق والباطِل
وخَطوَة جَريئة تِجمَعهُم
تِجَمَّعهُم
وتاخُد إيد قُلوب خَضرا
تِعدِّي بيهُم السِكَّة
وتُربُط بين قُلوب فَكَّة
بحُب جديد مع المَواعِيد
عشان الصُبح يِسْتَعجِل
مَايِتْأَخَّرش
وانا ما اقْدَرش
أعَدِّي كتير على قلوبكُم
ولا قولشِ
صباح الخير

كان زمان... للشاعرة / مشيرة النقيب

 

(((كان زمان)))
 مولد النبي ؟؟
أمي بتجيبلي العروسة
أما لأخوية الحصان
ولما كان جارنا المسيحي
يوم يزورنا
 لابد بنجيب له كمان
كان بيفرح زينا
عمره ماقال دا نبيك
أما  عيسى نَبيَنا
كنا أخوة
وإللي يجمعنا المكان
والله حتى ماكنا نعرف
دا مسيحي ولا مسلم
ولا إسمه كان محمد
ولا جرجس
احنا أخوة من زمان
ماكانش اسمه أو ديانته
ولا حاله يهمنا
المهم ان احنا أخوة
و المحبة   تضمنا
كات خالتنا أم بطرس
كل يوم عن يوم تجيلنا
بتحب تقعد عندنا
معنى خالتي (أُخت أمي)
كان نبيها حبيبنا عيسىَ
وهي عارفة نبينا( أُمي )
كان ختام المرسلين
وهي عارفة بمعجزاته يقرا قرآناً مبين
وانه بقراءة كتابنا
خصه رب العالمين
أيوة عارفة انه الرسول و الحبيب
وان مهما شموسنا غابت
رسولنا نوره مايوم يغيب
وكل أحوالنا بكلامه
كل خير في الدنيا لينا
احنا نِوصَلُه بعلامه
والسلام بينا وما بينهم
كان وصية من كلامه
كان بخيره يجود عليهم
ويا بسمة من إبتسامُه
صلى ربي عليه وسلم
وخصه بصلاته وسلامه
??????
فجأة جحش بغَير مِلة
ييجي ويشكك ويشتم
إللي لوحموه في قُلة
تبقى واسعة عليه وتشتم
م النجاسة بتاعته تلعن
تقول دا شيء ملعون معفن
كل كلماته افترا
من شذوذه ومن وساخته
جسمه ملطوخ بالخ..)
إللي كان مفروض تمامُه
يركبوه ضهر الحمارة
ويبقى وِشه من وَرا
روح يا بطرس يوم هتفطس
عن قريب هتشوف حياتك
أد إيه متدهورة
??????
بقلمي وعلى مسؤليتي
أ.مشيرة يحيى النقيب

الضرة ... للشاعر /على مصطفى

 

يالا عدي يا سحابه ... للشاعر / ابراهيم شيمر الجندي

 

صديقي ... للشاعر / منصور عياد

 

 

" صديقي "

شعر / منصور عياد

يا شعر

صغ من درك التيجانا

قم للصدِيق وحيّهِ عرفانا

أهدى لنا وُدّا أنارَحياتنا

وقد ابتغى من ربّه الرضوانا

هذا صديقي

قائدي ومعلمي

ومشيّدٌ من صدقهِ الأركانا

إخلاصه شمس الحياة

ترى به درب الهدى

وجمالَهُ الفتّانا

من وجهه يهديك نور بشاشةٍ

ونراه في أخلاقه إنسانا

وسما على إخواننا

بمودة وسماحة

لا تعرف النسِيانا

هو للصداقة

رمزها وشموخها

حتى غدت حسناته عنوانا

عند الشدائد يحتويك مرافقا

ومُعاونا أكرم به معوانا

يسرٌ

إذا ضاقت بنا أيامنا

عسرٌ

على أعدائنا أزمانا

فهو الصديق الحق في أفعاله

وهو الأمان يشابه الأوطانا

ويكون لي يمنايَ إن عجزت يدي

أو كاللسان فصاحةً وبيانا

وهو الكريم بعطفهِ وحديثه

شهد يفيض مودة و حنانا

لو كان لي هذا الصديق

فلن أرى

إلا السعادة تغمر الوجدانا

ببعت كلام ... للشاعر / ايهاب السقا

 

ببعت كلام كله ساده

يوصل عندك سكر زيادة

حُبي ليكى مش عباده

حُبي أصلا من جوه قلبي

الفِكر أصبح فيكى عاده

مش كلام للإذاعه

أو خواطر جت ف ساعه

أو حركات للمياعه

حِبي فيا بإمتنان

ياريت تحسي بالأمان

اما قلبي يقول لقلبك

كنت فين من زمان

كل نبضه مليانه شوق

رافعه إيدها للمولي فوق

بتقول يارب تكونى ليا

مهما كانت الفروق

جسمى دافي بدون وجودك

وأما يلمس يوم خدودك

يخف حَبَّه من الوجع

وأما يسمع يادوب ردودك

يدوب قوام كالجليد

وكل جزء كان مريض

يصبح مُعافي كالحديد

و الرعشه إللي كات سَويِّه

مرّة واحده تِهز فيا

وحِس قلبك يحِس بيا

وأما صوتِك باسمع صداه

بلاقي روحي تروح معاه

تروح لأبعد مدى

وشوقي يجرى قوام وراه

لحد م يسمع صدى

إنك أخدتي القرار

وإنك تبقي ضى عينى

وتشيلي همى وتعنينى

بعد م جربت المرار

وتبقي جنبي طول سنينى

وأشوف اجتياح للمشاعر

وانسي مره إنى شاعر

وإن كلامى مش هزار

،،،،إيهاب السقا،،،،