اكاديمية فن البوستات للإبداع

الأربعاء، 4 نوفمبر 2020

لن أبكى عليكِ ..... الشاعر سيف فاروق عثمان

الربيع ... الشاعر حسن الشوان

صورتك ...... الشاعر السيد خطاب

الثلاثاء، 3 نوفمبر 2020

رباعية .......... الشاعر سيد محمد

الأمل ............ الشاعر/ ايمن خليل

جدى الغالى .......... الشاعر رضا ابو الغيط

جدى الغالى
من ديوان كلام عواجيز
***********
جدى الغالى
بعد السلامات
وآيات الفاتحه المحفوره
ف قلوب الخلق المشتاقه
تدخل جنات
عرضها بيعادل أراضينا
ومعاها كل السموات
والدُعا للمولى اللى خلقنا
يغفرلك
كل الهفوات
مشتاق اسمع لك
وتقول لى
الحكمه اللى ما ضلت مؤمن
وللا فارقت عقلك لساعات
من قبل العمر ما يسبقنى
وتكحل عينى الدمعات
من قبل ما أجيلك ونقابل
كل الأموات
وذنوب الدنيا الملعونه
تنهش من كفة موازينى
كل الحسنات
الدنيا يا جدى بتضحك لى
وبترسم ف ملامح شكلى
على شجر التوت اللى بيحرس
جلبية ستى اللى سابيتها
عند الخياط
وقميص الخال المطبق
جوه الدولايب
وتملى بيسأل عن صاحبه
صمت الجلاليب
ورفوف الحزن اللى ليلاتى
ف الدار بيبات
الدنيا يا جدى بتضحك لى
وبتضحك دايما علي عقلى
ف ساعات بتخدنى
على جناحها
وتْهل عليا بأفرحها
وشواشى طرح اللذات
ف مواسم طرح العنبايه
فوق العتابات
وساعات
تِمْسك كُرباجها المنقوع
ف أزان الزيت
وتلف البيت
تبحث عن جسمى المتعرى
وتقطع فيه
وتمص الدم اللى بينزف
من نن عينيه
وتسهر عينى وتحكيلها
عن جلد الذات
وتخدنى لآخر جبانه
تعبانه.. فيها الأموات
الدنيا يا جدى اللى عايشها
كيف المراجيح
بتخدنى من تحت لفوق
وكأنى على ضهر الريح
وف ثانية ..تذغدنى أفوق
وألقانى بين الحيات
محتاج لكلامك يحرسنى
ويعد عليا الخطوات
*****************
رضا ابو الغيط

أنا بعشقك ...... الشاعرة ناهد الموجي

خبي الوجع .... الشاعر على شحاته سليم

خبي الوجع

خبي الوجع جواك
وبلاش تقوله لحد
طول ما الألم بيزيد
ووجعه زاد ع الحد
كل الملامح بتشكى
من الألم وتبوح
حتفيد بأيه شكوتك
ويعمل أيه النوح
مكتوب عليك الأسي
تفضل غريب سواح
محروم من الحنيه
وقلب كله براح
يا قلب ليه تنخدع
حاتشكى ليه الوجع
للى ما يعرفهوش
لا مره عاش الأسى
ولا فرحه مره اتنسي
فى دنيا ما ترحمهوش
كل اللى عايزه مباح
عايش سعيد مرتاح
والدموع ما يعرفهوش
على شحاته سليم

الشوق ............. الشاعر مصباح أبو حماد

عذرا يا قلبي .... الشاعرة / هدى عماد Hoda Emad

عذرا يا قلبي
نذرتك في النعيم رفيق دربي
.وشمت غرامك على جدار قلبي
ونثرت بذرة هواك بثرى خافقي
رويتها من نهر حنيني وأدمعي
فطرح زهر الليلك بدربي
خبئتك ما بين أهدابي ونني
أصطفيتك من بين البشر حبيبا لقلبي
أسكنتك بين عظام صدري وحنايا مهجتي
دثرتك بمسام جلدي وهبتك الروح
ونسجت بغرامك أحلامي وكنت لي المنى
يا عطرا ملأ صدري وعبق أنفاسي
وبات عشقك ترياق يسري بدمي
سألت الله أن تكون رفيقا لدربي
خليلا لفؤاد ي في زمن ضن فيه الخل
والأحبة
قرأت نبض قلبك وعلى نبضاتك
..كانت الخطى
وعلي أعتاب قلبك رتلت آيات حبك
رغم صمتك وبعادك عن قلبي و دربي..
إلا إنك قابع بين شغاف القلب
أتسمع ضجيج نبضي وأنين غيابك بصدري ؟!
أيرتجف وجدك وتصرخ نبضاتك ويضطرب قلبك
عندما يمر بك طيفي ؟!
هل أرتشفت كؤوس العذاب والآه ببعدي؟!
أتعلم أن خناجر خذلانك مزقت خاصرة حلمي ؟!.
اليوم لا لوم ولا عتاب سألملم تلابيب قلبي
وأقول سلاما علي قلبي الذي ضحى وسلاما
سلاما يوم ذبحت قلبي بخيانتك وغدرك
بقلمي : هدى عماد
.