جرحي ..... للشاعر / ابراهيم الحداد ( نسر الغلابة )

جرحى

........

سمعت صراخ من جرحى

وألم بيشد منى الروح  

وقالى جرحى ياويل تعبى

بتضحك وأنته كده مجروح

جراح وألام تأسيها

ونار المر أنكويت بيها  

وحالف للضحكه يوم ما تروح  

شكلك بتضحك حلاوة روح

رديت وقولت يا جرح  

يا منسينى طعم الفرح  

من أمته كان البكا

داوى عليل مجروح  

..............................

كلمات /ابراهيم الحداد

 نسر الغلابه

صمت الانتظار .. قصة بقلم / مجدى متولى إبراهيم

 

قصة قصيرة
صمت الإنتظار

لاشئ سوى صمت موحش ولحظات انتظار, عيناى شاخصتان ترقبان المقعد المجاور لي: هل سيأتى ؟ الوقت يمر, كل فينة وأخرى أنظر إلى الساعة, بدأ يحاصرنى الشك, كما يحاصرنى الماضى فى إصرار يقرع طبلة الأذن, الذكريات تجتاح رأسى, كل شئ تلاشى أمامى.. أتخذت لنفسى مكانا فى أقصى الركن أستطيع من خلاله مراقبة الداخلين والخارجين . 
جلست بجوار السياج الحديدى الصدئ, أتامل البحر الممتد أمامى وقرص الشمس على وشك الغروب, أشعر بالقلق, وأنا فى انتظاره.. أغرق فى بحر التمنى وانتظر, واستمر اطارد فرحاً بات مستحيلاً, فرجا لايأتى. الفراغ الذى حولى. البحر قابع يتربص بى. صوت الصفير يأتى من خلف السياج الحديدى الصدئ. السكوت. بينما أخذت المشاهد تتحرى طريقها إلى بصرى, ويستمر قلبى ينبض لكنه متعطش لقلب يسمعه ويتسع لحلمى الصغير. ارسم ايماءات الفرح القادمة فتقوى عزيمتى, وأتابع المستحيل. قشرة الأرض المهترئة تطلق هشيمها, تحت دهس الأقدام, يتصاعد غبار المارين من حولى. استنشقه يجف ريقى. ابتلع الصمت وعيناى ترقبان المقعد المجاور لي. ابتسمت ساخرة
: أنا الآن انتظر, وانتظر ولا أفعل شئ سوى الانتظار .

مجدى متولى إبراهيم

Magdy Metwally

خنقنا الضى .... للشاعر / معوض حلمي

 

 خنقنا الضي 

...........

عمري الفايت 

عدى فتايت راح متكسر

عمري الجاي 

ناقص ضي ومش متفسر

واللي يحسر 

ليلنا القاسي مخاصم حلمه 

سارح جوا جروح الروح 

وبيكبر ظلمه

واترجيت الفجر يلمه 

لاجل يغور

يبعت بس شعاع النور

لاجل اتوضي أمان الدور 

وابدر فكره بقلب جريئ 

واسيبها في علم الله

يمكن بكره تنجي غريق

وتداوي الآآآه

نصيحة أبويا على كتافي

لو تمشي مابين الناس حافي

إفتح لطريق الحق مداه

واوعى تكون من بعدي إله

ويساعدك في ألغى هامان

دا الحكمه اللي بتبني حياه

بتيجي تملي من الأحزان 

ومفيش شبعان بيحس الجوع 

ولاعاش إحساس واحد موجوع

العفه إذا راحت 

مالهاش في زماننا رجوع

الدوا مصنوع من أفعالنا 

المليانه اماني وزيف

والشاطر يدخل أفكارنا 

يتعرف على قلب نضيف

ألوان الطيف السبعه 

عدت ألفين

شياطين وشالونا مرابعه 

رايحين على فين

معادتش اللقمه تكفي اتنين

ولا عادش حمام

ولا عاد العش يساع ولفين

ولا عادش سلام

زرع إيدينا آثام في آثام

غاب الوعي وضاع الفهم

تجار ألغى بيبيعوا الوهم

نصبوا لنا السيرك

أكلوا الصدر وغلوا اللحم

وسابولنا عضام الورك

وسنان الجوع التالمه

بتمصمص لحم العالمه

وبتلعن صنم الغي

فتحنا الباب للضلمه 

وخنقنا الضي

................................ 

بقلمي الفلاح الفصيح 

معوض حلمي 

منشأة بطاش 

تمي الأمديد 

دقهلية

يوم التقينا ... للشاعرة / نجاة قطب

يوم التقينا 

............

يوم التقينا ويوم لم نصدق القدر 

يوم رأيتني فى أول لقاء بعد أيام وسهر 

يوم حملت بقلبك كل حنان الكون والبشر 

يوم امتلأت عيناك بكل الشوق والعبر 

يوم نطق لسانك بكل كلمات الشوق والعطر 

ولما رأيتك ظننت أنى أحلم بالمستحيل المنتظر

ولما اقترب ودنوت منى ذاب الجليد والحجر 

ولما صافحتك صدق الحقيقة والقدر 

ولما كلمتك أدركت انك الموت والحياة لا مفر  

.....................

بقلم / نجاة قطب

  Nagat Kotb

يمين بالله ..... للشاعر / احمد علي السبكي

( يمين بالله )

.................

يمين بالله وحشتيني

يا اغلي عندي من عيني

تعالي قوام هنا عندي

عشان بعدك بيكويني

يمين بالله

أنا العاشق أنا الولهان

لقلبك والعيون جارحه

نسيت ناسي نسيت لاحزان

وحسستيني بالفرحه

يمين بالله

ح اعيش طول عمري قدامك

وحبعد كل خدامك

واكون لرموشك الحلوه

عاشق ولهان في احضانك

يمين بالله

.....................

بقلم / احمد علي السبكي 

فى الصبر أنا أيوب ........... للشاعرة / راوية حسن

فى الصبر انا ايوب

.....والصبر انا صاحبه

....وياما صبرت كتير

.....وادينى اناصابره.

.....مهماتزيد الاحمال

.....وان كانوا تقل جبال

....حصبر على دى الحال.

.....واقول انا صابره

......انا صبرى زاد ياخال

......وتنكروا الاندال.

....وسابونى فى الترحال

.....ويا الحياه القاسيه

......قسيت عليا كتير

......وانا اللى همى كبير

....مالقتش حد يشيل

....ويخفف عليه

......وانا اللى بختى مال

....وماكانش همى المال

.....لكن لضيق الحال

....رفعت انا ايديه

.....دعيت لرب الكون

......والملك والملكوت.

.....ان الحياه دى تهون

.....انا حملى زايد موت

.....حصبر من تانى ياناس

.....وادعى قوى باخلاص

.......واقول يادنيا خلاص

.....وجعى بقى مكبوت

..................

بقلم /  راوية حسن

أهل علينا الشتاء ......... للشاعر / سمير حموده

                            

*ـــــــــ{ الشاعر ... بحر هائج متلاطم المشاعر }ـــــــــــ* 

*ـــــــ( حلم من السماء.. فى ليلة زمهريرة الشتاء )ــــــ *

*~~~~~~~~~~~~~~~~~~~~~~~~~~~~*

اهلّ علينا الشتاء..ف الجمنا الزمهرير نبحث عن الدفـاء *

تكوّرنا على اجناب سرارئنا ..متخذين وضع القرفصـــــاء *

تلحّفت باوّعية الشتاء .. ناظرآ للنافذه متأملآ لأجواء السمـــاء *

رنوت الى الافق البعيد ... اجترّ الذكريات ومامضى من انبـــاء *

فأخذتنى سنة نعاس ... ف رحلت ل مستودع الاحلام ... اشتهـــاء *

ورأيت مايرى النائم.. من عزائم .. ابصرت قنديل يشعشع بـ الضياء *

دنا منى .. وخرج منه .. كائن غريب الهيئه !! متلحّف بسحابة زرقــاء *

سألنى لماذا استدعيتنى؟؟ وعن ماذا تبحث..هل فقدت شيئا من الاشيــاء ؟ *

تلجّلجت حواسى لبرهه.. ثم عاودت الاجابه.. فقدت عمرى فقد ذهب فنــاء *

فقال لى .. الم تعشه وافنيت زمنه ؟؟ قلت نعم.. ولكنه ذهب منى سدى هبـاء *

فقال اذا ماذا تريد بعد ؟؟.. عمرك وافنيته وعدّدته عدّ .. امّا الغدّ فعليّه غشـاء *.

قلت له قد صدقت .. لكنى اشتهى زمن الماضى .... فهلّ لى من عودة للـوراء *

قال واىّ زمنآ تريده ؟ وتشتهى ان تعيشه ! فدعنى اخمّن لك ! انه زمن الصباء *

اهذا ما تبحث عنه ؟ فالجميع يتمنون الاقتراب منه !! لكننى سألبى لك النــــداء *

سأئتى لك به .. فقط فى منامك ... فانتبه !! فلن يفيدك بل ستزداد منه عنـــــاء *

فـ الزمان يسير على هدى مستقيم !!.. فلا عوده للوراء !.. ونحن له ارقــــاء *

فقلت له هات ماعندك !.. فانى فى أشتياق !!.. ان ارى هذه الومضـــــــــاء *

فرآيتنى شاب صغير .. يافع * نضير*... ومفعم التفكير .. بجد وأرتقـــاء * 

فهناك .. تمنيت ان اكون رجل دهاء ! مكنمل النضج .. بلحية بيضــاء *

وهنا تذكرت اننا.. دائما نرفض ازماننا ! لكن ..لارثاء .. ولاعــزاء*

فقلت لملك الاحلام ! قبل الافاقه ! لاتأتينى بهذه الاحلام الرهقــاء*

فسأحيا بزمانى ..حتى حين مماتى .. راضيآ بألقدر وبالقضاء*

ــــــــــــــــ بـ قلم * سمير حموده * ـــــــــــــــــــــــــــــــ*

انا حارس ببان الخير . للشاعر / شريف بدوى

الطيبة فى الزمن ده عيبه ... للشاعر / وليد فارس

                                        

الطيبة فى الزمن ده عيبه

.......................

بتمر الثواني 

وتجمع سنين 

ودائما يا زماني 

بتيجي علي الطيبين

اللي محليتهمش حاجه 

اللي عايشنها بسذاجه 

ما ليهم غير ربنا 

بامره كل حاجه

الناس اللي احنا منهم

ستر ولقمه حلال املهم

اللي الحظ تملي 

ماشي عكس اتجاههم

في ناس في الدنيا دي عايشين 

والسكينه سرقاهم

ما يعرفوش طريقهم فين 

وعلي فين الحياه وخداهم

عايشين والهم في قلوبهم 

في ارض الله مشحططهم

وناس عايشه علي ظلم ناس 

فاكرين الدنيا دايمه لهم

وفي ناس ما يعرفوش الخير 

ومات برضو الضمير فيهم

عايشين بس يئذوا الغير 

وغدر الدنيا في عنيهم

ده ربنا وزع الارزاق

ولكل واحد فينا رزقه

في ناس معدومة الاخلاق

وناس بالقليل يرضو

كلمات :

الشاعر وليد فارس

Walid Fares

خليها تصدي ........... للشاعر / عرفه الجهيني

                        

خليها تصدي 

قول يامعفن هات افكارك

دي بتخالف شرع ودين

ملعونه ناسك مع سلسالك

جبت الجهل دي كله منين

دا احنا بناتنا جواهر غاليه

وانت رحيتكم رايحه تفيح

اللي تصدي دي امك واختك

علشان خامه خرده صفيح

مفيهاش دي بختي وبختك

ولا منين راح اقدر اعيش

اصل بناتنا دهب صافي

واحنا دهبنا مبيصديش

بكره الحمله تيجي عليك

وتتصنف ياعيل سيس

ولا بنوته تبص لاهلك

علشان تافه وبتاع فيس

ازي هتشوفك انت راجلها

وانت يادوبك بغل وتيس

دي انسانه وليها مشاعرها

دي كتلة حب علي احاسيس

احنا بناتنا جواهر غاليه

مش نجرحها حتي ف فيس

...................

بقلم / عرفه الجهيني