عقوق الوالدين ... للشاعرة / جيهان الطنطاوى

عقوق الوالدين
..................
ياعاق والديك 
ابوك وامك
ديه نعمة ربك مديهاليك
فى الدنيا يدعولك 
وف الآخرة هاتلاقى
الجنه بين إيدك 
برضا ربك عليك 
ديه وصية ربك إليك 
إقرأ قرآنك 
هاتلاقى فيه آيات 
بتوصيك على والديك 
لو صحيح مؤمن بربك 
كنت هاتصون والديك 
دا هما بركه ف حياتك 
وبرضاهم تكمل سعادتك
وتوفق فى عملك 
وتلاقى الخير جاى ليك 
وولادك فى كبرك 
يهتمو بيك 
ماهو اصل اللى تعمله ف والديك 
تلاقيه ف خوف ولادك عليك
...................................
للشاعرة  / جيهان الطنطاوى

  

أين المفر ..... للشاعر / حسن الجبالي

 

أين المفـــــــــــــر ؟ 
من طغيان همسك تستغيث جوارحي 
من حرارة أنفاسك يذوب الثلج 
فترفقي بنبض قلب متيم ؟ 
تأخذني إليك أشواقي 
أطرق باب قلبك لعله 
يلبي نداء من تتوق روحه لقربه 
أنشد على أتار الحنين لحن لوعتي
يتساقط دمعي ولا أجد من يكفكفه 
أهيم في الطرقات أسأل كل من ألتقي 
هل رأيت الحنان قد مر من هنا ؟
يكويني الأنين وقلبي تتسارع نبضاته 
ويح فؤادي وهو يئن شوقا لمن يعشق 
ويح عيني لا ترى بين النساء غيرها 
ويح وجدي حينما 
يشتكي للناس ذل إشتياقي ولوعتي 
يا ويح روحي التى 
لم ولن تعشق غيرها 
فلا تتمردي على قلبي حبيبتي
وقولي 
أين المفر 
حتى تقر عيني في مروج أنوثتك ؟ 
... " إبن الجبـــــــــــــالي " ...

عابر سبيل .... للشاعر / محمد رمضان

 عابر سبيل   
...............
( 1 )
يا ملبسين الحب
توب المستحيل 
أنا قلبي عاشق
من قبل حتي ما
/ أتولد /
حالف بعهد الله
أحضن ترابك
/ يا بلد /
يا أم الشهيد البطل
يا أم / الولد /
خطى و عبر
وقف في 
وش الظلم 
عمره ما / إنكسر /
كتب بدمه 
علشان عيونك
يا /حبيبتي /
لازم أرجع 
/ منتصر /
( 2 )
أنا لسه حاسس
/ أنتك /
و أديني ب أحلف يابلدنا
بقلبي أمسح
/ دمعتك /
حالف أنور 
/ سكتك /
و أغزل من العمر
إللي جاي 
توب جميل
/ و ألبسك /
و أكسر أنا 
أي إيد
ممكن تفكر 
/ تجرحك /
إنتي الحبيبة
و أحلى اليالي
ليلة فيها
/ أحضنك /
و أعيش و أموت
ولا عمري أنسى
في أي يوم 
فرحة عيونك 
يوم لقايا
و لا عمري أنسى
/ ضمتك /
( 3 )
أشهد بإنك 
يا حبيبتي
بتزرعي لنا 
ألف فجر 
في كل 
/ ليل /
إنتي الكرامة 
إنتي العراقة 
الكل عارف إبنك 
/ أصيل /
و آدي ولادك
رافعين لرايتك 
جيل بعد 
/ جيل /
خوفو و خفرع
/ محفوظ / تحتمس /
مينا و أحمس
/ أحمد زويل /
طول عمر أرضك
أرض الحضارة
ياهرم و نيل
شمسك ... صفا 
حضنك ...... دفا
يا أم الهوا يشفي
/ العليل /
أحلف بإني
/يا حبيبتي /
عشقي ليكي ملوش 
/ مثيل /
و مهما أكتب
و مهما كان عمري 
/ طويل /
إزاي راح أوفيك
/ و أنا /
في الدنيا دي 
 عابر سبيل  
 ..................................... 
للشاعر / محمد رمضان

  
  

بلاش تهربى ... للشاعر / عبدالرؤوف أبو سلوان

بلاش تهربي 
....................
ليه شايفك تهربي
منّي وتخبي جواك
الأسية
وشايف الدمع بعينيك
وأنت القاسية عليا
برضوا أنا لو هنت
عليك
عمرك أنت ما تهوني
عليا
بقولك كلمة يا حبيبتي
مش مهم مين فينا
الضحية
أنا وأنت مشينا طريقنا
ايدي في ايدك نسبق
حيتنا
نشتكي لليالي قصة
جراحنا
وننسى معاها كل الاهات
بس خسارة أنت نسيتي
نسيتي حتى الذكريات
وأنا عمري ما أقول
عنك انك انت اللي خنتي
بس دي كانت مجرد
خلافات
هي أزمة وراح تعدي
وبلاش تهربي دا هروبك
هيزوّد الازمات .......
..........................................
 للشاعر  / عبدالرؤوف أبو سلوان

زايله مفاتنها للشاعر / معوض حلمي

 زايله مفاتنها  
................ 
ياللي الدموع سالت منك
إصنع بإيدك ....... أفراحك
مهما قالوا الناس عنك
إفرد مع النسمه جناحك
الدنيا يوم مش سنه
زايله .............. مفاتنها
وإحنا النهارده ....... هنا
وبكرة ..............فايتنها
خلي إبتسامتك سوسنه
وانسى العنا ........ منها
واضحك بقى يضحك سنك
وطير وغرد في براحك 
............................. 

للشاعر / معوض حلمي 

باقى إيه .. للشاعر / طارق شامخ عبد الجواد

باقي إيه
...........
ماسك في نعش الشوق
وفاكر ده عشم
ومن الغشم
حفظ اللي مكتوب بالقلم 
جوه الهرم
عايز يحنط في الزمن
ويسطر العمر اللي كان
جوه حكايات
صعبان عليه حتى الثواني
تتعدم
حاضن دقايق فرح بيزيح
في الكفن
ضرب الودع بس الودع
لا رد ولا قال ده بدع
صابه الساكت
مال ع الشجر 
أتاريه من الحزن اتكسر
شاف الصور رسم الوشم
باس القدم 
حتى القبور فتحت له باب
كان إتحكم
بس اتوهم وقت أما فاح 
عليه عفن
وقع اتوهن طارت الصور
عدى الزمن
بعد أما شاف صاحب الصور
هو الرفات
باقي إيه من اللي عدى
واللي فات
حبة ورق ويا الصور
والذكريات
.........................................
للشاعر / طارق شامخ عبد الجواد

  

شر الجهالة . شعر/ الدكتور رمضان قنديل

شر.. الجهالة.. ما يكون دفينا
فى عقل قوم يعشقون الهونا
لا يعرفون من الحياة سوى الهوى
والمنكرات وما يكون مهينا
مالوا إلى زيف الحياة وقد غدوا
لفعال ... إبليس ... اللعين قرينا
تبا لقوم .. لم يراعوا .. حرمة
بين الأنام ولم يقيموا الدينا
شر الخلائق من تخبطه الهوى
فهوى إلى بحر الضلال رهينا 
كم عاش سالف عمره فى نزوة
ومضى عليها فى الحياة سنينا
لا تظلموا .. دين .. الإله وشرعه
فالعيب . فى تلك الحياة وفينا
.....................................
شعر/ الدكتور رمضان قنديل

صباح الخير .. للشاعر / مجدي فرج عامر

صباح الخير علي حمامتين وعصفوره
وخصلة شعر راسمه الورده ع القوره
صباح صباحين ياكل الناس ف دنيتنا
صباح برواااااز شايلنا كلنا في صوره
..................................

للشاعر /  مجدي فرج عامر
Magdi Farag Amer

يارب .... للشاعر / حسن السحماوي

يارب مالى فى الوجود سواك
لا الأهل تجدى ولا الحبيب غناك
الكون يفنى والعباد سراب
والمال وهم ذاهب إلاك
والحب أنت يا إلهى وعزتى
ورضاك قلبى حيثما ناداك
فرضاك حبى فى صلاتى وخلوتى
وضياك عشقى جنتى بضياك
قد تركنى الأحباب وتباعدو لمذلتى
وتاهت الروح فى فضا الكون والأفلاك
فارحم ياربى إن أتانى الموت بغتتاََ
والطف بمن عشت الحياة بقربهم
وسماتهم فى الحب والإدراك
وأصفح ياربى عنى مذلتى
فأنا اليك اليوم .. قلبى قد نداك  
................................. 
للشاعر / حسن السحماوي 

لما حبيتك أنا ... للشاعر مجدى فرحات

لما حبيتك  أنا
وضم قلوبنا الهوا  
عيشين ليالينا هنا
مخطرش ببالي أنا
هاعيش يوم الأسا
والحلم يبقا ف لقا
تفارق وتسبني هنا 
والعشق اللي كان وما
والنظره اللي كانت دوا
فرحه ياما ضمتنا سوا
راح كل ده فين مننا
لما حبيتك أنا
لا خطر ببالي الهجر
والايام تعدي آه وتمر
مليش غير الصبر دوا
هو مبينا حكايه وسر
مين يقول آه كدا
الدمع ليلاتي بيجر
جرح وآهات وأسى
إزاي رضيت البعد
يجرح ورود الخد
بتخون ليه الوعد
دا كنت ليا السعد
ندمان حبيتك أنا
يلي كنت انت أنا

............................. 
للشاعر /  مجدي فرحات