اللى فى حبك ... للشاعر / سمير محمود

 

اللي ف حبك يوم اتخلّى
واللي ف روحك داق واتحلّى
واللي وجوده ملوهش آدلة
واللي ما دمعك أثر فيه
......
اللي وهبلك نفسه وذاته
واللي وجودك سر حياته
واللي ف قلبك ساب دقاته
واللي غرامك بان ف عينيه
.......
اللي آمنته وكان خوان
واللي ف وقت آلامك بان
واللي مكانش ف يوم انسان
واللي لغيرك مد ايديه
........
واللي ف قلبك نام وادفّى
واللي عدلك ميل الكفة
واللي ف حبك عمره اتصفّى
واللي مهونتش مرة عليه
.......
واللي ف بعدك كان مرتاح
واللي حضرت فسابك راح
واللي كلامه تلج وساح
واللي غرامه كان ترفيه
......
واللي مضيّع عمره عليك
واللي مكانش ف يوم غير ليك
واللي ناديته وقال شُبيك
واللي ف أي اوان تلاقيه
........
اللي بنيته وهد وجودك
واللي مدبل كل ورودك
واللي جرح بالدمع خدودك
واللي همومك كات ترضيه
...........
واللي جعلّك قلبه مداس
واللي ف روحك طبطب باس
واللي حافظلك ع الاحساس
خليك طول العمر شاريه

 

يا قافل بيبانك ... للشاعر / مجدى فرج عامر

 

دعاء الصباح

 

صيانة القلوب ... للشاعر / مجدى المنصورى

 

انا بعمل صيانه للقلوب
بس تكون خاليه م الذنوب
أخيط و اداوى الجروح
و ألحم فيها أى ثقوب
قلوب مكسوره . أداويها
و الكسر اللى فيها يدوب
بس بشرط تنسى الأسيه
و لرب البريه تتوب
وتعمل خير للبشريه
بشهادة علام الغيوب
مين هايجى يلا يصلح
ويعلن ع الشيطان الحروب
يا أم تهانى.أبو هانى
أنا بعمل صيانه للقلوب
و مُقابل عملى عند ربى
مش عايز حاجه م الجيوب
بس نصيحه قبل ماتيجى
امسح من قلبك المكروب
بالصلاه على سيدنا النبى
و بذكر الله تطمئن القلوب
أنا بعمل صيانه للقلوب
بس تكون خاليه م الذنوب

الوصية ... للشاعر / عبدالهادى الشعراوى

 

لما أموت ..
إوعوا تنسوا تدعوا ليا
دا إللى باقي .. دا الهدية
إللى هَتوسع في قبري
و إللى هَتفرح عينيه
والوصية لك يا إبنى
قبل ما الرب يحاسبني
فوت علي الأشواك وابني
صرح مجد وتبقي صامد
زي جدك يا إبني حامد
عاش كريم للرب حامد
للوطن كان عشقه جامد
واد يا حامد ..  
خلى بالك من عيونك
سيد الغالى وشروق
خلى بالك م الكبيرة
ستك الغالية أم أبوك
إرسم البسمة فى عينيها
راعى ربك إللى فوق
شيل عن أمك بوس إيديها
اوعى تاكل يوم حقوق
او تغمض عين وتنسى
مهما  للألام  تدوق
شيل حمولك مهما كانت
دنيا فانية مهما طالت
لو عليك ب الهم مالت
ادعى ربك اللى فوق
واد ياحامد ..
اوعى حد عليا يبكي
قول لكل الناس وإحكي
إن أبويا قلبه طيب
عمره ما زعل قُريب
وإني كنت كتير بسامح
لأجل عارف كله رايح
وإنى عمرى ماخنت حد
ولا حتى نقضت عهد
عشت عمرى بالمحبة
عمرى ما تاخرت حبه
انى اطبطب او اعين
كنت حارس لك أمين
كنت حضن وكنت عين
واد يا حامد ..
قول واوعى تخشى قول
بس حافظ ع الأصول
الأصول مش بس قولك
الأصول بيتك ونولك
اوعى تتحكم ظنونك
أو تسيب دمع ف عيونك
واد ياحامد ..
إشفى وجعك بالسلام
لملم الأحزان قوام
قلبك أخضر لسه خام
خلى عينك ع العلام
صلى صوم مد إيدك
للصغير والكبير
إنت شايل إسم سيدك
إللى حبوه الكتير
إللى عاش نص عمره
يحمى مصر والحدود
إللى شارك فى المعارك
 ذل ياما كتير يهود
واد ياحامد ..
خلى بالك من دروسك
إوعى حد يوم يدوسك
خلى صفك فى الأمام
مهما كان مكان جلوسك
خد بإيد سيد وشوشو
اوعى عنهم يوم تنام
مهما كان الهم حوشه
وإرسم الفرحة بحنان
واد ياحامد ..
خلى كل بعيد قريب
بالوداعة مش كَديب
او  تقرب يوم لعيب
خلى ريحتك تبقى طيب
اوعى تنسانى يا حامد
اوعى قلبك يبقى جامد
حب وطنك زى دينك
اوعى تنسى دى الوصية
خلى رب الكون معينك

كوني شمسي ... للشاعر / ايمن نوح

 

كوني شمسي
....................
أنا الغريق في بحر الهوي
لا أود من المنقذين سواك
تدللي كما شئت فإني
بشوق أراقب كل خطاك
يا صاحبه كل الجمال مهلا ‘‘
بدقات قلبي الذي  يهواك
أنا إن سافرت بعيداً عنك
ففي عيون كل الجميلات أراك
دعى النظرات الحائرات طليقه
واعلمي أنني لا أرى إلاك
وكوني شمساً يحيني شعاعها
واجعليني نجما‘‘ يطوف سماك
واكتبي في الهوى شعراً
وقولي حبيبتي أنني أهواك
للشاعر /  ايمن نوح

غربة ... للشاعر / جمال زكي عينر

 

( غربة ) 

يا غربتي وانا وسط ناسي يا غربتي

قاسيت كتير شفت العذاب في دنيتي

ضاع الشباب

راحوا الصحاب

حواليا ناس

لكني عايش وحدتي

من يومي وانا شايل هموم

غريق ومش بعرف اعوم

عملولي عقد مع العذاب

والعقد ساري يوم بيوم

حاولت اهرب م العذاب

بصيت لقيت قدامي باب

مفتوح لكنه واقف عليه

حارس وقلبي منه هاب

رجعت تاني لدنيتي

لوحدتي ومخدتي

نام العذاب في حضني تاني

داريت في عيني دمعتي

عقد العذاب سنين بتزيد

مفتوح ومش محتاج تجديد

الغربة صعبة وسط الزحام

دم وبيجري من غير وريد

مفيش يا دنيا معاكي حل

ماعنتش اقدر اهرب وافل

مكتوب عليا اعيش كده

لا صديق بلاقي ولا ليا خل

بقلمي الشاعر جمال زكي عينر

 

سجال مع المُعلم ... بقلم وتصميم الشاعر/ أبو مؤمن جوهر

 

ياللى عشقتو الأدب ... للشاعر/ فرج السقا

 

قالوا لِك إيه…؟ ... للشاعر / محمد طه مخلوف

 

قالوا لِك إيه…؟

قالوا لِك عني إني رَجيم
وإني رَميت خلاص طوبتِك

أقول لِك إيه…؟

أقول أنا قلبي من غِبتِك
بيبكي عليكِ في الليلة 200 مَرة
نتاج شوقي لضَي عينيك

أقول إن إحنا أيامنا…
 خلاص مابقيِتش مُضطَرة
تجَمَع،
          شَملِنا،
                     تاني،

أقول إن إنتِ وحشاني؟!

ما يَاما أنا قُلتها بقهرَة
وحشتيني،
               ووحشاني،
                             ومشتاق لِك،

مانيش بَعتِب عليك جَهلِك
ولا طالب أكون أهلِك
لَكِني حقيقي أستاهلِك

أقول لك إيه…؟

الناس إقتصت من رُوحي
وقالولي إزاي…؟
هاتكَمِل دونها العُمر الجاي !

كان والله مُجرَد بس سُؤال…
فَتفِت لي قُليبي وجاب أخري
الناس فَكراني فـ حُبِك توبت
وأنا باحبي فـ حُبِك مش باجري

محتاج زَقة…
علشان حُبِك محتاج لسنين
أتعَلِم فيها إزاي… أبقى
إنسان مِتجرَد م الإحساس
إنسان إبليس …زي مَا قالوا
أو زي ما شالوا إللي زَرَعتُه

طب أقولِك إيه…؟
لو حُبِك فَكَر إنُه فـ يوم يقتِل فيا
أو إنُه يمِس الحنيه الساكنة وريدي
وحياة حُبِك كُنت بإيدي…
                     "دوغري دَبحتُه"

قالو لِك إيه…؟

العالم والله بكُل ما فيه
لو قالوا أضعاف ما بـ يتقال لِك
ما يهز إللي فـ قلبي إتشال لِك
من شوق،
             وحنين،
                           بُعد المسافات،

"العام بيمُر فـ شَكل ساعات"

أحزان بالكوم…
وبحور وأنهار على شَكل دموع
وأنا وَحدي باعوم وِسطَها مَوجوع

"ومافيش ولا إيد إتمدت لي"

غير أملي إللي زَرَعتُه بـ إيدي
وفضلت أسقيه،
                وأهو راح مني،
                               زي ما روحتي،

 عارفة إللي أنا فيه…؟
بيساوي الموت…
وأنا عندي أموت…
لو موتي هايشفع يوم عَندك

خفي فـ عِندك…
أنا مُش شيطان جاي أعاندِك
ولا طالب تاكلي التُفاحة
أنا ضلعي المكسور يا حبيبتي

فَتفِتُه عشان …

يكمَل تكوينك وسط الخلق
من أول وحَمِك،
                      ونزيفك،
                               ولوجع الطلق،
"ولغاية ريقي إللي دمجتُه مع حَبِة تَمر"

علشان تبدأي يا حبيبتي العُمر …ونكون أحباب

طب أقولك إيه…؟

إختلف الأمر…
والدنيا خَدتنا و وديتنا… وبقينا أغراب

#مخلوف
#قالوا_لِك_إيه