صباح الخير ..... للشاعر / محمد زايد

** صباح الخير **

فيه صباح الخير عندنا

لم المشمر والمحمر مننا

لو حتي جاي المسي عندنا العواف

هي عاده ماشيه مش كفاف

والا شح الكلام والجفاف

يبقي راح فين العفاف

والا صابنا الأحباط والجفاف

كنا نمشي نبحتر الصباح ع الضيوف

ونبدر المسا ع الصفوف 

مره بالورود ومره بالدفوف

راح فين مبدأ العداله بين الألوف

صباح وعد ي ودور في غيره للظروف

قال رسول الله صل الله عليه وسلم

إفشوا السلام بينكم تتحااااابواااا

محمد زايد

رباعيات ..... للشاعر / عماد زكريا

رباعيات

شاعر الزمن الجميل

قدم السبت

اللى يعيش دنيته بيموت فى نفس اليوم

أما اللى أشترى بكره .العز عليه بيدوم

راح يخزى عين الناس.والكلام واللوم

ويعيش النهارده وبكره .والخير يعوم فيه عوم

شوية دردشة ....... للشاعر / عبد المنعم السقا

شوية دردشة

......................

يا عالم الوجوه

تتقابل تاني

بلاش تكشر في وشي

راحو فين

بقيت وحداني 

تقعد ولا أخد

بعضي وأمشي

فاكر كنت

زمان المعجباني

دلوقتي بِدك

تنط في كرشي

نار يا واد

شر الفراق النمنماني

بعد العَتب

أخر درج عشبي

حدوة حصان 

فك اللسان 

علي طريق العجب

أنحسر رمشي

عندي سؤال 

بين الكلام

ليه الملام

ماخطرشي 

.......................

شوية دردشة

....................بقلم.............

عبدالمنعم السقا

مسحراتي وبيقول يالولو ......... للشاعر / عبد الله رمضان

كلمات بسيطة كتبتها 

لأشارك اخي الدكتور الحبيب 

د. وائل.. احتفاله بعيد ميلاد ابنته الحبيبة 

******

مسحراتي وبيقول يالولو 

عيدنا بقي عيدين 

فرحتنا بيوم ميلادك

ماليه قلب وعين 

وعقبال كل سنه 

نكتبلك كلمتين

وانتي فى سعد وهنا

ونغني غنوتين 

غنوة لبابا حبينا 

واولادة الطيبن

عايزين الكل يصحي

ويهني لولو الغاليه 

ولصوت الطبله يسمع

دقاتها الليله عاليه 

دقاتها مش عاديه 

ولا زي كل ليله 

والناس م المغربيه

بتهني رايحة جايه 

العفو ربانى ........ للشاعر / يسرى عثمان

يا ناس العفو رباني

ومش بفلوس

ان كان القلب بيعاني 

قساوه ودوس

ف دوس 

انت علي الماضي بتكبيره

وصلي وصوم بلاش

تبقي كدا متعوس

الأغنية الفائزة بالمركز الأول في ( مهرجان القاهرة التاني) ... للشاعر / حسن عمران

الأغنية الفائزة بالمركز الأول في ( مهرجان القاهرة التاني) 

من كلماتي وقد فازت عن لحن وغناء احمد ابراهيم..كان الكلام ده يا حضرات عام ١٩٩٦..خدوا بالكوا عام ١٩٩٦.. وشوفوا بقي الأغنية كانت بتقول إيه :

وانا طفل صغير احلامي.. 

لسه بتحبي مع ايامي .. 

كان جدي بيشغل ايامي ..

بحلاوة الحلم.. 

يحكي لي عن الحرب الاولي.. 

الحرب التانية.. 

وضماير دايما مشغولة.. 

أزاي يضحك هم الدنيا؟! ..

وحلمت بعالم فيه سعادة.. 

اكبر يكبر حلمي زيادة.. 

واسأل روحي بحكم العادة.. 

طب ليه الدم ؟! ..

ليه العالم احمر داكن؟! .

والخوف جواه عايش ساكن؟!

والأه تهزك يااماكن؟! ..

اه من الظلم!!.. 

اسئله جوايا بتتردد مابتتحدد.. 

وولادي محتاجه اجابة .. 

عن نفس الحلم!! 

حسن عمران

ليلة القدر .............. للشاعر / محمد حجاج

ليلة القدر 

ليله بستناها من زمن بعيد

يمكن تعوض واحد

عاش حياته عربيد

ما صام ولا صلى

إلا لما الشباب ولى 

عد.. وعد .. وعد

كام خطايا للجبل تهد

وتشيب الوليد

كنت فاكر إنى عايش سعيد

أتارينى عن السعاده بعيد

ولما شابت الزوايد

وانحنى العود

ومبقاش م الرحيل بد

بديت استعد

واستنى الليله 

من سنه لسنه

يمكن على تجود

يارب أكون 

باليله دى موعود

وببركتها أعود

ماهى قيمتها 

1000شهرممدود

وترجعنى عابد

للرب المعبود

وتخرجنى من درب مسدود

لرحمة رب موجود

رب غفور ودود

فعال لما يريد

بقلم:محمد حجاج

رباعيات رمضانية /28 .......... للشاعر الفنان / معوض حلمي

يللى بدعتو ف يوم ألقاب ..... للشاعر / نبيل الورداني

يللى بدعتو ف يوم ألقاب

خلت كله بيعمل بيه

دانتو فتحتو كتير أبواب 

حتى الجاهل نط عليه

طلع الحلم ساعتها سراب

وانا مش عارف أعمل إيه

حتى حبيبى طلع نصاب

قلت يارب ياريت تشفيه

{نبيل الوردانى}

خاطرة رمضانية ..... للشاعر / محمد عباس أبو عمر

خاطرة رمضانية

~~~~~~~~

فرصة يا مسلم في رمضان

أبواب الجنة مفتوحة

قرب دايما م الرحمن 

يجبر كل قلوب مجروحة

~~~~~~~~~~~~

ارفع ايدك وادعي بدعوة

فيها إخلاصك ويا التقوي

أدعي بدمعة مع الخاشعين

ويا حنين ........ للقاء الله

~~~~~~~~~~~~~

خلي ثمار ... صيامك صبر

عيش بالصدق وانسي الغدر

قرب قلبك ........ م القرآن

كفايانا ........ بعاد و هجر

~~~~~~~~~~~~~

طهر نفسك ...... بالصدقات 

وازرع جواك ..... الحسنات

عود أهلك ..... ع الطاعة

وقناعة ......... بعطاء الله

~~~~~~~~~~~~~

مهما ذنونبك تبقى عظيمة

رحمة ربك ..... أعظم منها

انوي التوبة دي من قلبك

عيش دايما لرضاء الله

~~~~~~~~~~~~~

القرآن و الصوم شفعاء

وللصايم ..... باب الريان

كل أعمالنا ......دايما لينا

إلا صيامنا ........ هو لله

~~~~~~~~~~~~

ربك يجزي ثواب الصوم

للي يخاف منه و يخشاه

ربي أكتبلي ثواب الصايم

وفضل جوار رسول الله

~~~~~~~~~~~~~

صل الله عليه وسلم

شعر///

محمد عباس أبو عمر