بيوتنا القديمة ...... للشاعر / ناصر النادى

 

أغنية للحب ........ للشاعر/إبراهيم شبل

 

يا حب واحة لقلبينا

وحياتك ما ترد علينا

تيجي نعيش لوحدينا

دا الحب بيرقص فينا

أنت حياتنا و أهالينا

الدلع دا شوية علينا

لو جتي بجد حوارينا

والله للصبح تلاغينا

أصل القمر في بيتنا

واقف دايما بتراسينا

لما تسألي مرة علينا

هتلاقيكي جواعينينا

نورك دا احلى ما فينا

إن غبتي مين هيسهرنا

ياوردة وفله وياسمينا

دا عطرك فاح و عطرنا

اسكن قلبي واسكنينا

زي السما كدا رعاينا

يانجمة بتجوب ليالينا

شد الرحال لأرضينا

ولا حبك دا بيدوينا

من السهر اللي ماخلينا

رماد لنار وأنت بتطفينا

يانجمة اوع تلاعبينا

قلوبنا ازاز بين ايدينا

وانت قلبك اللي بقلبنا

ردك مش خسارة فينا

مكتوب السعد لوحدنا

والدنيا بتردد غناوينا

دا الجمال مخلوق لينا

فيطرح الورد بجنينا

منقوشه فيها اسامنا

وطيور الحب حوالينا

مين في الدنيا زينا

الحب دا عش أحلامنا

ساعة الحلم ما يكفينا

يكفينا شر حسادنا

لما بعينيهم ترمينا

نبعد نحلق بجناحنا

زي الطيور فوق المينا

ولاعمر حد هيجرحنا

طول ما احنا مع بعضنا

الشاعر/إبراهيم شبل

 

وحشتيني ......... للشاعرة / سناء البنا

 

وحشتيني
جاي بتقول وحشتيني
يا قلبي وروحي ووتيني
طب قولي راجع ليه ؟
عشان تاني تبكني
     .................
قلبي خلاص قدر ينساك
ولا عايزه تاني هواك
ولو روحي كانت وياك
مش عايزاها بقى تجيني
     ...................
اموت احسن ولا ارجعلك
ولا اسمح تاني لهجرك
يموّت كل يوم فيا
واعيش ف الهجر بحنينى
        .............
 قلبي مات وانا مت معاه
لا أنا فاكراك ولا فاكره
وحياة كل كلمه اااه
نزفت فيها شرايني
       .............
ياللى ما صونت ليّا العهد
خلاص جفت دموع الود
مبقاش عندي ليك أنا رد
خلاص كل الكيان اتهد

توبة ......... للشاعر / محمود مسلم نور

 

بنضحك كتييرعلى روحنا
ونقول دا قدر مكتوب
وننسى سوء اختيارنا
ومن الحقيقه هروب
كان قدامنا فاكهه وطازه
ورضينا با المعطوب
بتنا نقاسى ندم عمر
وعشنا الحياه مقلوب
وشربنا شربه مره
مليانه معاصى وذنوب
وصبرنا عليها صبر قاسى
يساوى ما صبر ايوب
لا خلصنا من الغلب
ولا عاوزه عننا تتوب
بقلمى /محمود مسلم نور

يا معذبني ......... للشاعر / خالد داوود

 

يا مخلي عيني ما تعرف تنام
ومعذبني انا من دون الخليقة
شوف حبك صايب قلبي سهام
وبعد هاذ جاي تقولي صديقة
سلام على قلبي من حبك سلام
بعد ما اشعلت بعروقي حريقة
يا حبيب الروح والله حرام
لو تحن وتنقذ نفس غريقة
يا شوقي لك على مدى الأيام
يا لهيب الوجد ما أقدر أطيقه
تتذكر لما كنت على صدري تنام
وانفاسك تهب علي نسمه رقيقة
وعاهدتني ما تغدر لو غدرت الأيام
واتاريك الغدر وبيه وصديقه
مع السلامه روح مع الف سلام
وربي يسهل لكل منا طريقه

بكره هموت .... للشاعر / محمد عطية محمد

 

بكره هودع عمري معاكم

بكره هموت

واللي حابيبني واللي كارهني

كله سكوت

راح تنسوني ... أيو أنا عارف

مش فاكرني ... برده أنا عارف

وبقي دموع ذكرايا حزينه

رخامه مكتوبه علي باب قبري

أصحوا وفوقوا ... يا خلق الله

والله ما دايم ... ... غير الله

بكره هموت ..... بكره هموت

مش راح هيفضل مني

غناوي ولا حكايات

صوره مهزوزه .... زجاج مكسور

ماضي وفات

كل حياتي ... واللي أنا عشته

هيبقي بخار

لحظة وفاتت ... ذكري وماتت

جنه ونار

راح تنسوني ... أيوه أنا عارف

مش فاكرني ... برده أنا عارف

وبقي دموع ذكرايا حزينه

رخامه مكتوبه علي باب قبري

أصحوا وفوقوا ... ... يا خلق الله

والله ما دايم ... ... غير الله

بكره هموت ..... بكره هموت

كل دموع في عنيكم ... بعدي

ماسرها تروح

والأحزان سحابه ... وتعدي

مش سيبه جروح

واللي هيزعل بعد وفاتي

شهر يادوب

والأيام بتنسي بسرعة

والحزن يدوب

أصحوا وفوقوا ... ... يا خلق الله

والله ما دايم ... ... غير الله

بكره هموت ..... أيوه هموت

كلمات الصدق

فارس الليل الحزين

محمد عطيه محمد

 

يا دنيا .... للشاعر / اسامه بهنساوي

 

تغلغل فى شرايينى .... للأديب / ابراهيم الدهش

 

دعينى .... للشاعر / نسيم الزراع

 

عاشق ..... للشاعر / ابراهيم رضوان