اكاديمية فن البوستات للإبداع

ساعات بتحس
ان انت مالكها
وان زمامها ف مِلك إيديك
إنك واحد فاهم جدا
رغم حيرتها إزاي ترضيك
وإنها لما بتضحك ليك
بتكون حتمًامُغرمة بيك
وانك مُختار من اخيار
متميز من بين اقرانك
ان انت جميل جدا جدا
مافيش من حسنك ودلالك
يوسف ف الطلة وبتقطع
كم ايادي عيون بَصَّالك
وان إنت أوتيت مالاً اصلا
بفضل ذكاوتك ونباهتك
والعالم لم يسطع صبرا
على علم الخِضر اللي ف مخك
فذاك فُراقٌ حتما لازم
ياللي انت مافيش إتنين منك
بس انا راح اقولك تأويلي
ونصيحة لله مش اكتر
المال متساب
والشكل تراب
والدنيا هتيجي ف يوم تُغدر
هتشيل الضحكة وهتكشر
وهتعمل خدك مجرىٰ دموع
مالهاش ف العشرة ولا بتُستر
ح تسيبك كدا عريان مخدوع
الصحة يومين
والشكل يومين
المال والدار بقارون مخسوف
فرعون كان باني صرح متين
رغمًا عن ذلك مات ف الطين
من بعد الخوف
وف قعر الجوف
صرخة غرقان!
راح تملك مين بس ياغلبان؟
العود للدود
مولود مشدود
داخل عريان طالع عريان
راح تملك مين بس ياغلبان ؟

قصاقيص
أوعى يعنى
تفتكر
إن بكره
جاى وشايل
م الأمانى
شئ جديد
أو أغانى
يحسها
قلب البليد
أو هيهديلك
ورود
بكره جايلك
بالوجع
زى القرود
أوعى يعنى
تفتكر
إنك بطل
أو هتقدر
يوم بايدك
تلفق النور
بالأمل
بكره جاى
يفتح جراح
جاى يفتش
فى اللى راح
جاى بينبش
فى القبور
جاى يصحى
الميتين
بكره جى
عشان تزيد
البله طين
لو صحيح
لساك بتحلم
تبقى أوهام
السنين
بكره مش طالع
عشانك
بكره طالع للى
هانك
أيوا مالك
مش مصدق
قوم ولزق
كل قصاقيص
الحياه
تلقى صورتك
زى حلمك
والملامح دايبه
من كتر التراب
الحقيقه
فرق شاسع
م الحمامه للغراب
لسه ناوى تعيش
شويه
والا تنهى القصه
ديا
بالنهايه المأساويه
لو صحيح حابب
تكمل
حط راسك عالصينيه
للى رايح
واللى جى
واوعى تسأل
مره تانيه
لسه عايش
والا حى

اشرف الشناوى