أتعلم ........ بقلم / راوية علي حسن

 

كف الضمير ............ للشاعر / د. سمير خليل

 

خلاص مفيش .....للشاعر / محمد البدحى

 

بطلة الرواية ............ بقلم / راوية علي حسن

 

بطلة الرواية

 

أحببتك كما لو كنت لم أحب من قبل

كلامك وهمسك ورقة الشوق وقرب الحلم وروعة المكان وليس لى معرفةومتى كان الزمان حكوا لى عنك قصص وروايات وقلت ما انت الا بطل الحكايات فلم يصلنى عنك سوى بعض الكلمات ولم يخطر ببالى بانك بطل الروايه وانك يوما ستحكى الكياية واكون انا معك فى كل رواية سرحت بخيالى مع كل قصه وكنت أمنى نفسى بأنك ستأتى وتصيغ حكايتنا رواية فى كتابك والكل يقرأها ويعلم من انا هل كنت معك من ابطال الرواية ام كنت استمع لرواية الحكايه فاختلط وقتها الامر عليه ماعدت افرق انا من اكون

راوية حسن

 

بشوف صورتك ...... للشاعرة / سماح خليفة

 

طهارة نفوس ......... للشاعر / السيد حسن السيد

 

طهارة نفوس

 

كل الحكاية كان فى زمان؟

ناس طيبين وعشرة بأمان؟!

بحب يطمن فينا القلوب،

والغش مالوش مابنا مكان؟!!!

كان لما حد بيطلب ينول؟

لابس مقطع مرقع يطول؟؟

لأن الكرامة ف دمه يابيه،

ومعاشر عقول مش حبة عجول؟؟!!

كانت الشهامه طهارة نفوس؟

وإن الرجولة ع الظالم تدوس؟؟

مش عشان تكون ما بين الكبار؟؟؟

لازم ع الكفوف دايمأ تبوس؟؟؟!

كنت لما بصرخ ف حد وانادى؟

بيجيبولي حقى وكان يبقى عادى؟!

لما أعبر عن اللى واجعني،

بلاقى اللى سامعني يمد الأيادى؟؟؟!

قلة فلوس وف راحة نفوس!

ورغم انها مش لاقيه الغموس؟!

كان فى مابنها الدفى والحنان؟!!

والاسرة بدون ربها تلوص؟؟!!

طبلية بتلم ف كل الجيران!

ماكنش يبات حد فيها جعان!!

ونحس بفرحه وشوق وانسجام،

بسنه من قبل مايجى رمضان ؟!!!

كنا بنحب نروح للمدارس.

كان فى علام والمدرس لينا فارس؟!

عنده ضمير محكوم بالمبادئ،

رافع سلاحه وع العلم حارس؟!!!

أما النهارده كل دا مافيش؟

كترت الحبوب وبياعين الحشيش؟!

وفقر وجهل وناس ما تساويش؟!!

تتحكم ف مين يموت ومين يعيش؟؟!!

بقلم شاعر العامية.

السيد حسن السيد.

 

 

الليلة المقمرة ......... للشاعر / عبدالحميد السيديحيى

 

الليلة المقمرة  
تلك الليلة المقمرة أنعشت صدري
تذكرت تلاقينا
لأول مرة
تلاقينا عند بوح
الغدير
أشعلت ضجيج الشوق في أضلع الحلم
ذاك الذي تغنى
باسمك حرفاً على بساط الهوى
وعزف على مداد قلبي
لحن الحب
والحياة
لكنه كلما تغنى أسمع صوتك
 قادماً من اصقاع
قلبي
ينادي باسمك
فيرتعد الخفوق
متوسدًا حبال الحنين أن تماسكي
أني أغزل بقايا شباكي
لتبقى معلقة بذكرى
تلك الليلة المقمرة
 
للشاعر / عبدالحميد السيديحيى
 

أنا حرة .... للشاعرة / زينب سليم أحمد

 

أنا حرة 

طول عمري أنا بكتب أشعاري

وكلامى بيكون .. متداري

مش لازم تفهم معانيها

أو تيجي تقول ليه بتواري

أنا حرة فى جميع كتاباتي

بكتب عن حالي و يوماتي

وان كنت بعبر عن نفسي

أهو كل الناس زى حالاتي

مش لازم أبقى كتاب مفتوح

يقراه مين يجي ومين بيروح

ولا أبقى لئيمة أو غامضة !!!

او رأيك فيا يكون مسموح

أوقات بستغرب حال الناس

وعقول مقفولة بميت ترباس

مع أن الدنيا .......... بتطور

لكن دماغهم ... فيها مداس

تلقاه لابس كدا ع الموضة

والعقلية .. ... جاهلة وسودة

بيعيش وتملي يسيء الظن

ودماغه فاضية .. ومحدودة

وكمان واحدة كدا ...... لتاتة

فى حياتك داخلة ... بغتاتة

حرباية و عايشة بمليون وش

تفرض روحها بكل تباتة

حرص لكن إوعى تخون

واياك على غيرك تتلون

خليك دايما صافي النية

إوعى تبالغ ... ولا تهون

 

بقلم /  زينب سليم أحمد

 

أفضل قرار .......... للشاعر / طلعت مجاهد

 

أفضل قرار

 

لما اخترت البعد عنك

كان ده مني أفضل قرار

أصلك انت جرحتي قلبي

وسقتيه كاس المرار

الساعات اللي قضيتها

في هواكي الندم مني

عليها ليل نهار

غلطتي اني هويتك

وسمحت لنفسي أدخل

في قوائم الانتظار

عزة النفس اللي عندي

عمري مافرط فيها

عمري مااسمح لك ياحبي

تشتري وتبيعي فيها

هيه عندي أغلي منك

وأغلى م الدنيا ومافيها

شيلي قناعك واخلعيه

قناعك مزيف والخلايق

كلها مخدوعه فيه

فين الحب الحقيقي

اللي انا صبرت عليه

ابعدي عني خلاص

اصل انا رضيت بالخلاص

والهوي مقدور عليه

ابعدي وبدون رجوع

وفري عليكي الدموع

صدى نبضك مهما يعلا

من النهارده موش مسموع

 

 طلعت مجاهد

 

 

 

( فن النميم ) والرد على الشاعر / أبو مؤمن جوهر ( فن النميم )......... بقلم الشاعر / يحيى ابراهيم

 

فن النميم ومحاوله متواضعة للرد علي استاذي ابو أبو مؤمن جوهر

يقول استاذي

فن النميم مثال و تعريف .

*******.و

رمشك سباني سحر العيون فضفض لي

و عنيك يا جــاني فيهــا الحنان نفض لي

ارحم عشاني و ارجع لي و اعرف فضلي

انا فيك بــعاني دا الهم زاد كــدا فاض لي

****و

انا جيت يا ناري جهزت حالي و راحلي

ارحم يا جاري في القلب يجي يشرح لي

و عليك بــداري تهــل كــدا و براحة لي

فيك شفت تاري قلــبك سكن و براح لي

*****و

تهجر يا قاسي كم مرة جيت و شكيت لك

للفرح ناسي بدموعــي جيت و بكيت لك

تشغلي راسي و كتير يا روحي حكيت لك

حبك اساسي حتــي الـعيون ضحكت لك

****ز

لما قــلت ازورك سـبت الديار هجيتي

مشتاق لنورك و انا منتـظر و لا جيتي

امتي بدورك و لـــروحي مــا اترجيتي

فرحي سرورك و لعمري ليه ما ناجيتي

****ز

انا جيت و قاصدك ارحمني بعدك يكفي

بعيوني راصدك في القلب همك يشفي

انا ليك حاصدك تهل كدا و لا تصفي

ابعد دا صدك قلبك سكن و لا عرفي

ويقول العبد لله

رمشك سباني وبيه الهوي طاب لي

انشد قصيده غزل اغنيها مع طبلي

قال القمر والنبي انشد وطيب لي

رحت لطييب الهوي علي كتفي طب طب لي

انا كواني الهوي بشرح لكم حالي

اناجي طيف القمر بحلي وترحالي

وبعت مكتوبي لم رد الحبيب جالي

هبت نسآيم الهوي جايه ورايحه لي

اشكي لمين حالي وكلنا مجاريح

قالوا المحبه قدر وانا قلبي بس جريح

ورجع لي مكتوبي وقال ما اجا ريح

تركو قليبي معني والروح ملان تباريح

امدح جميل المحيا وسيد الكونين

في رحلة سماويه تتبدل القوانين

يشهد لاحمد نبينا ونارنا بالكوانين

ومين بمدحه تجلي وانكوي مين

قلبك عشق حيكم ولحد تكفيني

منايا نظره رضا واحده و تكفيني

قلت نور ضيكم واحده كافيني

امانه حبه تراب بين لحدي وتكفيني