يا قدس ... للشاعر / سعيد عباس الضو

يا قدس لا تبكينا 

نحن أموات من زمن 

ولا خير فينا

قد نشأنا على الوهن

أموات مابلينا 

فهل ترى غير العفن

وحكامها علمونا

ان نحمل بأيدينا الكفن

متى نطأطأ الرأس 

وكيف ننحنى لوثن

سعيد عباس الضو

الكلمة ... للشاعر / عادل داود

 

الكلمه

........

كلمة.ممكن....تفتح.....بيها....مدن.........ودروب

كلمه...ممكن..بيها تكون..مكروه...أو.....محبوب

كلمه..بيها تلين... صخر وحجر وبيها تفتح قلوب

كلمه..تفتح أمل..وممكن تخلى المكسور منصوب

الكلمه....

كلمه..بالف حسنه.....وكلمه...تجمع فى حياتك ذنوب

كلمة..حق تنجى..وكلمه..باطل.تيجى بإعدام مكتوب

وكلمه بيها تعلم.....جاهل..وتخلق جيل للعلا منسوب

كلمة الله تهز الكون...فيها الخشوع.وبيها قلب يتوب

الكلمه....

اضبط...كلامك.بلسانك..زين...ونقح.......الحروف

أصل الكلام.. انواع....كتير ليه...اشكال...وصنوف

ساعات الكلام..يبقى حنين.او زى ضرب...سيوف

وفيه..كلام..مسئ..وفيه..كلام. الخير..والمعروف

الكلمه...

فيه....كلام...زى..الانغام.....شكل...........وملامح

يسعد...حبيب..وقريب..وللنور والامل...... فاتح

كلام شكل الورود..وزى النسيم.فى.. الهوا سارح

وكلام اغانى.فيه حنانى..جميل زى بستان طارح

....... كلماتى.....عادل داودعسكر.......

فى غرفتى المجهدة ... للشاعرة / فيفى الجندي

في غرفتي المجهده

كل اللي في غرفتي

برواز ازاز مكسور

ترابيزة باكل عليها فول

كرسي مخلع من ايام جدي المدلع

منبه بيرن من غير ميعاد

ملخبط في كل الساعات

في سجادة قديمة

كنبة من عمر الأميرة

في سجادة صلاة

سبحة وعود بخور نفاذ

في ستارة مقطعة

عمرها ستين سنه

في غرفتي المجهدة

كتاب قديم معاه منديل

تراب علي الحيط المشروخ

شباك خشب من عمر شيخ البلد

عصاية وعكاز وابور جاز

في غرفتي المجهده

مرتبة من ايام الشباب

جار عليها الزمان

مخدة محجرة

مفتاح ودلاية

طربوش وجاكته

من امجاد جدي

في الركن البعيد 

بشوف صورة مشروخه

علي جمب محطوطه

وطبليه مركونه

شافت ايام حلوه صغنونه

واحلام في المنام

ووردة ناشفه في كتاب

اهداها حبيب لست الدار

بتعبر عن الذكريات

سقف الحجرة كان عالي

وحيطانها مدهونة بالغالي

ايام ماكان الحب والاحساس مداري

علي الحيط ساعة خشب

واقفه من عمر الزمن

فيها دولاب بمرايا

مخدوشه تشوف فيها خيال اتوجد

فيها ابره مصديه

كانت بتغزل فستان ولوليه

في وقت الفراغ كان السمر يحلي

راضيين بحال الحجرة المخلصة

كل ده في حجرتي المجهده

وفضلت أحلم . للشاعر المغمور

وفضلت احلم واستنى

اشوف العقد بيتدلي

مابين اغصانك الهايلة

يازاينة دنيتى وحُلة

ولا عنك راح اتخلي

يانسمة عمري يافُلة

ده شهدك نابع من قُلة

وزمزمك طاهر ياعود ياسمين

الشاعر المغمور

أجراس وليد حجاج .. للشاعر / ابراهيم رضوان

أجراس وليد حجاج دقت

علشان ديوك الخير تدن

الأرض بالحب انشقت

و العيله فرحت بيه جدا

ٱه يا وليد طيبتك باينه

و الضي واضح في عيونك

لو حتي كل الناس خاينه

الحب عمره ما هايخونك

روحك لكل عهود صاينه

الله من الضلمه يصونك

حتي الحياه لما احدقت

خليتها بالسكر أحسن

مفتون ..... للشاعر / نبيل الورداني

عشت سنين مفتون بهواك

علشان تعرف قيمتك عندى

وانا من طبعى لقيت ف رضاك

هى الغايه وغصبن عنى

دانا بتنسم عطر هواك

ليه بتحاول تهرب منى

بقى معقوله ف يوم ح انساك

مهمن كنت ساعتها ظالمنى

(نبيل الوردانى)

غدر الحبيب . للشاعر / البدري ابراهيم

غدرالحبيب

ضاع العمروراح بلاش

ياخسارة القلب أنه ماتهناش

أتارى اللى حبيته مابيسواش

أنتظرته يلاقينى ويهنينى لكنه ماجاش

صحيت م غفلتى لقيته بكاش

ياريت الفؤادماحبه ولاعاش

حسبت الأيام تعدى بسلام مالقيتهاش

قلبى لمين راح يصفا والحزن ماخلاش

ماهوالزمن هده صحيح الدنيا مابتنساش

الكداب صايع وضايع أصله هتاش

نسى كلامه ليا أتاريه ملون ونقاش

جاى يهددنى رحت قايل حوش ياحواااش

حكم على قلبى وراح وماهمااااش

عديم النظر قلبه حجرجرحنى وهومايسواااش

هسيبه للزمن عايش يرفرف زى الخفااااااش

الشاعرالبدرى ابراهيم

السيرك . للشاعر / سعد البنا

 السيرك

غصبٍ عنّك خِفّْة دمَّك ترسم بسمه من الأحزان !!

إضحك كركر إوعى تفكّر

حلوه جميله عِشت التوَهان 

واحنا معاك في السيرك وعادي

واقف أنا ع الباب وبنادي

قرب جرب شوف واتفرج سيرك دخوله بالمجان

ساحر شاطر قادر باهر أصلُه مخاوي ملوك الجان

سهل يجيبك ويوديك

سهل كمان يلعب ياض بيك

وهتقتنع إنك غلطان !! 

ساحر سحره سر مكانه

السيرك دا معمول علشانه

لجل يكون هو القبطان 

قرب جرب شوف واتفرج سيرك دخوله بالمجان

ادخل شوف إزاي بنهرج

فيه بلياتشو وفيه فنان

يآاخي بجميله تعالا اتفرج

فيه عندنا رقاصة كمان

لكن تدخل تقعد ساكت

ومتشألش عن حاجه فاتت

كمل كاسك لو عطشان

قرب جرب شوف واتفرج سيرك دخوله بالمجان

مين يقدر يكشف ملآعِبْنا 

لو تقدر راح تبقى حببنا

ونشيلَك هيلا هوبّا كمان

إنت وهيا وهو وهما

ميغركش الناس واللمه

يلا ورايا قولوا بهِمه

يـحـيــا السيرك بكل جـبـــان

قرب جرب شوف واتفرج سيرك دخوله بالمجان

#سعد_البنا

ملهى ..... للشاعر د. محمد ضباشه

ملهى
…..

الشاعر محمد ضباشه

ملهى بماء السكر لم تنم

اللام ليل مارق

يزف كأسا من الألم

والهاء هجاء الروح

بروح فيها تنعدم

الياء منها تئن

وجرح البغض ما التئم

ونقاط بعد الياء تذكرنا

أن الخمر أفسد الدم

والليل بويل تنحنى

فيه الرأس على القدم

أغلقه إن شئت مختارا

وأفتح بابا الى الندم

وطهر النفس تحميها

من الزلات والهدم

متخافيش . للشاعر / عاطف عبد الحميد

ما تخافيش

.......

ما تخافيش لو اغير عليكى 

خافى لو بطلت اغير 

ياللى كل الكون عينيكى 

و انا ع العالم امير

......

رافضه تبقى كل حاجه 

عاوزه تبقى اى حد 

طب سيبى لى منى حاجه

بحري مش محتاج ل مد

وان زهق من موجى شطك

امسحى م الرمله خطك

و اذكرينى عند قلبك 

و اسمحى لى اموت اسير 

ما تخافيش لو اغير عليكى 

خافى لو أبطل اغير 

......

قلبى فعلا جالى آسف 

بعتذر لك عن غرامه

غير سماكى ماكانش شايف 

و ف عينيكى حفظ كلامه 

و ابتدى عمري الجديد 

و انتى ليل رمشك وجود

اكتب الاحلام و اعيد

ليه نسى قلبك علامو 

توجعه اشواقه ليكى

و اما اغير يبدا خصامه

.......

عاطف عبد الحميد