يارب صبرى نفد ... للشاعر عادل الشريف

دعاء رمضانى
يارب صبرى نفد
..............
يارب صبرى نفد
ومعادش فيا خلاص
اجعل لحالى آخر
واجعل لضيقى خلاص
بحق شهر الصوم
فرج يارب همومى
واقبل صلاتى وصومى
واكفينى شر الناس 
اكفينى شر البشر
وعبدك الطماع
والظالم المفترى
واللى واخدها دراع
واقبل دعاء الصايم
وارزق بليلة القدر
مش طالب إلا الستر
واطعم يتيم إن جاع
............................. 
للشاعر/ عادل الشريف

جوه المقام .. للشاعر ابراهيم رضوان

جوه المقام..أجلس

و الروح مفارقاني

شياطين .. بتتجسس

و ملايكه حارساني

و الضي .. مالي عيون

كل اللي كان مشتاق

كل اللي كان مسجون

مفتون من الأضواء

يا رب كون في العون

و احمينا م الأسماء

بارتاح إذا ألمس

بابك بوجداني

..............................

للشاعر / ابراهيم رضوان

مالك يا بلدى .... للشاعر / عبدالرؤوف ابوسلوان‏

 مالك يا بلدى  
.....................

مش عارف ليه كل
ما اجى أبكى
ألاقى الدمعة منعانى
والضحكة. فارقت
وشى
باين عليها مخصمانى
ونقابل بعضنا نضحك
ولكن ب نعانى
ولمّا نفتكر همّنا تضيع
الضحكة ف ثوانى
والـغم يسكن قـلبـنـا
وتزيد احزانى
مالك يا بلدى أيه حصلك
انا كانت الفرحة مش
سيعانى
بس انا ديما عاشق ليك
وترابك يهوانى
مش عارف كل ما اقرب
ألاقيك. مفرقانى
هو انا اللى تغيرت والا
انت اللى بيعانى
........................................
للشاعر / عبدالرؤوف ابوسلوان‏ 

ليلة القدر ...... للشاعر / رفعت أبوكريم (شاعر الصعيد)

 ليلة القدر 
..............
فى ليلة القدر المعلّى قدرها
تزدان بنا ساحات الخشوع
يا رب منك الحنان وفضلها
واقبل دعانا وأنهار الدموع
أسبغ علينا يا الهى عــــزة
لنحيا كراماً دون الرجــوع
أنزل علينا يا الهى رحمــة
واقبل منا تسابيح الركـوع
فى ليلة القدر المعظم شأنها
نقِ الهى ما بين الضلــوع
تب علينا يا الهى وردّنـــا
رفعنا اليك رايات الخضوع
...................................................
للشاعر / رفعت أبوكريم (شاعر الصعيد)

يارب ..... للشاعرة / راوية حسن

يارب يا حنان
من علينا بالأمان
داحنا فى رمضان
ده شهر الغفران
وتلاوة القرآن
اسمعنى يارحمن
واغفر لى كل ذنوبى
مش قلت لى توبى
أنا توبت من زمان
وبستنى رمضان
لمضاعفة الاجر
والثواب يارحمن
أنا عيدت ع الأهل
والكل والجيران
وسامحت من ظلم
وقال فى حقى وهان
لأنى طمعانه ف كرم
رب رحيم منان
يغفر لى كل ذنوبى
ولو كانت أطنان
بستنى منه العفو
والصفح والغفران
يارب ياحنان
هى دى بركة رمضان
............................
للشاعرة / راوية حسن
Rawya Hassan

يارب ..... للشاعر / فتحى عبد الهادى

يارب 

فى الشدة.............بالجألك
وبلهفة.................باندهلك
انت السند.............والجاه
يارب...........انا.........عبدك
   ................
ايه...أكون...انا فى كونك
ملكك......يفوق......عقلى
لويوم.....بعدت......بعيد
وتهت........انا......بجهلى
بهداك.............تنجيبنى
أبكى............وأسجدلك
أبكى.............وأسجدلك
.................................
للشاعر / فتحى عبد الهادى

الخير فى رمضان ... للشاعر الدكتور رمضان قنديل

الخير فى رمضان  
.......................
وفى رمضان فعل الخير وفر 
تراويح .... وتسبيح .... وذكر
وحسن عبادة وصفاء.. نفس
وقلب خاشع ... يغشاه فكر
وبذل فى الخفاء وصدق قول
وإحسان...... بلا من...... وبر 
فمن أحيا .... لياليه... بشوق
يكن لهداه عند الله قدر
ومن لعبت به الأهواء فيها
فليس لديه عند الله عذر

...................................
شعر الدكتور/ رمضان قنديل

كنز الأخلاق .......... للشاعر / مجدي فرحات

كنز الأخلاق
.............. 
دع الأخلاق دعها و شأنها
ففي كمائن الروح رب الخلل
فانظر لحالك وانظر خصالها
نقاء الأخلاق تسمو دونما بلل
لا يقدر بمال ولا بفقر طباعها
إنما من حمل الجينات بلا علل
وبقول الحق فالصدق سراجها
البر والآداب لا يصح بهما خلل 
صفات للأخلاق و وصفا لأهلها 
كنز يعلو بالخلق ودوما مكتمل
............................
للشاعر / مجدي فرحات

مسحراتى ...... على شحاتة سليم

مسحراتى وفى ايدى طبله
كل البيوت أهلى وناسي
الحاج احمد والعمه فاطمه
على طبلتى يصحوا يوماتى
رمضان عوايده فى القلب فرحه
والنيه خالصه بانوى صيامى 
يارب دومه علينا نعمه
والطبله تفضل تصحى فى جيرانى

...................................
للشاعر / على شحاتة سليم

أدى السادس ... مجدي فرحات

أدي السادس بيدق الباب
بالعطف والرحمه وإحسان
لعباد الله الحاضر واللي غاب
من رب كريم محسن ومنان
بصيام رمضان أمر رب تواب
رحمه وغفران وعتق نيران
رمضان خيرك كفا كل الألباب
دا الكل فيك مسرور وفرحان
................................
للشاعر / مجدي فرحات
Magdy Farahat