سجال حب الوطن للشاعر سعيد عباس الضو والشاعرة راوية حسن

سحر الصيدلي

لكلماتكم معاني ولحروفكم جمال ولإحساسكم دفء يعطي لعالمنا الرونق والمشاعر الدافئة فقد تميزتم بريشتكم التي تكتب كل الألوان وترسم زخات عطر تبشر بالجمال والتفاؤل والرقي 
اشكركم على جمال حروفكم التي تعانق ابداعاتكم الرائعة والتي سنقضي معها وقتا ممتعا بسجال بين عملاقين من الشعر والادب...
الشاعر الراقي والمتميز الأستاذ سعيد عباس الضو ...
. والشاعرة المتألقة والمبدعة الأستاذة راوية حسن ...بكم ومعكم يحلو السهر ومع حروفكم نعانق السماء بأجمل الحروف...
سهرتنا الممتعة ستكون برفقتكم أعضاء فن البوستات فأهلا ومرحبا بكم في سيجال هذه الليلة بإدارة الأستاذة سحر الصيدلي
والعميد الأستاذ كمال العطيوي

سعيد عباس الضو

 انا عاشق ترابك ياوطن

وحاطحنه واعمله حنه

واحنى رجليه وكفوفى

واوزع لكل اللى يتمنى

يا ننى عينى وشوفى

يا نهر انتى من الجنه

راوية حسن

مصر دى ضله وجنينه

طول عمرها خيرها علينا

واللى يحب مصر يجى

حيكون فى قلوبنا وعنينا

سعيد عباس الضو

 حب الوطن من كمال الدين

وترابه زعفران لكل المحبين

وان حاولوا مره يخيرونى

اقول سيبوه وفداه الف عين

راوية حسن

 مصر بولادها عفيه

عالعدا دايما ابيه

واللى يفكر مره يهينها

حيلاقى فى قلبه بندق

والكل عنها حيدافع

الفلاح حتى المزارع

راوية حسن

مصر يام الابطال

والعزيمه والنضال

عمر اولادك مايسيبوكى

ﻷى عدو او محتال

سعيد عباس الضو

 يامصر ياللى الأمل

شامه على جبينك

وباقيه طول الزمن

شمعه لمحبينك

بدعى رب العباد

يحميكى ويزينك

راوية حسن

 مصر بلدى ياأبيه

طول عمرك يابلدى قويه

واخده اولاده تحت جناحها

لجل ماتكون......قويه

سعيد عباس الضو

 ياللى حبك منقوش ف القلب

رسم البسمه ف وسط الدرب

إنتى مناره الوطن العربي

وطاقة نور مفتوحه للغرب

راوية حسن

 ياللى ترابك زعفران

واخده وضعك بالتمام

ولا حد يقدر يخطى

خطوه واحه للامام

من عدو او من مغير

دايما بيننا تستجير

على طول نلبى الندا

لجل نحميها من العدا

راوية حسن

مصر دى ام الابطال

وطول عمرها ولاده

واولادها فى قوة الجبال

يبنوا مجدها........كالعاده

واللى يفكر .....يأزيها

مش طالع عليه........نهار

اكيد حيندفن..........فيها

لو فاكر نفسه من الشطار

سعيد عباس الضو

 يامصر يامه يا طيبه

يابلادى ياخفه وزوق

خليكى منى قريبه

تلاقينى جايلك بشوق

سعيد عباس الضو

 عاشقك بكل مافيكى

بالحصوه والرمله

أهدى حياتى اليكى

يامو الدموع سايله

سعيد عباس الضو

 قالوا فيكى قولت فيكى

بس روحى عاشقه ليكى

مهما قالوا ومهما عادوا

لايمكن هاقسى عليكى

سعيد عباس الضو

 ملعون أبوه اللى قال

إنها فى يوم تخضع

دى هى مصنع رجال

واللى ماسمعش ياسمع

سعيد عباس الضو

 حبك بينسينى الكون

مخلينى للنجوم واصل

تقول عاقل تقول مجنون

اهوه ده الحاصل

عايش في حاله سكون

فى ذكرى من الماضى

كأنى ياحبيبتى مسجون

وواخد حبس انفرادى

لا أنا بنام ولا أقوم

فى عشق متواصل

راوية حسن

 طول عمرك يامصر مقبره

للى يحاول يعتدى

والعدو واللى افترى

ابدا لا يمكن يعتدى

تعالى احميها ياولد

ماللى يدوس على ارضها

دى مصر دى اغلى بلد

انت اللى تحمى عرضها

احمى بلادك مالعدا

وكل شبر من ارضها

من كل واحد اعتدى

ولا حتى فكر فى حربها

دى مصر دى اغلى بلد

وده جيشها عايش لنصرها

اللى يعاديها ماتولد

ولافكر مره يقرب لها

لاله اهل ولا له سند

سعيد عباس الضو

 ياعشق منقوش ف روحى

دى مصر بلسم جروحى

أعيش وراضى ب فقرى

وهى تسكن صروحى

راوية حسن

 انا عشت فى قلب ارضها

الشجر كان ضلها

والقمر كان.... ..ضيها

وعشب الارض فرشها

سعيد عباس الضو

 دا كل حصوه في ترابك

تساوى مليون وطن

ملعون أبو اللى سابك

لشويه ناس م العفن

راوية حسن

 من ترابك ايدينا تتحنى

ونهرك ينبوع مالجنه

يامصر كل اللى جالنا

بوم يشرب من نيلك

تانى يابلدى حيجلنل

راوية حسن

مجيشك يابلدى مافيش منه

فى القوه قوى مافيش زيه

قاهر العدا من يوم احمس

ولحد اكتوبر عامل عمايله

راوية حسن

 مصر دى بلدنا وغاليه علينا

هى دى روحنا وضى عنينا

ومهما بلدى تقسى علينا

ده احنا فى حجرها اتربينا

لما الام تقسى علينا

ولاتضربنا حتى شويه

دى اديها فيها الحنيه

وترابها ده فيه مراضيه

راوية حسن

 مصر يا ام السنابل

غير حبك مأنا قابل

من خيرك باكل وبشبع

لوعيش حاف انا قابل

مصر انتى كلك دفا

فيكى الحب فيكى الوفا

اللى يقول غير كده

يبقى اكيد من العده

مصر حاميكى ولادك

اوعى تفكر يوو بلادك

تتخلى عنك وتسيبك

دى اللى مدحها حبيبك

قال عليها كل خير

ووصى بيها الخليفه

وقال ان دى مصر الخير

من اول بدأ الخليقه

راوية حسن

 ابن مصر الله عليه

مصر دايما غاليه عليه

يفديها بروحه وعنيه

ولاحد يقدر عليه

راوية حسن

 قوم يامصرى ياأصيل

خلى بايديك المراسى

اوعى شراع بلدك يميل

بإيدك انت حيكون راسى

اوعى تدى بلدك للخسيس

اللى يبيعها..........بالرخيص

اكيد ساعتها .....مايساويش

لانه خاين .....وخسيس

راوية حسن

 ابن مصر الله عليه

مصر دايما غاليه عليه

يفديها بروحه وعنيه

ولاحد يقدر عليه

راوية حسن

 ياسلام على ضلك وهواكى

ولا الطير اللى فى سماكى

ولا الدفا اللى فى ولادك

ولا الحب اللى فى ناسك

راوية حسن

 السهر ويا القمر

والقعده فى ضل الشجر

دايما حاميها القدر

راعيها رب البشر

راوية حسن

 ماقدرش على البعاد

ولا ليا غيرك بلاد

انتى يارض العماد

مين حيقدر يهزمك

ولا يعرف يخزلك

عشان انتى اولك

حاميه اللى بيلجالك

الحلقة السادسة ... وبات الحزن على خدود الجمال ... بقلم سحر الصيدلي

وبات الحزن على خدود الجمال 
بقلم الكاتبة سحر الصيدلي 
1/4/2018
هنا قررت الرحيل من بيت اهلي لأجنبهم الفضيحة والألم والعار الذي سيكون بصمة كبيرة بين اخوتي فكتبت لهم رسالة من كلمات قليلة .. سامحوني ولا تسالوا عني وأعلنوا وفاتي للناس ..سلمى... ومع بزوغ الفجر تسللت من المنزل باتجاه المحطة لأركب القطار المتجه للإسكندرية وأكون وجها لوجه مع شريف ويجد حلا لمشكلتي فهو المسوؤل عن هذا الطفل الذي لا ذنب له سوى غلطة ارتكبناها بحقه دون علم او ارادة منه .. وصلت الاسكندرية والتعب والإرهاق يلف بي من كل جانب وصوب ولا اعرف الى أي مكان سأسير ومكثت بالمحطة وأنا اتصل بهاتف شريف دون مجيب ودموعي تسابق رنين الهاتف فخيم الصمت على حالي وبخ الالم رذاذه على جسدي وقرصني الجوع وتملكني اليأس والوحدة وشعور لا اعرف كيف اصفه ...اه كم مؤلم أن تبقى وحيدا ولا تجد أحد بجانبك يدلك او ينصحك او يحول هذا الواقع الى حلم مزعج تستيقظ منه لتقول لنفسك لقد كان كابوساً وانتهى ..هنا بدأت افكر الى اين اذهب وأنا لا اعرف احدا بالإسكندرية هل أمضي ليلتي بالمحطة ام اعود الى اهلي الذين عرفوا سري وتلطخ شرفهم بعاري...لالا لن اعود مهما كلفني الامر وعلي ان اجد مبيتا للصباح ثم أعاود الاتصال بشريف ليأتي ويأخذني الى أي مكان ثم يعلن عن زواجي امام الجميع وتنتهي مأساتي .. لكن للأسف هاتفه لا يرد وما علي إلا البقاء هنا في المحطة فهي المكان الأكثر أماناً من أي مكان أخر اذهب اليه وخاصة أنني فتاة وحيدة وصغيرة وجميلة والذئاب البشرية لا ترحم...وبينما كانت الأفكار تتجاذبني إذا بصوت نسائي يكلمني فالتفت بسرعة لأجد امرأة في العقد السادس من عمرها تقريبا..وبحنية الام تسألني ..ما مشكلتك يا ابنتي ؟؟وهل انت هنا لوحدك ؟؟وأين اهلك؟؟ أراك قلقة.. منذ ان نزلت من القطار وأنت تجلسين هنا بمفردك..هل تأخر من سيصطحبك إلى المنزل ؟؟ان كنت تعرفين العنوان انا اخذك اليه فأنا انتظر هنا ابني القادم من القاهرة لاصطحبه الى البيت بإمكاننا ان نوصلك الى أي مكان تريدينه ...نظرت اليها مليا ثم أجهشت بالبكاء وارتميت على صدرها دون اذن منها وأفرغت عليه كل احزاني وآلامي وما بي من عذاب وكأنني أعرفها منذ زمن ..احتضنتني بكلتا يديها وهدأت من روعي وقالت سآخذك معي الى بيتي نشرب القهوة معا وهناك ان شاء الله سنجد حلا لمشكلتك ...وبينما كنا نتناقش في الأمر إذا بشاب وسيم الطلة يتقدم نحونا ويقبل يد المرأة بكل احترام ويهز رأسه لي بابتسامة انيقة ثم يقول لوالدته اين سيارتك يا ست الكل لأحمل الامتعة اليها ..هناك ياولدي وخذ بطريقك هذه الحقيبة ايضا للآنسة لأنها ستشرب عندنا القهوة ..على الرحب والسعة قالها بهدوء واتزان... فالتفتُ الى المرأة وقلت لها اسمي سلمى يا خالة ..أهلاً بك ومرحباً سلمى ..وأنا أم محمد وهذا هو ابني ووحيدي وهو كل دنيتي وسعادتي ..ربنا يحفظه لك يا خالة قلتها والمرارة تعتصر قلبي على ما حل بي وكيف زرعت الشوك بيدي وأنهيت مستقبلي من اجل لحظة عابرة كانت دماراً لحياتي ولكن كلي امل ان ينصلح المسار وأتزوج شريف وتعود حياتي طبيعيه كسابق عهدها رغم انني خسرت اعز ما املك وهم اهلي وإخوتي وشرفي الذي لم احافظ عليه وأنا الفتاة التي تربت على الاخلاق والمثل ولكن تلك مشيئة الله وعلى ان انال جزائي ليكون درسا قاسيا لي اعتبر منه بقية عمري ..وانتبهت على صوت ام محمد وهي تقول هيا بنا يا سلمى فقد بدت معالم التعب واضحة على وجهك وأظن أنك حامل لذا عليك ان تأخذي قسطاً من الراحة . شكرتها وركبت السيارة وأنا في غاية القلق والتعب والحيرة من المجهول القادم ولكن ليس أمامي خيارً أخر سوى ان اقبل بما كتبه لي ربي ...غفوت بالسيارة ودون ان ادري...