مجلة ثقافية أدبية فنية
الأربعاء، 30 يونيو 2021
الثلاثاء، 29 يونيو 2021
راجع حزين من شغلى ........ للشاعر / مصطفى الشحات
راجع حزين من شغلي
تعبان ورابط رجلى
مخنوق وشايط مغلى
وراكبنى 100 عفريت
.......
دانا مش طايقها هدومي
وانا راسي شايلة همومى
قرفان أوى طول يومي
وزهقت من التنطيط
.......
لك ونقير مش طالبة
ودماغى مقلوبة قالبة
انا نفسي اروق حبة
وادارى جنب الحيط
.......
وأقول ياحيطة دارينى
وأقول يابيتى إإويني
واقفل عنيا ألاقيني
فلاح راجع من الغيط
.......
الاقيها مستنية
متكدرة ياعنيا
شوف مين عمل عملية
ومين تقيل وحويط
.......
وجارتنا جوزها هجرها
والليلة دي هنسهرها
والشقة هنغيرها
ونجيب بدلها ياريت
.......
وانا أقولها ياولية
هو انتي مستنية
اهدي عليا شوية
إيه ده؟ ياريتنى ماجيت
.......
استني لما اتعشى
وارتاح كدة عالفرشة
لاتلاقي اغبى مقشة
فى قفاكى وابقى عبيط
.......
تقولى مانت قاهرني
على طول كدة وكاسرنى
غنيلي يامسهرني
مانا ياما ليك غنيت
.......
دلعنى قول ياحبيبتي
وانا أقولها يامصيبتي
هو انتى مرة طلبتى
حاجة وانا استنيت
.......
حطيلي آكل أرجوكى
يا تروحى للى جابوكى
وانا هاشتكيله أبوكي
وهاحكي كتير حواديت
.......
خلاص سكت ياخويا
وانا رايحه عنده أبويا
عندك هناك زيت صويا
واتفضل اطفح بيض
.......
انتى زعلتي يابطة؟
والله آخر غلطة
لو حتى فول بالخلطة
من إيدك انتى great
.......
ياحبيبتي يا ام عيالى
وهواكي شاغل بالى
حضنك ده بالنسالبي
أحسن من أحسن بيت
.......
💘💘💘💘💘
بقلمي
مصطفى الشحات
الاثنين، 28 يونيو 2021
فى حضرة جناب الشِعر .... للشاعر / طه علي الدين
فى حضرة جناب الشِعر
إفرد على الآخر
إكتب فى عالى السعر
و اللى مالوش آخر
و اللى فى حبه إنجرح
و اللى ف هيامه سرح
و عن الصلا و السبح
و الجد و الساخر
فى حضرة جناب الشعر
فضفض و لاتخبيش
عن اللى عاشها بنعر
و اللى خدم الجيش
إكتب عن الأحلام
عيش اللى جاى قدام
لو جالك الإلهام..
إياك تقول له مافيش
فى حضرة جناب الشعر
مدد و خد راحتك
إطلق عنانك للسما
بصدقك و صارحتك
ماتخافشي أبدآ لوم
ماتجيش على المظلوم
دوس فوق الهموم
و إعملها مُرجيحتك
فى حضرة جناب الشعر
ماتبصش على جيوبك
بالوهم إلبس درع
يفصل هموم يومك
و إركب مقام الغُنا
و غنى بالموال
سيكا،و بياتى وصبا
خلى بُكاك ألحان
يحلّى ملاحتك
كأنك إنت السبب.!
و إنت اللى سامحتك
الأحد، 27 يونيو 2021
السبت، 26 يونيو 2021
الجمعة، 25 يونيو 2021
الخميس، 24 يونيو 2021
الاشتراك في:
الرسائل (Atom)
فن البوستات كمال العطيوى
-
تحليل وشرح لحن قصيدة ( دعاء الشرق ) كلمات / محمود حسن إسماعيل ألحان وغناء / محمد عبد الوهاب اللحن والموسيقى من مقام (الرست) ال...
-
إسمحي ف حضرت جنابك أعترفلك بالحقيقه قلبي أهملتيه ف سابك وانتي ماطلعتيش بريئه إدعيتي إني إنتهازي وإني ظالم وإنحيازي وف غ...
-
تغريدة الشـــــــــــــعر العربي السعيد عبد العاطي مبارك – الفايد ( مصـــــــــر ) ----------------------------...
-
اهداء بمناسبة شهر رمضان الكريم وكل عام وانتم بالف خير شرح وتحليل لحن ( رباعيات الخيام ) على وزن بحر(السريع والخفيف والرجز) ع...
-
أنا وقلبي وأنت بقلم // سليمان كاااامل .... ********************** يهتز طربا حين لقياك يهيم وجدا بنور رؤياك ........ أقول ...
-
الشاعرة / إيمان محمد انا العاشقة لأيامه و ما أزعل مرة لملامه وكل شيء له ...
-
أمر عادي اللى بينى........ وبين بلادى شيئ طبيعى.... وأمر عادى يعنى عادى...... ألقى نورها جوه شريانى......... وفؤادى م الطبيعى....... أبق... -
في قريتنا ديك بيأذن ولابيصليش ديكنا بيحضر كل أوان لما نكون عاوزين إنسان يمثلنا لاجل نعيش ديكنا يأذن تلاقي دجاجاته واقفه وراه ونافشه الري... -
قلت لهم ذات يوم اني أصلي إماما بالقمر كذبوني وقالوا مجنون علمت بأن قلوبهم كالحجر وبلغوا أرذل العمر لكنهم لا يعشقون .......................... -
معنى كلمة الله 🥀 🥀 🥀 🥀 🥀 🥀 🥀 🥀 🥀 إسبانيه تشرح معني كلمة ( الله ) بعد أن عجز عنها العرب ... هذه الفتاة الإسب...
