خراب البيت
ناكره حياتى معاكى ليه يا مدام
اصل الحياه . الحب . مش عافيه
ليه النكد وتقلبيها خصام
ليه الغرور والنيه مش صافيه
عملت ليكى العيون خُدام
شفت الجحود واحضان مش دافيه
فى كل كلمه بتزرعى الالغام
وكات مشاعرك ناقصه مش كافيه
فوقى لكلامك صحصحي يا مدام
دى الكلمه نور لو اللمبه كات طافيه
عشت معاكي وقلبى لساه خام
لو يوم تحول هاتخسرى العافيه
بلاش قرايه الورق وتفسير الاحلام
وبلاش عنادك دى راقده ودى طافيه
كل البلاوى اساسها بعض كلام
صوني لسانك عيشتك تكون دافيه
يابنت فوقي وبطلي الاوهام
غيرك بيسرح والقدم حافيه
عايش معاكى ماقلتي مره سلام
حاولت يوم اوصفك نسيت انا القافيه
فوقي
ليست هناك تعليقات:
إرسال تعليق