أولى جامعه
كنت لسه ف أولي جامعه
لما قالت إني سامعه
نبض قلبك بينادينى
وإن صوت قلبي اللي حَبك
حَبْ يوهب لك حنيني
كنت لسه بااقول يهادى
ف المدرج جنب شادى
والأماني ساكنه عيني
والأمل....... فارد دراعه
وبشراعه...... بيلاقيني
كان لي قلب يا دوب بيحبي
جوه مني من يومين
صعب كان يقدر يصدق
أو يكدب رمش عين
لما شاف الحلوه شاورت
والعيون ........متكحلين
إلتقيته.......... فط مني
وابتدى م الشوق يغني
غصب عني ..قلت أغني
إنت فين ...والحب فين
وابتديت أسأل عليها
الحروف ف الكرسات
أصلها كانت حوريه
غير جميع كل البنات
فوق كتافها ليل طويل
والشفايف ...... شربتات
عودها يشبه للنخيل
لجله تتعطل ساعات
والدقايق والثواني والسنين
وابتدي قلبي اللي داب
يشكي من نار العذاب
زى كل.......... العاشقين
لو ف يوم الحلوه غابت
وللا سابت
نن عيني ..... .. ثانيتين
أو لمحها طرف عيني
ويا غيرى
لحظه واقفه
او بتضحك ضحكتين
وابتدي وردى ف كتابي
من عذابي
جنب باقي الورد يدبل
لما شاف حلمه اللي عيشته
ولي مني
والعيون بقوا دبلانين
واحنا لسه ف أولي جامعه
جوه عيني شُفت دمعه
نازله تحرق لون خدودى
اللي كانوا........ موردين
وإلتقيت الفرح ولي
لما شاف... سرب الأنين
فوق كتاف قلبي اللي آمن
للعيون....... الغدارين
واحنا لسه ف أولي جامعه
شُفت دمعه
فوق خدود قلبي الحزين
م اللي قالت
إني سامعه
نبض قلبك بيناديني
م اللي باعت ..لجل هاني
عُمر غالي..... من سنيني
