نظرة أمل
تعبت كتير وياما
وفي عينى كام علامه
الحاضر شفته غاب
وضاع منى الكتاب
كان فيه سطرين امل
الدنيا دوختني
وياها بعيد خدتني
فى الغربه كمان رمتنى
واصحاب امس فاتتني
طب مين فيه الخلل
احترت اكتب جواب
باللوم او بالعتاب
الرد كان كتاب
مزود فى الحساب
وراسمها بالعلل
الناس مابقتش ناس
والحب بدون اساس
الود ضاع خلاص
لو قلت على الخلاص
عرفنى ايه العمل
لو وحدى بدون رفيق
والجرح كان عميق
رح اكمل فى الطريق
الخير هايكون صديق
ولا هاشعر بالملل
المولى خلقنا ليه؟
واحنا كُونيتنا إيه؟
سؤال ردوا عليه؟
ليه تهد اللي بانيه
وعايش فى الكسل
بتحب طب ومالو
سيبك م اللي مالو
الماضي راح لحالو
وبكرا جى بحالو
عيش انت بالأمل
عوني هشام
