·
بروفة لحب جديد
ما تيجى نعمل بروفة جديدة
لحب نهايته سعيدة
وبلاش فراق و تنهيدة
ولا ظروفنا عتيدة
ما تيجى نشبك قلوبنا من جديد
بخيوط تكون حديد
ندوس على كل القيود
ونفرش عشنا
ولو في اخر حدود
صدقيني مرة واحدة
ان بعدك صعب احتماله
وان مهما حاولت انسى
التقى فى النسيان خياله
وان انتى حاجة تانية
حاجة تدى الروح حياة
فكن حبيبي كن حبيبى
يعنى لما امد ايدي
القى دفاك فى ايدي
نبقى شجرة حب صبح ومغربيه
يبقى نور حبك شمس لما تغيب عليه
يبقى نبضي يدق عندك
وانت نبضك جوا فيه
نبقى بيت نبقى ضليله في غيط
نبقى فدان انسانية
تبقى بوصلة لحلمي اللي غاب عليه
كن حبيبي
لما كل الناس تفارق
التقيك في المفارق
فرحة طالة تملى كل الدنيا ديه
يا حبيبي
كن حبيبي
محمدعبدالمقصودداود
ليست هناك تعليقات:
إرسال تعليق