مجلة ثقافية أدبية فنية
دم الحنين
قطر الحياة مجبور
بيفوت أوام ويمد
عيش الأمل مسرور
ضي الحنين بيود
إندر لدمعك شوق
واروي الآمال بالرضا
إحضن شبابك روق
خللى اليقين لك عهد
قطر الحياة مسافات
والغيبة شوق حراق
توهة الأمل لذات
والحرفة للمشتاق
عشت الضنا والآه
رسمت صبري آمال
تايه في دنيا المال
والغربة خوف سراق
توهة وكسر وآه
دمع الفؤاد مايُسر
أوهام وكدب ووجع
دمّ الحنين بيشر
مرسال لقلب انخدع
ونفس مالها مكان
عدى زمان البدع
والحُر صِيته الصبر
ليه بتقسى عليه دايما يا أمى ارحمينى
دبل الدمع عنيه آه لو تشوفينى
شوقى ليكى قطم ضهرى طول حياتى
نفسى مره تمدى ايدك وتساعدينى
اياكى تيجى يوم عليه وتحرمينى
من حنانك ولو عطفك انصفينى
انا اللى زمانى غدر بيه وخان وباع
تبقى انت الإيد اللى تطبطب وتواسينى
بصى ليه فى يوم تعبت من اللى كان
لما الكل جه عليه وباع وخان
انتى اصلك مافيش منك فى الحياة
قلبك ده كله طيبه كتلة حنان
مهما اوصف ولا اقول محتاج سنين
اكتب واقول كتب كتير لاء دواوين
ومجلدات أملاها انا بكلام كتير
طيب قوليلى على اللى يسمع ويقرا مين
عمرى ما انسى شكلك انت ولاملامحك
هنت عليكى تروحى وتمشى الله يسامحك
جايز حرمنى انى اشوفك انا بعيونى
لكنه قلبى هو حافظ دمعك وضحكك
لوكل الدنيا اتجمعت فى قلب واحد
ده قلبك انت الأغلى عندى واله شاهد
مين يساويكى فى محبتك عندى فى قلبى
يمكن ابويا يكون معاكى يدى ماياخد
يااغلى اسم أجمل حروف كتبها قلمى
انا نفسى اكتب كل حرف فى اسمك بدمى
امى يا أغلى حد فى حياتى وبتحسى بيا
تحسى بفرحى وضحكتى وحتى ألمى
راوية حسن
يا قلمي
يا قلمي قل للرجال
كل النساء أجساد
أما العقول فتختلف
وانا منهن لا اكتفي
بالعقل لا بالتدبير
فكم من نساء للرجال تميل
ومنهن من يرتدين
ثوب الرجال
وكم من أم تاهت خطاويها
ما بين رغبة وبين معانيها
أما أنا فلي خطوة
هي التي اخطيها
أربط رباط أسرتي
حتي الغيب فيها
ألقي بنفسي أمامه
من أجل أحميها
وأخذ بيد الكبير والصغير
فما لهم من بعد ربهم دوني
أخبر رجال الكون أني
امرأة بألف رجل
أما كراعي أو مسؤول
انني أم وبالأمومة
ما أقواني
