اتعاهدنا
-------------
دخلت قلبه لقيتني هناك
قلبه قال .....دانا بستناك
وبقوله انا جاي وخايف
قال خليك… .انا بترجاك
اطمن قلبي وانا جواه.
كانت الفرحه مش سايعاه
واتمنيت الوقت يطول
واعيش العمر كله معاك
وخدني قلبه بالأحضان
كنت ف دفا ويا اطمئنان
قالي فينك ياعمري انت
شايف سعادتي وانا وياك
واتعاهدنا نكون مع بعض
والحب بينا يكون الفرض
ونكون واحد مش اتنين
نزرع ورد بدون اشواك
-------------
بقلمي / رمضان عبد الله احمد
