صباحكو ..... للشاعر / البدري زايد

صباحكو أحلي شيء عندي

صباحكو والنبي وردي

صباح الفل ع الغاليين

صباح بيفتح الياسمين

صباح الخير وبزيادة

ياأهل الحب ياسادة

صباحكو في الهنا يحلا

وطوالي كدة يغلا

صباح غالي ياأحبابي

ياناسي الحلوة ياأصحابي

صباح سكر وانا ليكم

وبوسة مني أديكم

...................

للشاعر  /  البدري زايد

التقينا ... للشاعرة / بتول العتربي

التقينا بلحظة كانت

أجمل أوقات الحياة

يومها عندى ما كانش فارق

كلمة آه كلمة لا

عشنا دنيا فيها يمكن

افترضنا صدق ياااااااه

لكن السعادة تهرب

من حياتنا

فجأة وتفتنا لاهاتنا

قلبنا فضل سكاتنا

عمرنا راح كله تاه

قلنا يا ريت مااتقابلنا

حبنا دا مات وحيرنا

نلفظه حتى وضميرنا

كان معانا لمنتهاه

مش ح ناخد إلا ذكرى

حب ما نعرف مداه

...................

للشاعرة / بتول العتربى

أنت كلي .... للشاعر / نبيل امين

أنت كلى

........

أنت تقول أنا حته منك

وأنا أقول إن أنت كلى

عارف لما تسبنى ثانية

بتعذبنى تزيد فى غلى

بتخلينى ما بين الناس

ماشى تايه منى الإحساس

وللا دموعى نازلة رصاص

آه لو تعرف إيه حاصلى

بحس إنى فى دنيا غريب

وقلبى جرحه ما راضى يطيب

لما يكون أقرب قريب

مش ملاحقنى زى ضلى

حبة لاقيتك ليا تعاند

بعد ما قلبك كان بيساند

كنت تقول وليا تعاهد

تبقى حبيبى وروحى وخلى

كلمات وتأليف

الشاعر نبيل امين

عيش الحياه وافرح ..... للشاعر / محمود المهدي

،، عيش الحياه وافرح،،

فتح عنيك ل الشمس

ويلا قوم صبح

أرمي همومك وراك

عيش الحياه وافرح

💚💚💚💚💚💚

أبدأ صباحك بالضحكه والبسمه

وغني ويا الطيور لا تكشر ولا تنح

💚💚💚💚💚💚

قوم يلا فتح عنيك

وامشي بخفه ودلع

الدنيا بنوته حلوه

وانت الأمير الجدع

تشوف عيونك الجميله تعشقك

بس انت خليك صاحي

لاحسن توقع

💚💚💚💚💚💚

كل الي قبلك غضب

الدنيا فيه بتجرح

خليك بشوش يلا وأضحك

عيش الحياه وافرح

💚💚💚💚💚💚

محمود المهدي

نفسى أقولك ..... للشاعر / نبيل الورداني

نفسى أقولك مره يا أمى

كلمه ماحدش قالها ف يوم

حبك سارى ف روحى ودمى

مهمن كنت ف يوم محروم

حتى الغلطه لو كات هفوه

عايز أكفر عنها بصوم

أصل الوقت ساعات بيلومنى

ويوبخنى كمان ف النوم

أي ثوانى تعدى عليا

بتحسسنى كمان ب اللوم

حتى الموت اللى بيهزمنى

كنت بحس الموت مهزوم

بعرف إن قدرنا الحتمى

ما بينفعشى معاه اللوم

بس عشمنا ف رب الكون

أطمع مره ف عفوه وكرمه

إنى مابتش ف يوم مهزوم

      ((نبيل الوردانى))

همسة .. بقلم / ماهر العثمان

كنت فاكر .....للشاعر /. فهمي علي نصر

كنت فاكر حبي فيكي لو ناسيكي مش هتنسي

واني مهما أغيب عليكي هتعذريني و مش هتقسي

بس لما الوقت خدنا و فات معادنا

من سكات احنا اتعاندنا

و التقيتك رافضة همسي

اللي كان بيخلي روحك طايرة فوق جنب النجوم

و اللي كان رغم المواجع سحر بيزيح الهموم

و اللي ياما سألتي عنه و بعنيكي مش كلام

كنت اشوف نظرة عنيكي و السؤال قبل السلام

روحنا فين و ازاي بقينا

غيرنا و رضينا الخصام

....................

للشاعر / فهمي علي نصر

لو مال على الزمن ....للشاعر / حسن السحماوي

لو مال على الزمن عمرك ماحاتميلى 

حاعمل حجاب واحفظك جواه يا نور عينى 

ما أنتى اللى قلبى أحتكم على نبض إحساسك 

صبحت حياتى أمل ودنيتى .. وديني 

....................

للشاعر / حسن السحماوي

زى القمر ......للشاعر / رضا محمد حسب النبى

زي القمر

........

لما قالو اوصف جمالها

قولت ليهم مالو زيى

طب هى زى القمر

قولت أكتر يا ناس بشوى

شمسها تدفى القلوب

قلبى فيها دايب دوب

الحنه منقوشه على إيديها

وهى ورده ولابسه توب

من كتر البصه فى عيونها

بقيت يا ناس مليان معاصى

وكمان معاها شوية ذنوب

على طول أغمض عيونى

وأقول خلاص لازم أتوب

أفديها بروحى وعمرى كله

ماهو عليها يا ناس يادوب

........................

للشاعر / رضا محمد حسب النبى

عام جديد .بقلم /جبالي اسيا

نحن كالعصافير نغرد في أعماقنا

 ونحلم بالأمل 

مع خيوط الصباح الجميلة

 عام سينقضي 

وسنة أخرى قريبة منا 

وتلك المشاعر تعانق الحياة

 بالأحلام والأماني

مالذي سيحدث 

وهل أبواب التغيير مفتوحة 

هل فعلا نحن نؤمن بالحياة

نؤمن بالآخرين

بأوجاعهم وأحلامهم

وألا فلن يتغير الزمن 

أعوام تنقضي ونحن لم نتحرك

..............

بقلم /جبالي اسيا

  ‏‎Assia Djabali‎‏