صباحك شهد ومكرر
صباحك أحلى م السكر
ياروح الروح ف أحضانك
بشم المسك والعنبر
بحبك موت ياروح قلبى
وحبك ليا كان أكتر
وطول ما انتى هنا جنبى
هكون لك ورد بيزهر
واكون لك شمعة بتنور
طريق مفروش بلون اخضر
هكون لك حنة ف كفوفك
وأناجى القلب يتمخطر
ويرسم ضحكتك صوره
ف بنورة... بلون أحمر
يا أموره .. وسنيورة
وخدك .. أحلى م المرمر
بنام واصحى على صورتك
ياحلم جميل .. ما يتفسر
ولما الناس تجيب سيرتك
بقول سيرتك دهب أصفر
.......................
للشاعر / رضا أبو الغيط
