الحب الكبير ..... للشاعر / محمد الشاذلي

( الحب الكبير ). ٥/٦/٢٠٢٠

************************************

ياللى حُسنِك جوه عينى

شايفه من أجمل ما كان

جاب معاه احساس مالينى

خلًى قلبى يدوق حنان

مش بإيدى انى احبك

ولا حتى ادخل لقلبك

ولا حتى ف يوم لقيتنى

بهوى انى اكون ف قربك

فجأه وده شئ مش ف طوعى

انى القاكى ف ضلوعى

ساكنه جوه القلب فيها

جاريه ف الدم ودموعى

حبك انتى ماكان ف بالى

اوخـطر حـتى ف خيالى

انى الـقى الـحب تـانى

أو يـزيد بيـكى انـشغالى

واما قلت اعرف مشاعرك

قـلتي صمتى عـدا شـعرك

شـوقى لـيك عـدا الـكلام

ف التـقيت قـلبى لأمـرك

حاسـس انه بقا الأسـير

حـبه فيـه شلال غـدير

شايلاه موجه تجر موجه

و كـأنـه دا الـحب الـكبـير

:::::::::::::::::::::::::

المصرى العربى الحر

الشاعر

محمد الشاذلى

رامى ... للشاعر / البدرى زايد

رامي

.......

هوا رامي

بس واحد

واللي ينكر

يبقي جاحد

واللي فاكر

أنه شاعر

أو بيفهم

ف المشاعر

جملة واحدة

لو يقولها

زي رامي

يبقي شاطر

القوالة

هيا رامي

والعوالة

والحرامي

مستحيل انه ينافس

أو يبارز أو يشاكس

أو يقول زيك يارامي

أو ف يوم يوصف غرامي

زي ما انت وصفت حبك

واللي يكتب شعر جنبك

أو ح يفهم إيه كلامي

يعرف انه بس رامي

هوا واحد

واللي ينكر

يبقي جاحد

ثومة غنت لك وقالت

أد إيه (رق الحبيب )

قلبي للسنباطي

سامع

لما لحنه يستجيب

للندا (حيرت قلبي )

وانت ف حيرتك عجيب

رحت فين

يااحمد يارامي؟

سبتنا وسط الفاشوش

اللي يرطن واللي يعجن

واللي شعره

مبفهموش

واللي فاكر

إنه شاعر

جملة واحدة

لو يقولها

زي رامي

يبقي شاطر

كلمة واحدة

مش ح اعيدها

رامي دا ف الشعر

فاجر.

مع أطيب تحياتي

شيخ السجالات

البدرى زايد

شهد عليا القمر ........ للشاعرة / فريال إبراهيم العطيوي‎

شهد عليا القمر

وانا سهران انتقي الحروف لكلماتي

لتليق بك يا أغلى البشر

مهما اكتب

لن اعبر مايدور بأعماقي

لأنك تسكن قلبي وتملكت كياني

هل حروف الأبجدية

ستعبر مابداخلي

لأنك اثمن من الحروف والكلمات

فأنت أقرب الناس لفؤادي

يامن

تملك فؤادي ووجداني

حبك بين الضلوع كواني

كيف اتحكم باشواقي

انت أعظم

حب أشرق حياتي

دون أن أتكلم بصوت

عالي

أناديك بصمتي وطيفك

لايفارق خيالي

حبك سيبقى حياتي

لو انك بعيد

لا زلت داخل مملكتي

بأفكاري لا تفارقني

رسمتك بكل أحلامي

أعرشتك مملكة قلبي

يا توأم روحي

لك اسرد أسراري

وإليك اخط كل حروفي

فريال إبراهيم العطيوي‎

الوعد ... للشاعرة / ايمان محمد

الوعد دايما عيبه مطه

والهنا معاك مابان له شطه

فمهما تعزف عالكمان

اللحن ناقصه نوتة بخطه

ياللي بتقول عالخساره

القدر بيغير مساره

لودعاء بالنية طيب

حيرجع ببشري ساره

عايز تعرف مني الامارة

لمامسحت الدمع بعبارة

بكرة طيب ومليان خير

وعد ربك من غير استمارة

ياللي بتقول الحب هان

وانا اللي قلبي عمره ماخان

راجع حياتك وفنط الايام

القلب مخلص طول الزمان

كلماتي ايمان محمد

الزواج في زمن الكورونا ( ق ق ج) ............. للأديب / محمد عبد القادر

الزواج في زمن الكورونا ( ق ق ج)

===================

رآها في نفس الموقع الذي يعمل به، فهي أيضا مهندسة، أعجب بما سمحت الكمامة برؤيته من وجهها،ولما راقبها عن قرب إنبهر باستخدامها الدائم للكحول والمطهرات وإصرارها على إرتداء القفازات وحرصها الشديد على النظافة العامة فعقد العزم على خطبتها. سأل عن والدها وعلم أنه يعمل مديرا بإحدى الشركات فأرسل له "إيميلا" يخطبها فيه ، وأرفق به نسخة من ال (C.V)الخاص به. ولما عُرِض عليه الإيميل ضمن البوسطة أَشَّر عليه بعبارته المعهودة ( لامانع) وذيله بتوقيعه.

علم بالموافقة ، فقرر بمبادرة منه دعوتهم على العشاء ( Live ) ، ذهب إلى مطعم الحاتي الفاخر ، ووقف في طابور ال(Dilivery) . ولما جاء دوره قدم ال( Order) مع عنوان العروس، ونفح عامل التوصيل بعضا من البقشيش ليضمن وصول الطلب في ميعاده. في التاسعة مساء إرتدت أسرة العروس أجمل ملا بسها وتجمعت حول السفرة ، ووصل العشاء في الميعاد حيث كان كلاهما يفتح جهازه المحمول. راقبهم وهم يتناولون الطعام ، بينما هم يقدمون له آيات الشكر. ولعطل في الصوت لم يستطع تبين حركات تؤديها والدة العروس ، إلا انه إستنتج انها تسأله عن الدبلة والشبكة . فكتب لها أنه جاهز إلا أن ظروف (التباعد الإجتماعي) اللعينة تمنع التجمع لدى الصائغ، ووعدها في أقرب فرصة إستكمال تلك "الشكليات". في مساء اليوم التالي أرسل لوالد العروس "شيكا" بالمهر على حسابه من خلال حسابه الإلكتروني ، حيث يمتنع المصرف عن تلقي أوراقا نقدية.

في مساء اليوم التالي أرسل للمأذون بوست على حسابه المعلن على الفيسبوك يحتوي على بيانات بطاقته ، وبطاقتها ، وبطاقات الشهود ، مرفقا به شيكا بأتعابه. فعقد المأذون العقد (On Line) . واتفقا على إتمام الزواج في أقرب فرصة. وإمعانا في إضفاء جو من السعادة والفرحة ، فقد قام بإنتقاء فيلما من على ال ( utube) عنوانه " ليلة الدخلة " أرسله لها هدية.

الغريب أنه بعد تسعة أشهر جاءه (Email) من المستشفى يبلغه فيه بدخول زوجته المستشفى لتضع مولودها الأول. [ تمت]

======================

بقلم/ محمد عبد القادر

5/6/2020

جالى طفل ...... كلمات وتصميم / ايهاب السقا

طريق الشوق ....... للشاعر / محمد واصل

علي حافة طريق الشوق

واقفه لوحديا

زي الغريق والطوق

بعيد علي إيديا

بنده بعلو الصوت

علي حلم عاش مكبوت

رد الطبيعه سكوت

والوحده حواليا

محمد واصل

أنا روحت فين ........ للشاعرة / هدى النحاس

أنا روحت فين

أنا عشت مكفوف اليقين

مربوط ما بين ظلم وأنين

أنا عشت بهرب م الحنين

أنا حته من ضلع الجنين

أنا شئ صغنن بس ظاهر حبتين

أنا زرع منزوع الساقين

أنا فرحه فى دموع الحزين

أنا روحت فين

أنا حرف مجرور مرتين

مكسورة فيا الأمنيات

محتارة تخرج بالاهاااات

علي دنيا مذهبها السكات

ولا تعيش جوه ألالم

.....جوه الجحيم

أنا فترة عدت ولا أنا مولود عقيم

أنا روحت فين

مش كنت عصفورة بتضحك للزمان

وتطير علي شط الأماني

تنده علي فرع النخيل

تنقش علي وردك يا نيل

......أجمل معاني

بصيت علي ضلع السما

حسيته موجوع إنما

كاتم أهاته بدندنه

يمكن عشان خاطري أنا

أتحمل البرد اللعين

...أنا فين ....وفين

ريش السعادة طار يا عين

واتبعتر الحلم السكين

وأخدت دوري فى صف كل .........المجروحين

.....أنا طير سجين

أنا حلم ناسي كل خطوة من اليقين

أنا عش مهجور من سنين

أنا غصن متكتف هزيل

دبلان وحاله زي حال المنكوبين

..... أنا روحت فين

✍ هدي النحاس

أحبك نورا ........ كلمات وتصميم / Ahmed Amer‎

...........أحبك نورا ............

وحين كتبتى كتبتى حروف

تزيل الشجايا ولوع الألم

فمن كان يبكى أتاه النعاس

فلا حس ضيقا ولا من علم

كأن سطورك طوق النجاه

فاتشبع صدرا بجر القلم

فهل أنتى سحر برفق أتاه

ام دب وجد بسحر الكلم

فا عشقك قدا لحلو الحياه

مدمر لخلق وأحيا الصنم

فمن يملك عشق بيوم أباه

فقد بعث حيا ونال القمم

فانتى النسيم بوقت العصارى

وانتى الميزان لكيل الزمم

وانتى كدر بقاع البحار

اضاء الظلام كا دين الملل

احبك نورا اضاء الثنايا

انار الفؤاد وزاد الهمم

............ احمدعامر ..............

حب مات ........ للشاعر / Yousry Osman

مات

قوم كفنه

اجري قوام روح ادفنه

لو لسه فيه الروح خلاص

غدرك وعدي عليه وداس

واتكسرت كل الاماني

اتبعترت كل المعاني

امشي وخلاص وبلاش تعاني

لسه حاتحكي ماضي فات

ناوي تقلب ذكريات

فكرك حاتحيي حب مات

روح ادفنه

.........

يسرى عثمان