حبة ورق .. بقلم شاعرة البحر / ايمان رضوان // تصميم الفنان كمال العطيوي

 

كفايه حرام ...... بقلم الشاعر / محمد زايد

 

كفايه حرام

ان جيت ع الجرح والدمل

ها قرالك سورة المزمل

وطرت في الهوا وناديت

قولت يا واد عذاب الليل

من انين الجرح باتعذب

ومن ضمور الفرح باتقلب

بقالي سنين وانا باكتب

عن حب جرحه متعذب

أنا في نور القمر باتسَند

والكلمه جوه القلب تتقلب

اهي قمره بتعدي معاها نجوم

لروح الروح لما تغيب

نجوم السما اقربلك وفيها غيوم

ياعم وحد واتنهد وروح في النوم

بقالي سنين انام واقوم كفايه ملام

إذا كانت دي مدرستي وفيها علام

حرمت يا مستر كفايه هيام

اعيش بقية عمري بلاها علام

اسافر و بشنطتي واجري

واقول الهجر لا بإبدي ولا بأمري

دا مكتوب في صفحتي دوغري

لسه مأنش اواني ومستني

الدور عليه من بدري كفايه حرام

اعيش وحدي متهني كفايه ملام

 

محمد زايد

 

 

 

من ابداعات الشاعر د. عصام أبو منظور // تصميم الفنان كمال العطيوي

 

بعتذر لك يا حبيبي يا محمد .... للشاعرة منال النبوي

 

منال النبوى

بعتذر على هذه الكلمات

ولكنها من واقع الحياه التي نعيشها الآن

ــــــــــــــــــــــــــــــــــــ

يا امة محمد
(صلى الله عليه وسلم ) 

يا حُمد وعُبد

ورُكع وسُجد

وكل اللى عظم

وكبر  ومجٓد

لربه موحد

وحب الرسول
(صلى الله عليه وسلم) 

يا بلد المساجد

يا مؤمن وعابد

بخاطب واناشد

وطني ومجاهد

واهل العقول

لشاعر وكاتب

شاب وشايب

وكاره وحابب

وحاضر و غايب

بكرر واقول

نسينا ماضينا

قفلنا عنينا

قتلنا بإدينا

أجمل ما فينا

وصابنا الخمول

وعشش قلوبنا

صدا من ذنوبنا

وبانت عيوبنا

وغيرنا توبنا

بتوب العجول

ليه الكل شاف

عموم انحراف

وضاع العفاف

بعولهم خراف

وشدوا اللحاف

وشبه الديول

سمعنا مصايب

شبابنا مصاحب

وقالوا مراحب

بأفكار تناسب

لدفع الضرايب

فــ وجدوا الحلول

بفيديو ورقصه

وضحكة وبصة

وتحريف فى قصه

ع الميديا ووصى

تشيٓر قناته

لخف الحمول

و نسيوا الحضارة

وفن العمارة

وحرفة بمهارة

وقال لك شطارة

نمنشن اشارة

بأن شعوبنا

بأربع رجول

حياتنا في هوجه

وعايشين في حوجه

وافكارنا عوجه

شمت فينا خوجه

لجل الوصول

صبح كله عادى

بناتنا فى نادى

تمد الايادى

لهادى وشاد

وكملت برقصه

ودق الطبول

عشقنا المواجع

وحاطين موانع

لنصح ومراجع

ورافضين نراجع

ونعرف دوافع

لجرم ومهول

صبحنا كبيرنا

بــ يشبه فقيرنا

وليه قل خيرنا

اللي كان كالسيول

صبحنا نقاضى

ولا حد راضي

وجيبنا اللي فاضي

مفيش حق لقمه

يغمزها فول

زادت شكاوى

وقاعدة قهاوي

وهلس ف غاوى

صبح كله غاوى

يفنن كــ حاوى

بحجة بــ  اعول

سمعنا جرايم

تهز المحاكم

وتقديم مظالم

لقاضى وحاكم

مفيش حل حازم

سارح بيننا غول

يا امه حبيبنا

كبرنا وخيبنا

و خايفين ينوبنا

لعنه تصيبنا

ويبقى نصيبنا

بإيدنا وعيبنا

رضينا وسيبنا

فسادنا يسودنا

نسينا الأصول