مجلة ثقافية أدبية فنية
فاكره ايام الفقر يا حـمده
كانت صعبه علينا وجامده
والأحـــلام ويانا معـــانده
وانتي الصابره معايا وحامده
مهما تشد معاكي بتحلى
تصبح أحلى وأحلى وأحلى
كل ما نحـلم حـلم كبـــير
نصحي نلاقي الحظ عسير
نرضى ونصبر اكتر وأكتر
نســجد ندعــي الله اكبر
بدأ الرزق ينقــــط ويكتر
والأولاد قدمـــــنا بتـــكبر
والاوهــــام بتفارق تمشي
والأحــــــلام تتحقق لينا
بعد المر بتحن علينا
ولا مره م الفــــقر شكينا
فاكره أيام الفقر يا حامده
كانت أسيا علينا وجامده
وانتي الصابره معايا وحامده
وصفه بتخميره
لو حـد قتـــلاه الغــيره
ودار يلسـن عـلى ذاتك
صبرك عليه 100 تكفيره
والله في ميزان حسناتك
وإياك تقـــابله بتكشيره
ها يقول دا زود ف آهاتك
ضفر له م الحب ضفيره
بين له أجمل ضحكاتك
واعمله وصـفه بتخمـيره
يشـربها تهضمله صـفاتك
هاتهدى روحـه الشريره
يسمع نصايحك وعظاتك
ينضـف وتحـلو السـيره
يندم بإنه ف يوم فاتك
لو بس ف النيه بصيره
كان قلبـه حس بنياتك
والدنيا رحلـتها قصـيره
بـلاش تقـابله بخــياتك
والـرب عنــــده الدبيره
قادر يجمــــلها حــياتك
صبرك عليه 100 تكفيره
والله في ميزان حسناتك
والله في ميزان حسناتك
ــــــــــــــــــــــــــــــــــــــ
بقلمي خون أنوب الجديد
معوض حلمي الفلاح الفصيح
منشأة بطاش تمي الأمديد دقهلية
يا عمنا الشاعر
يا عمنا الشااااااااعر
امسح بشعرك غم
خلى الشيطان يتلم
وابدر غناوى الفرح
بكفاية جرح و هم
يا عمنا الشااااااااعر
انصح بشعرك قول
جَمِّل حروف القول
فرَّح بيوت الشعر
وخلى الكآبة تزول
يا عمنا الشااااااااعر
نقى الكلام م العبل
الشعر مش بالهبل
ازاى تساوى اتنين
العقل ويا الخبل
يا عمنا الشااااااااعر
الشعر مش عيبة
عمره ماكان خيبة
داللى يقول الشعر
عاقل وله هيبة
يا عمنا الشااااااااعر
قبل الكلام سمى
بالفصحى و العامى
الشعر كله جمييييل
ساعة العطش يمى
